Malilo 5:13 - Baibo Busansulushi Bwa Libuku Ili

¹³ Bacikula bwangu basankwa batoopenga kupelela busu. Abalo banike basankwa balaya citalantanta ceebo cakulemenwa mile ya nkuni.

Malilo 5:13 ပူးပေါင်းရင်းမြစ်များ

Jobo 31:10

ingayi mukaangu aakatelekele musankwa umwi akuuya mukukumanaakwe pabulo bwakwe.

Kulonga 1:11

Aboobo bene Ijipiti bakasala beshikubasebensesha kwaamba ayi babapeenshe kwiinda mukusebensa ncito shiyumu. Bene Isilaeli bakayaka mandabala anene obilo aPitomu alimwi aLamesesi kwaamba ayi munoolaminwa shakulya sha mwaami Falawo.

Kulonga 11:5

Baana boonse basankwa bakwiiya ba mucishi ca Ijipiti batoofwa, kutalikila kumwanaamwaami Falawo, uyo weshi akapyane cuuna ca bwaami, kushikila akumwaana mwanakashi musha uyo upela maila. Aboombe boonse bakwiiya batoofwa.

Kulonga 2:11

Ono Mose ndyaakakula, wakaya mukufwakashisha bene Ebulunyina, akubona mbuli mbobakalinga kukakatishikwa kusebensa ncito iyumu. Wakabona amwine Ijipiti umwi kaauma mwine Ebulu womwi pakati ka bene mishaabo.

Kulonga 23:5

Alimwi na wacana mbongolo ya muntu ngoopatite yawa ceebo ca mukuli ngweeyumwite, mucafwe kwiibusha, kuteendililabo, sobwe.

Isaya 47:2

Bwesa mpelo upele fulaulo. Fuula kasani kateshimite kakulifweka kumeenso. Pimpa cifunga cako myeendo icaale patuba. Lyalo ukubule mumaanshi kusubuka tulonga.

Isaya 58:6

“Sa nshikwe kusuminisha kulikasha kulya kwakusutoola ncetani shakasalulushi akusowa bweendeleshi bwanu bwakulyatililana? Sa tamweelete kwaangulula baabo batoolyatililwa akucileka nshila shanu shoonse shalunkutwe?

Jelemiya 7:18

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.

Mateyo 23:4

Balanyamwisha bantu mikuli ilemu, sombi balo beene tabakumiiko nabibo kakumo.

Boomboloshi 16:21

Mpomunyaawo bene Filisiti bakamucata akumutuloola meenso. Bakamutola kuGasa uko nkobakamwaanga ancetani ya bulonse akumupa ncito yakupela shili anga ngamaila muntolongo.