Malilo 3:56 - Baibo Busansulushi Bwa Libuku Ili

⁵⁶ Mwakanyumfwa kusenga kwangu kwakwaamba ayi, “Mutanooshinka matwi anu na ndasenga lucafwo.”

Malilo 3:56 ပူးပေါင်းရင်းမြစ်များ

2 Makani 33:13

Lyalo Mwaami Lesa wakanyumfwa kusenga kwakwe Manase akumuleka ayi aboolele kuJelusalemu kuya mukulela alimwi. Ici cakabonesha mwaami Manase ayi Mwaami Lesa nguLesa wancinencine.

2 Makani 33:19

Mupailo wakwe akukumbula kwakwe Lesa, shibiibi nshaakacita kaatana kusanduka, nkokwaamba ayi bubi mbwaakacita, misena yakulambililaako ya patulundu, shikoshanyo shakwe Ashela lesa mwanakashi isho nshaakapanga alimwi ashibumbwabumbwa nshaakalinga kulambila, shoonse shililembetwe mulibuku lya balaluki.

Jobo 34:28

Bakalengesha bakandu kulilila Lesa alakwe wakanyumfwa kulila lucafwo kwabo.

Kulumbaisha 3:4

Ndalilila Mwaami Lesa ayi ancaafwe, alakwe ulankumbula kuswa kukalundu kakwe kasalalite.

Kulumbaisha 34:6

Mupenshi ndyaakasenga, Mwaami Lesa wakamukumbula akumanisha mapensho akwe oonse.

Kulumbaisha 5:2

Amunyumfwe kulila kwangu nobaLesa bangu, noBaami bangu, mukwiinga ndapaila kuli ndimwe.

Kulumbaisha 5:3

Macuunsa mulanyumfwa liswi lyangu, pakuswa lisuba ndapaila kuli ndimwe akulindilila ayi munkumbule.

Kulumbaisha 55:1

NobaLesa amunyumfwe mupailo wangu, mutabiki minsuula kukusenga kwangu.

Kulumbaisha 55:18

Ulampulusha kuswa munkondo njeendwana kwakubulaawo acimenga, nakubi kwaamba ayi mbaanji bampinga.

Kulumbaisha 55:2

Amunkutike akunkumbula. Kulisukama kwantyoloola abuumbi.

Kulumbaisha 66:19

Ono Lesa ndushinisho wankutika, akunyumfwa mupailo wangu.

Isaya 38:5

“Boola kuli Esekiya, uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ndaakukunungilaako myaaka ili likumi ayosanwe.

Danyelo 9:17

“NobaLesa, amukutike mupailo wangu akusenga kwangu nemusebenshi wanu. Amulengeshe kwaamba ayi Ŋanda yanu italike kusebenseshekwa alimwi. Amucite boobo kwaamba ayi bantu boonse bakeshibe ayi mwebo ndimwe baLesa.

Bene Loma 8:26

Awalo Mushimu Usalashi ulatucafwa mukwiinga tatucite nkusu. Tatwishi mbotweelete kupaila, sombi Mushimu Usalashi ulatusengelaako kuli Lesa mumaswi ataambiki.