Malilo 3:32 - Baibo Busansulushi Bwa Libuku Ili

³² Nakubi kwaamba ayi waleta mapensho, pesule ulaakufwa nkumbu ceebo lusuno lwakwe lutamaani ndunene.

Malilo 3:32 ပူးပေါင်းရင်းမြစ်များ

2 Baami 13:23

Sombi Mwaami Lesa wakalinga kunyumfwila bene Isilaeli nkumbu aluse. Taakwe kusuminisha ayi banyonyoolwe, sombi wakalinga kubacafwa ceebo ca cipangano ico ncaakapanga aAbulaamu, Isaki alimwi aJakobo. Kushikila abobulya taakwe kulubaawo bantu bakwe napaceyi.

Kulumbaisha 103:11

Bweenka mbuli liculu mbolili kulaale kuswa panshi, mbweeke ubo lusuno lwakwe mbolubete kukomena kubaabo bamulemeka.

Kulumbaisha 30:5

Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.

Kulumbaisha 78:38

Nakubi boobo lakwe wakalinga kubanyumfwila nkumbu, wakabalekelela shibiibi shabo alimwi taakwe kubanyonyoola. Liinji liinji wakalinga kukomenya moyo kwaamba ayi atabi abukali bwakubacaya.

Kulonga 2:23

Ndipakeenda myaaka, mwaami wa mucishi ca Ijipiti wakafwa, sombi bene Isilaeli bakalinga kucipengabo ceebo ca busha akunoolilila shikubafunaako. Kulila kwabo kwakashika kuli Lesa,

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Isaya 27:8

Mwaami Lesa wakaanishabo bantu bakwe kwiinda mukubatuma mubusha. Wakabalekelela kwaamba ayi batolwe acipuupu cikali ciswa kwicwe.

Isaya 54:7

“Ee, kwaciindi ciniini ndakalinga ndamusuula, sombi ndaakumuboosha ankuumbu shiinji abuumbi.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Malilo 3:22

Ceebo ca lusuno lwa Mwaami Lesa lutamaani, teshi tukalobeewo mukwiinga lakwe lusuno lwakwe ndwamuyayaya.

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Naamu 1:12

Mwaami Lesa waamba ayi, “Nakubi kwaamba ayi bene Asilya balicite nkusu alimwi mbaanji, balaakunyonyoolwa akumaninabo limwi. Mwebo nobantu bangu bene Juda, nabi ndakamupensha teshi nkamupensheewo tubili, sobwe.

Luka 15:20

Mpomunyaawo wakanyamuka akuboolela kuli baishi. Kaacilibo palaale baishi bakamubona, mpeeke bakamunyumfwila nkumbu akumucicilila bamukumbata akumufyonta.

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.