Malilo 5:1 - Baibo Busansulushi Bwa Libuku Ili

¹ NoBaami baLesa, amwiibaluke ico cacitika kuli ndiswe. Amulangilishe mbotwasebaana.

Malilo 5:1 ပူးပေါင်းရင်းမြစ်များ

Neyemiya 1:3

Ono bakankumbula ayi, “Abo bakapuluka mubusha akuboolela kumishaabo bali mumapensho anene akucobolwa kubantu babashingulukite. Lubumbu lwa Jelusalemu lwakapwaikwa, aminjililo ya ndulo yakatentwa alimwi teena kubambululwa kuswa kuciindi ico.”

Neyemiya 1:8

“Amwiibaluke mulasho ngomwakapa Mose musebenshi wanu wakwaamba ayi, ‘Na mukabule kushomeka kuli ndime, ndaakumupalanganishisha pakati ka mishobo imwi.

Neyemiya 4:4

Mpomunyaawo ndakapaila ayi, “NobaLesa besu, amunyumfwe mbobatootuseka. Amubaboosheshe mucobwe wabo, ee, matushi abo aalundane pamitwi yabo beene. Abapambwe shintu shoonse nshebacite alimwi batolwe busha kucishi cimwi.

Jobo 10:9

Amuyeeye kwaamba ayi mwakamumba abulongo. Sa mulisuni kumpilushisha kulusuko alimwi?

Jobo 7:7

NobaLesa, amwiibaluke kwaamba ayi buumi bwangu bulibo anga nkuyoya kwa linkanda lyomwi. Nshiku shangu shakusangalala shamana kale.

Kulumbaisha 119:153

Amubone mapensho angu akumpulusha, ceebo nshilubiiko milawo yanu.

Kulumbaisha 74:18

NoBaami baLesa amwiibaluke balwani banu mbobakamuseka, ambuli bantu baluya mbobakacobola liina lyanu.

Kulumbaisha 79:12

Amuboosheshe mishobo imwi shishole mankanda osanwe aobilo, ceebo ca matushi ngobakalinga kumutukana noBaami baLesa.

Kulumbaisha 79:4

Mishobo itushingulukite yatusebaanya cakumaninina. Bantu ba mishobo imwi batuseka alimwi akutucelebula.

Isaya 62:6

Webo Jelusalemu, pamumbu shako ndabikaawo beshikulindilila. Teshi bakoomuneewo mashiku amalumwi. Mwebo nomwiibalusha Lesa pasheesho nshaakashomesha, amutolelele cakutookesha.

Jelemiya 15:15

Lyalo ndakaamba ayi, “NoBaami baLesa mwebo mulanyumfwishisha shintu. Kamunjibaluka akundama. Amumbooshesheeko cishole kubaabo bampensha. Mwebo tamukalali bwaangu, ono mutabaleeki ayi bancaaye. Amuyeeye mbooncobolwa ceebo ca ndimwe.

Jelemiya 51:51

Mulaamba ayi, ‘Swebo tulicite nsoni ceebo twacobolwa. Aboobo tulilisendete cibiibi mukwiinga baswamashi bakenjila mumisena isalalite ya muŊanda yangu nebo neMwaami Lesa.’

Malilo 1:11

Bantu ba njiyo boonse batootongela pakuyandoola cakulya. Batooshinta buboni bwabo ashakulya kwaamba ayi babe abuumi. Ndabala iyo itokwaamba ayi, “Amubone, noBaami baLesa akutuyeeya ceebo twacoboka.”

Malilo 1:20

“NoBaami baLesa amubone mapensho angu! Muuya wangu wapenshekwa abuumbi. Ndapeenga abuumbi mumoyo ceebo ca bwaashu bwangu butalifulili. Pansengwe lya maanda mumikwakwa ya ndabala, mupeeni uliciteko kucaya, amwalo mukati mumaanda muliswitebo bafu.

Malilo 1:9

Matombe a njiyo alibo patuba, sombi yalo teekwe kuyeeyawo shakunembo. Kuwa kwa njiyo kwakakankamanisha, alimwi tekwakalinga nabi womwi wakuyumbulusha. Lyalo yakalila ayi, “NoBaami baLesa, amubone mapensho angu ceebo balwani bangu bankoma.”

Malilo 2:15

Bantu boonse beenda kufwaafwi andiwe balakukankamuka. Balakuseka akupukumuna mitwi yabo akwaamba ayi, “Sa iyi njendabala inene ilya yakalinga kwiindaawo kubota? Sa njendabala iyo yakalinga kusangalasha cishi coonse?”

Malilo 2:20

NoBaami baLesa, amubone akuyeeya. Anu ngani ngomwakapenshawo kale camushobo uyu? Sa ncibotu banakashi kulya bana babo? Sa ncibotu kulya baana abo mbobakalela? Sa bapailishi abalaluki balyeelete kucailwa muŊanda yanu isalalite?

Malilo 3:19

Nciyeeya mapensho angu akwiingaila kwangu, ee, mapensho alulabo anga nindulwe.

Malilo 3:50

kushikila Mwaami Lesa akalange panshi kuswa kwiculu akutucafwa.

Malilo 3:61

NoBaami baLesa mwakanyumfwa matushi abo alimwi ambobapingite kucita pali ndime.

Abakuku 3:2

NoBaami baLesa ndakanyumfwa sheesho nshemwakacita. Nebo ndamulemeka abuumbi ceebo ca shintu isho nshemucita. Ono amushicite alimwi munshiku shesu shino. Ee, amushipukishe muciindi cesu cino. Kamutunyumfwila nkumbu nabi mwakalala.

Luka 23:42

Mpeeke wakaamba ayi, “BaJesu, mukanjibaluke mwaakwisa muBweene bwanu.”