Malilo 2:19 - Baibo Busansulushi Bwa Libuku Ili

¹⁹ Nyamuka ulile mashiku, ulile ciindi beshikulindilila mashiku ndibatalika kusebensa. Lilila Mwaami Lesa amoyo wako woonse. Ee, umulilile akumukombelela ayi bana bako abo batoowisooka kunsala kweela mikwakwa yoonse bapuluke.

Malilo 2:19 ပူးပေါင်းရင်းမြစ်များ

Jobo 3:24

Minsonshi yaba ncecakulya cangu, akwalo kutongela kwangu takumaani.

Kulumbaisha 119:55

Mashiku ndamwiibaluka noBaami baLesa, alimwi ndakonkela milawo yanu.

Kulumbaisha 134:2

Amunyamune maansaanu mwiculu pakupaila muŊanda iyo isalalite akulumbaisha Mwaami Lesa.

Kulumbaisha 141:2

Mupailo wangu ube anga ntununkila kabotu pakutenta kunembo lyanu. Kutambika maansaangu kube anga ngumulambu wa macolesha.

Kulumbaisha 142:2

Nanootola matongooshi angu kuli nguwe, ncakwiila lakwe ngoondwiita mapensho angu.

Kulumbaisha 142:3

Na moyo wangu watyongola, ndimwe mwishi nceenjelete kucita. Munshila moonyinda balwani bangu banteya koose.

Kulumbaisha 28:2

Amukutike kupaila kwangu ndyeemulila ayi muncaafwe, ee, ndyeentondeka maansa kuMusena wanu Usalalite Wiindaawo,

Kulumbaisha 42:3

Minsonshi yacita kuba anga ncecakulya cangu malumwi amashiku. Abalo bantu baliciteko kuntonta ayi, “Anu Lesa wako uli kuli?”

Kulumbaisha 42:4

Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.

Kulumbaisha 42:8

Sombi Mwaami Lesa ulatolelela kutondesha lusuno lwakwe lutamaani bushiku abushiku. Nceceeco anebo lyoonse ncemwiimbila nyimbo, kupaila Lesa uyo umpa buumi buno mbooncite.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Kulumbaisha 63:4

Ndanoomulumbaisha lyoonse mubuumi bwangu. Ndanoonyamuna maansaangu akupaila kuli ndimwe.

Isaya 26:9

Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.

Isaya 51:20

Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 9:20

Mpeeke ndabaambila ayi, “Mwebo nobanakashi, amunyumfwe maswi a Mwaami Lesa. Amunyumfwe maswi ngaatokwaamba. Amwiishe bana banu banakashi kulila cakooloma. Amwiishanye nyimbo shamalila.

Esekelo 5:10

Paceebo ceeco bamashali pakati kanu balaakutalika kulya bana babo, abalo baana balaakunoolya bamashali babo. Ndaakumupa mulandu akupalanganya baabo beshi bakacaaleewo mumbasu shoonse.’

Esekelo 5:16

Ndaakunyonyoola shishango shanu akumulengesha kufwa kunsala. Mulaakunyumfwa kucisa kwa nsala anga njimifwi ikolete iyo yakatumwa kwaamba ayi imucaaye.

Mika 1:16

Nobene Juda, amukulule mitwi yanu mukulila ceebo ca bana banu abo mbomusunishi. Amulikulule minkunyu akuba anga ndikubi ceebo balaakumushiya akutolwa mubusha.

Naamu 3:10

Nakubi boobo bantu ba njiyo bakacatwa busha. Bakateta babo bakoomwa kushikila bafwa moonse mupetukila mikwakwa ya mundabala inene. Cisolo cakoomwa kubaana bamaloba ba njiyo abalo bacinenenene bakaangwa muncetani.

Mateyo 14:25

Ingayi kumuyamaca Jesu wakesa kubashikwiiya bakwe kaaenda pamaanshi.

Maako 1:35

Bushiku bwakaboolaawo kumuyamaca, Jesu wakabuka akuswa muŋanda. Lyalo wakaswa mundabala akuya kumusena kwatakalinga kwikala bantu uko nkwaakaya mukupailila.

Maako 13:35

Anu kamulibambitebo lyoonse mukwiinga tamwishi na mwine ŋanda ulaakwisa lili. Mpashi akese macolesha, pakati ka mashiku, kumuyamaca nabi macuunsa.

Luka 6:12

Muciindi ico Jesu wakaya kukalundu mukupaila alimwi bwakamucetabo kaapaila.

1 Timoti 2:8

Ndisuni basankwa kuli koonse, kabapaila amaansa kaanyamukite, amoyo usalalite, kakutaaku kukalala nabi kupikishanya.

Boomboloshi 7:19

Ono Gidyoni abaabo bali 100 mbwaakalinga abo ndibakashikabo kweela misumba bakacana beshikulindilila bamwi ndibakotolwa akwisa bambi pakati ka mashiku. Bakalisha mapeenga akupwaya nongo nshebakalinga kucite mumaansa.

1 Samwelo 1:15

Sombi lakwe wakakumbula ayi, “Sobwe, nshikoletweewo nkambo. Nshindalinga kunwa! Kuli ncindapenga. Aboobo ndalinga kupaila ayi mbike mapensho angu kuMwaami Lesa.

1 Samwelo 7:6

Aboobo boonse bakabungana kuMisipa. Bakateka maanshi akwaabenga ayi ncipo kuMwaami Lesa mukwaatila. Lyalo bakalikasha kulya bushiku boonse ubo akusumina ayi, “Twakabishisha Mwaami Lesa.” KuMisipa Samwelo nkwaakatalikila koombolosha pakati ka bene Isilaeli.