Malilo 3:37 - Baibo Busansulushi Bwa Libuku Ili

³⁷ Anu ngani weenga waamba makani akucitika acitika? Ee, ngani ukonsha kucita cintu ico Mwaami Lesa ncaatakwe kusuminisha?

Malilo 3:37 ပူးပေါင်းရင်းမြစ်များ

2 Samwelo 16:10

Sombi mwaami wakaamba ayi, “Mwebo nobana bakwe Seluiya tamubeteko lubasu kumakani aya. Na utooncobola ceebo cakwaamba ayi Mwaami Lesa wamulwiita boobo, ngani ucite nkusu shakumwiipusha ncaatoocitila boobo?”

1 Baami 22:34

Nakubi boobo shilumamba umwi mwine Silya wakawaala mufwi ciwaalewaale akuyasa mwaami Aabu pakati kamanungilo a shakufwala shakwe sha nkondo. Wakoolobesha kuli shikweensha cikoci cakwe ayi, “Maawe wanjasa! Piluluka tusweemo munkondo.”

2 Baami 6:33

Elisha kaatana kumanisha kwaamba makani aya, mwaami wakesa waamba ayi, “NguMwaami Lesa walengesha ayi mapensho aya kwisa pali ndiswe! Ino ono noolindililanshi lucafwo kuswa kuli nguwe?”

Jobo 10:13

kakuli shoonse ishi mwakalinga mwashishisa mumoyo wanu. Ono sunu ndindeshiba ayi wakalinga ngomuyeeyo wanu.

Jobo 2:10

Sombi Jobo wakamukumbula ayi, “Utokwaambabo anga ngumuluya. Sa ulisuni ayi katutambulabo shibotu sheenka kuswa kuMwaami Lesa kuleka mapensho?” Mumapensho aya oonse, Jobo taakwe kubishaawo kwiinda mumaswi ngaakaamba.

Kulonga 10:10

Mpeeke mwaami Falawo wakaamba ayi, “Na nkamuleeke ayi mutole banakashi alimwi abana banu, ingayi Mwaami Lesa wamupa coolwe cikankamika! Sombi nshikoonshi, mukwiinga caboneka patuba ayi mutooyanda kutwaalukila.

Tushimpi 16:9

Muntu inga wayeeya nshila njaasuni kutola, sombi Mwaami Lesa ngootanjilila ntaamwa shakwe.

Tushimpi 19:21

Muntu inga kaacite miyeeyo iinji, sombi nkuyanda kwakwe Lesa kulengesha ayi icitike.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Isaya 46:10

Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Jelemiya 23:32

Ndushinisho ndibapatite balaluka shabubeshi. Balalwiita bantu bangu shiloto isho akubasowa kububeshi bwabo butacite ncito. Sombi nshikwe kubatuma, sobwe. Nebo neMwaami Lesa ndaamba.”

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Bene Loma 9:15

Ceebo Lesa wakaambila Mose ayi, “Na ndasuna kunyumfwila nkumbu muntu umwi, ndaakumunyumfwila. Na ndasuna kuba abuumba pamuntu umwi, ndacita mbomunya ubo.”

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.