Malilo 2:20 - Baibo Busansulushi Bwa Libuku Ili

²⁰ NoBaami baLesa, amubone akuyeeya. Anu ngani ngomwakapenshawo kale camushobo uyu? Sa ncibotu banakashi kulya bana babo? Sa ncibotu kulya baana abo mbobakalela? Sa bapailishi abalaluki balyeelete kucailwa muŊanda yanu isalalite?

Malilo 2:20 ပူးပေါင်းရင်းမြစ်များ

2 Makani 36:17

Lyalo Mwaami Lesa wakaleta mwaami wa bene Babiloni ayi abalwaane. Mwaami uyo wakacaya basankwa bacikula bwangu amipeeni muŊanda yakwe Lesa. Taakwe kushiyaako mwanike nabi munene, musankwa nabi mwanakashi. Ncakwiila Lesa wakaaba boonse mumaansaakwe Nebukadinesa.

Kulumbaisha 78:64

Bapailishi babo bakabacaya amipeeni, bamukalubinje babo bakabakasha kulila.

Kulonga 32:11

Sombi Mose wakakombelela Mwaami Lesa, Lesa wakwe akwaamba ayi, “NoBaami baLesa, ino inga mwakalalila buyani boobo bantu banu, abo mbomwakafuna kuswa mucishi ca Ijipiti kwiinda munkusu shanu shiindaawo?

Isaya 22:2

Nciinshi cacitika mwebo nobamundabala inene ya shimfulunganya, ciyobeyobe alimwi amangwengwe? Basankwa banu bakacaikwa tabakwe kufwa kumipeeni, ncakwiila tabakwe kufwita kunkondo, sobwe.

Jelemiya 19:9

Ndaakubalengesha kulya bana babo basankwa abanakashi akulyaana muciindi ca mapensho ayoosha balwani babo baakushinguluka ndabala yabo inene.’ ”

Jelemiya 21:7

Kuswawaawo ndaakwaaba ndiwe Sedekiya omwaami wa bene Juda, bacinenenene bako abantu bamundabala ino abo beshi bakapuluke kumwaalu, nkondo alimwi ansala kuli Nebukadinesa mwaami wa kuBabiloni akubalwani banu basuni kumucaya. Nebukadinesa ulaakubacaya munkondo, teshi akabafwitewo luse nabi nkumbu.’ Nebo neMwaami Lesa ndaamba.”

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Malilo 1:19

“Ndakeeta mboocafwanaabo pakulwana, sombi balo bakangaba. Bapailishi abamaloba bangu bakalobela mundabala inene. Ncakwiila bakaloba ndibakalinga kuyandoola cakulya ayi babe abuumi.

Malilo 4:10

Banakashi beshinkumbu bakateleka bana babo amaansaabo beene ayi cibe cakulya cabo. Bakacita boobo bantu bangu ndibakanyonyoolwa.

Malilo 4:13

Sombi cakacitika mukwiinga wa shibiibi sha balaluki babo amicito ibiibi ya bapailishi abo bakatila bulowa bwa bantu baluleme.

Malilo 4:16

Mwaami Lesa mwiine ngowakabapalanganya, taababikiiko amaano, sobwe. Bapailishi taabapiwo bulemu, abalo bamaloba babo taabanyumfwiliwo nkumbu.

Esekelo 5:10

Paceebo ceeco bamashali pakati kanu balaakutalika kulya bana babo, abalo baana balaakunoolya bamashali babo. Ndaakumupa mulandu akupalanganya baabo beshi bakacaaleewo mumbasu shoonse.’

Esekelo 9:7

Mpomunyaawo Lesa wakabaambila ayi, “Amubishe Ŋanda yangu mukwisusha lubansa lwa njiyo amituntu ya bantu bacaikwa. Kamuya ono!” Aboobo bakaya akutalika kucaya bantu mundabala iyo yoonse.

Bene Lefi 26:29

Mulaakunyumfwa nsala inene abuumbi cakwaamba ayi mulaakunoolya bana banu.

Dutolonomi 9:26

Mpeeke ndakapaila ayi, ‘NoBaami baLesa Beshinkusu shoonse, mutanyonyooli bantu banu nobeene, abo mbomwakafuna kuswa muIjipiti munkusu shanu shinene.