Malilo 4:20 - Baibo Busansulushi Bwa Libuku Ili

²⁰ Bakacata wooyo wakalinga kutabilila buumi bwesu, ee, mwaami wesu uyo wakasalwa aMwaami Lesa. Bakacata wooyo ngotwakalinga kushomete kwaamba ayi inga watufuna kubalwani besu boonse.

Malilo 4:20 ပူးပေါင်းရင်းမြစ်များ

Matalikilo 2:7

Lyalo Mwaami Lesa wakabwesa bulongo panshi akubumbaamo muntu. Mpeeke wakamuyoyela muuya upa buumi mumashono, mpomunyaawo muntu uyo wakaba abuumi.

Matalikilo 44:30

“Ono na mwanike wesu atanooli anebo ndaboolela kuli bata, musebenshi wanu, uyo ucatene abuumbi amwanike uyu, alimwi na bata

2 Samwelo 1:14

Defedi wakamwiipusha alimwi ayi, “Ino webo cakuyumya moyo kwaamba ayi ucaye mwaami wakasalwa aMwaami Lesa nciinshi?”

2 Samwelo 1:21

“Ee, patulundu twa Gilubowa, apakabule kulokelaawo mume nabi mfula, apakabule myuunda kweenga kwaswa cipo ca shili anga ngamaila. Ceebo mayawo a basankwa beene beene mpwaaselenkene apo. Mbulya ono liyawo lyakwe Saulo talitoonanikwa amafuta.

2 Samwelo 18:3

Sombi bashilumamba bakaamba ayi, “Mwebo tamweelete kuya aswebo. Swebo na tweecica nkondo balo inga tababikiiko maano. Nakubi kwaamba ayi pakati kesu musa bafwa, inga tababikiiko maano. Sombi mwebo mulyeelenebo abantu bali 10,000 pakati kesu. Anu inga cabota mwebo kuboola kundabala inene kwaamba ayi munootutumina lucafwo.”

2 Samwelo 19:21

Mpomunyaawo Abishayi mwanaakwe Seluiya wakaponsomoka ayi, “Shimeyi ulyeelete kucaikwa! Wakacobola mwaami uyo Mwaami Lesa ngwaakasala.”

2 Makani 35:25

Mpomunyaawo Jelemiya mulaluki wakapanga lwiimbo lwakulila mwaami Josiya. Bulya cakashibila beshikwiimba mucishi ca Isilaeli, basankwa abanakashi, kwiimba lwiimbo ulo ciindi coonse ndibamulila. Lwiimbo ulo lulacanika mumabuku anyimbo sha malila.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Jelemiya 39:5

Sombi bashilumamba bene Babiloni bakabakonkela akucata Sedekiya kumawesa a Jeliko. Mpomunyaawo Sedekiya bakamutola kumwaami Nebukadinesa uyo wakalinga mundabala inene ya Libula mucishi ca Amati. Uko Nebukadinesa wakamupa mulandu.

Jelemiya 52:8

Sombi bashilumamba bene Babiloni bakakonkela mwaami Sedekiya akumweensha kumawesa a Jeliko. Lyalo bashilumamba boonse bakamushiya eenka, mpeeke wakacatwa.

Jelemiya 52:9

Mpomunyaawo Sedekiya bakamutola kumwaami Nebukadinesa, uyo wakalinga mundabala inene ya Libula mucishi ca Amati uko nkwaakaya mukupetwa mulandu kuli Nebukadinesa.

Malilo 2:9

Minjililo yakwe yakamana kupila panshi, mpingilo wakashityoloola akushinyonyoola. Mwaami wa njiyo abamatanjilili ba njiyo bakatolwa busha pakati ka mishobo imwi. Milawo yakwe Lesa yakacileka kwiishikwa. Abalo balaluki bakacileka kubona shili anga nshiloto shiswa kuMwaami Lesa.

Esekelo 12:13

Ndaakufungulula koombe kangu umo mweshi akacatwe akumuleta kundabala inene ya Babiloni. Sombi lakwe teshi akeeboneewo, nakubi boobo ulaakufwita nkomunya uko.

