Malilo 3:23 - Baibo Busansulushi Bwa Libuku Ili

²³ Lwalo lulaba lupya bwaca abwaca. Kushomeka kwakwe nkunene abuumbi.

Malilo 3:23 ပူးပေါင်းရင်းမြစ်များ

Kulumbaisha 146:6

Ee, muntu uyo ushoma muli wooyo wakalenga liculu acishi ca panshi. Lesa uyo wakalenga lweenge ashoonse shili mushintu isho. Mwaami Lesa uyo ulashomeka kwalyoonse alyoonse.

Kulumbaisha 30:5

Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.

Kulumbaisha 36:5

Mwebo noBaami baLesa lusuno lwanu lutamaani ndunene abuumbi cakushika akwiculu, Ncakwiila akwalo kushomeka kwanu kulashika mwiculu muli nyenyeenshi.

Kulumbaisha 36:6

Kululama kwanu kulabonekesha anga ntulundu tulaamfu. Bululami bwanu buli anga ndweenge lulaamfu abuumbi. NoBaami baLesa, bantu abanyama ndimwe mubalama.

Kulumbaisha 89:33

Sombi teshi nkakusheko moyo kuli Defedi, alimwi teshi nkacilekeewo kushomeka kuli nguwe.

Kulonga 34:6

Lyalo Mwaami Lesa wakeenda kunembo lyakwe Mose, akoolobesha ayi, “Nebo neMwaami Lesa ndime Lesa uswite lulekelelo ankuumbu, utafwambaani kukalala, ubonesha lusuno lunene alimwi ushomeka.

Isaya 33:2

NoBaami baLesa amutunyumfwile luse mukwiinga taaku aumwi ngotucinkitemo manungo. Kamutupa nkusu macuunsa lyoonse akuba bapulushi besu ciindi ndituba mumapensho.

Sefaniya 3:5

Sombi Mwaami Lesa ululeme ucili mundabala iyo. Ulacita bululami, taaciti shilubo. Uloombolosha cakutanyengelela bushiku abushiku. Ciindi coonse taalilwi kucita boobo. Sombi bataluleme balabisha cakubula nsoni.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.

Bene Ebulu 10:23

Atutolelele mukulangila nkotucite uko nkotushimikila, mukwiinga Lesa wakatushomesha, ulashomeka.

Bene Ebulu 6:18

Anu shintu shobilo ishi, kushomesha alimwi akulumbila, shilaakucitika cancinencine alimwi Lesa inga taabeciiwo pali nshisho. Aboobo, Lesa wakalinga kutuyumyayumya sotwakacicila kuli nguwe, ayi tuyuminine mukulangila nkwaakatupa.