Malilo 3:11 - Baibo Busansulushi Bwa Libuku Ili

¹¹ mbweeke ubo alakwe mbwaakankweelaanya kuswa munshila, wankwamoona akunshiya cakubula lucafwo.

Malilo 3:11 ပူးပေါင်းရင်းမြစ်များ

Jobo 16:7

NobaLesa mwanguma mumanungo. Ee, mwasuminisha bamuŋanda yangu kucaikwa.

Kulumbaisha 143:4

Aboobo moyo wangu watyongola, ncakwiila moyo wangu woongumana.

Kulumbaisha 50:22

“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!

Isaya 3:26

Aboobo paminjililo ya Jelusalemu palaakuba kulila kuyoosha abuumbi. Yalo ndabala ilaakubabo anga ngumwanakashi wafwitwa ushiitebo panshi, utacite apakucata.

Jelemiya 15:3

“Nebo neMwaami Lesa ndaakubatumina shintu shiyoosha shone. Ndaakubatumina nkondo ayi bacaikwe, bakabwa ayi babakweelaanye, bayuni ayi batalike kubalya alimwi abanyama bamuluundu ayi balye sheshi shikacaaleeko.

Jelemiya 19:8

Lyalo ndabala iyi ndakwiinyonweetabo limwi akwiilensha nsoni. Lyalo boonse abo beshi bakanokwiinda pafwaafwi balaakunookankamana akucobola ceebo ca mapensho oonse a njiyo.

Jelemiya 32:43

Bantu batokwaamba ayi cishi cino cilaakubabo anga nduyanga umo mutekaali bantu nabi banyama alimwi ayi cilaakupekwa kubene Babiloni. Sombi bantu balaakunokuula myuunda mucishi cino alimwi.

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Jelemiya 6:8

Webo Jelusalemu, nyumfwa kucenjeshekwa. Kwabula boobo ntookufutatila akulengesha cishi cako kuba matongo cakwaamba ayi taaku muntu weshi akakonshe kwikalaamo.”

Malilo 1:13

“Wakatuma mulilo kuswa kwiculu kwiine. Ee, wakatuma mulilo mumafuwa angu. Kuswawaawo wakanteya koose kumyeendo akungwishisha panshi. Wakanshiya kaampenga, ndushinisho kupenga cakunoowisookabo bushiku boonse.

Malilo 3:10

Bweenka mbuli beya wayubilila muntu, ee, mbuli nkalamu itoobelamina muntu,

Danyelo 7:23

“Wakansansulwita ayi, ‘Munyama wane uyo uleemikanina bulelo bwane ubo bweshi bukabe mucishi ca panshi alimwi bweshi bukapusaneeko amalelo amwi. Bulaakupwayoola cishi coonse ca panshi akucilyatoola.

Osiya 6:1

Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Mateyo 23:38

Aboobo Ŋanda yakwe Lesa ili muli ndiwe, yaba litongo.

Ciyubululo 18:19

Mpeeke bantu aba bakalitukwita lusuko mumitwi, bakalila akuungumana abuumbi. Bakalinga kwaamba ayi, “Mapensho, mapensho kundabala inene iyi! Njendabala inene umo bantu boonse abo bacite maato anene palweenge mobakabilila. Ono muawala yomwi iyi banyonyookelwa shintu shoonse!”