Esekelo 17:18

Mwaami wa bene Juda wakapwaya kushomesha cakulumbila kwakwe acipangano ico ncaakapanga ayi ulaakucilama. Wakacita shintu ishi shoonse aboobo teshi akapulukewo, sobwe.’

Esekelo 31:17

Abo bakalinga kwikala mucimfule ca ncico, nkokwaamba ayi abo bakalinga kucafwanaaco munkondo pakati ka mishobo, balaakuya a ncico kumusena wa bafu mukusenkana abaabo bakacailwa munkondo.

Danyelo 4:12

Cakalinga kucite matewu abotu abuumbi alimwi cakacata shisepo shiinji cakukwanisha bantu boonse mucishi. Banyama bamuluundu bakalinga kookeshesha mucimfule ca ncinco. Bayuni bakalinga kuyaka shiinswa mumisampi ya ncico alimwi shilengwa shoonse shuumi shakalinga kulya shisepo sha ncico.

Osiya 13:10

Mwakasenga mwaami alimwi abacinenenene. Ono mwaami wanu kwaamba ayi amupulushe uli kuli? Bacinenenene banu mumandabala anu oonse bali kuli?

Boomboloshi 9:15

Sombi muumfwa wakakumbula ayi, ‘Na ncakwiila mulisuni ayi mbe mwaami wanu, amwise mookeshe mucimfule cangu. Na mukake, ingayi mulilo utooswa kumiyanda yangu akutenta shisamu sha sida sha kuLebanoni.’ ”

1 Samwelo 12:3

Ono mpoondi pano. Na kuli cilubo ncendakacita amunshinine pameenso aMwaami Lesa amwaami ngwaasala. Sa ndakabwesaawo kale ŋombe nabi mbongolo ya muntu umwi uli woonse? Sa kuli ngondakacenjeekawo kale nabi kupensha? Sa ndakatambulawo kale makulo kumuntu uli woonse? Na pasheeshi shoonse kuli ncendakacitaawo, ntoolipila ico ncendakabwesa.”

1 Samwelo 12:5

Lyalo Samwelo wakabaambila ayi, “Mwaami Lesa amwaami ngwaakasala baba bakamboni sunu kwaamba ayi mwasumina ayi nshicite mulandu napaceyuubo.” Abalo bakaamba ayi, “Ee, Mwaami Lesa ngukamboni wesu.”

1 Samwelo 16:6

Sombi ndyaakashika, Samwelo wakabona Eliyabu mwanaakwe Jese akulyaamboosha ayi, “Ndushinisho uyo Mwaami Lesa ngwaasala uliimfwi kunembo lyakwe.”

1 Samwelo 24:10

Sunu mwebo nobeene mwaboona ameenso anu kwaamba ayi Mwaami Lesa waalinga wamwaaba mumaansaangu mucimfwengo mulya. Bamwi balinga bandwiita ayi mucaaye, sombi ndamulekelela mukwiinga ndeebaluka kwaamba ayi mwakacita kusalwa aMwaami Lesa ayi mube baami.

1 Samwelo 24:6

Wakaambila bashilumamba bakwe ayi, “Mwaami Lesa ansosoloshe kukucita cintu ca mushobo uyo kumwaami wangu, uyo mwiine ngwaakasala. Nteeleshi nabibo kumutyunka munwe ceebo kuba mwaami wakacita kusalwa aMwaami Lesa kwiinda mukunanikwa mafuta.”

1 Samwelo 26:16

Ici ncewacita tacikwe kubotaawo napaceyi. Ncakwiila bweenka mbocili lushinisho kwaamba ayi Mwaami Lesa ngumuumi, webo abashilumamba bako mulyeelete kufwa, mukwiinga tamutoolindilila mwaami wanu, uyo wakasalwa aMwaami Lesa kwiinda mukunanikwa mafuta. Ono bulya inga wandwiita ayi lisumo lya mwaami akankuli ka maanshi isho shalingabo pafwaafwi amutwi wakwe shili kuli?”

1 Samwelo 26:9

Defedi wakaambila Abishayi ayi, “Utamucaayi! Taakuuwo weenga wacisa mwaami wakasalwa aMwaami Lesa kwiinda mukunanikwa weenga wabula kuba amulandu.”