Malilo 3:25 - Baibo Busansulushi Bwa Libuku Ili

²⁵ Mwaami Lesa ngumubotu kuli baabo balangila kuli nguwe. Ncakwiila ngumubotu kuli wooyo uyandoola lucafwo kuli nguwe.

Malilo 3:25 ပူးပေါင်းရင်းမြစ်များ

Matalikilo 49:18

“Ono oMwaami Lesa, ntoolindilila lupulusho lwako.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

2 Makani 19:3

Nakubi boobo nkoshili shimwi shibotu nshemwacita. Mwakanyonyoola shikoshanyo shakwe Ashela lesa mwanakashi isho bantu nshebakalinga kulambila alimwi mwakeelesha kukonkela kuyanda kwakwe Lesa.”

2 Makani 30:19

abo babika myoyo yabo kukuyanda ndimwe noBaami baLesa, Lesa wa bamashali babo bakulukulu. Mubalekelele nabi tabana kulisalasha kweelana aMilawo.”

2 Makani 31:21

Wakaswitilila mukwiinga shoonse nshaakacita paŊanda yakwe Lesa nabi pashakukonkela Milawo, wakashicita cakushomeka kuli Lesa alimwi camoyo woonse.

Esila 8:22

Ndakalisenda kusenga mwaami bashilumamba nabi beshimaaki bakutufuna kubalwani besu munshila, mukwiinga twakaambila mwaami ayi, “BaLesa bali abaabo boonse babashoma, sombi balicite bukali bunene kubaabo babakaka.”

Kulumbaisha 105:3

Amusangalale akulambila liina lyakwe lisalalite. Ncakwiila myoyo ya bantu boonse bamulambila aisangalale.

Kulumbaisha 119:2

Balicite coolwe abo bakonkela kwiisha kwa Mwaami Lesa, abo bamunyumfwila amyoyo yabo yoonse.

Kulumbaisha 22:26

Bakandu balaakulya akukuta. Abo balambila Mwaami Lesa balaakumulumbaisha. Ncakwiila kabeendela buumi lyoonse.

Kulumbaisha 25:8

Ee, Mwaami Lesa ngoolibo kabotu alimwi ululeme. Paceebo ceeco uleeisha bamucita shibi nshila shakwe.

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

Kulumbaisha 27:8

Mwebo mwakaamba ayi, “Kamunambila.” Nebo ndakaamba ayi, “Ndanoomulambila noBaami baLesa,

Kulumbaisha 37:34

Amube alulangilo muMwaami Lesa akukonkela milawo yakwe. Ulaakumusumpula kwiinda mukumupa cishi. Balo bamucita shibi mulaakubabona kabatandwaamo.

Kulumbaisha 37:7

Kokalika caamba pameenso akwe Lesa akulindila lucafwo lwakwe. Utalisukami abantu basumpuka kwiinda munshila shabo beene, ee, bantu abo baswitilila kwiinda mumiyeeyo yabo ibiibi.

Kulumbaisha 39:7

Ono noBaami baLesa, inga ndalangilanshi acimwi? Nebo kulangila kwangu kuli muli ndimwe.

Kulumbaisha 61:1

NobaLesa amunyumfwe kulila kwangu. Amukutike mupailo wangu.

Kulumbaisha 61:5

NobaLesa mwakanyumfwa nshendakashomesha cakulumbila, alimwi mwakampa buboni bwa baabo bamulemeka.

Kulumbaisha 69:32

Baakubona bobulya abo balyatililwa, balaakusangalala. Abalo abo balambila Lesa, balaakuyuminishikwa.

Kulumbaisha 71:14

Sombi nebo kulangila kwangu kunanooli muli ndimwe lyoonse. Ndanoomulumbaishabo lyoonse alyoonse.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Isaya 26:9

Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Isaya 55:6

Amulangoole Mwaami Lesa kaacicanika. Amupaile kuli nguwe cino ciindi kaacili pafwaafwi.

Isaya 64:4

Ncakwiila kuswabo kale kale taaku wakanyumfwaawo nabi kubonaawo Lesa uli mbuli ndimwe, Lesa uyo ucitila baabo balangila muli nguwe.

Malilo 3:26

Ncibotu kulindilila kooumwitebo, ee, pakulangila lupulusho lwa Mwaami Lesa.

Osiya 10:12

Nebo ndakaamba ayi, ‘Amulishangile bululami, mukatebule shisepo sha lusuno lutamaani. Amulime myuunda yanu itana kushindwa ceebo cino nciindi cakusandukila kuli ndime neMwaami Lesa. Amunyandoole kushikila nkatiile bululami pali ndimwe.’

Sefaniya 3:8

Mwaami Lesa waamba ayi, “Amulindile bushiku mbweshi nkanyamuke kushinina mishobo. Ntooyeeya kwaamba ayi mbunganye mishobo yoonse, akuyobolola malelo oonse. Ndaakutila bukali bwangu pali mbabo, ee, bukali bwangu buyoosha. Ncakwiila cishi coonse ca panshi cilaakushukuta kubukali bwangu bunyaka anga ngumulilo.

1 Bene Tesalonika 1:10

Peculu lya waawo mutoolindilila Mwanaakwe kuswa kwiculu wiitwa ayi Jesu, uyo Lesa ngwaakabusha kuswa kubafu. Jesu uyo ngootufuna kuswa kubukali bwakwe Lesa.

Jemusi 5:7

Ono mwebo nobamakwesu, amube beshimoyonteeka kushikila Mwaami wesu akese. Amubone mulimi mbwaakomenya moyo kulindila shishango mumyuunda yakwe ayi shicate. Ulalindila mfula itaanshi ayakweelaako camoyonteeka.