Malilo 2:17 - Baibo Busansulushi Bwa Libuku Ili

¹⁷ Mwaami Lesa wakacita kweelana ambwaakapinga. Wakacita kweela amaswi akwe ngwaakashomesha kalekale ayi ulaakwaacita. Wakakoma kwakubula kukunyumfwila nkumbu. Ncakwiila wakaleka balwani kukusamwina mukukukoma. Wakapa nkusu shiinji kubalwani bako.

Malilo 2:17 ပူးပေါင်းရင်းမြစ်များ

1 Baami 9:7

lyalo bene Isilaeli ndaakubatanda mucishi ncendakabapa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakuseka bene Isilaeli akubabona ayi taaku mbobabete.

Kulumbaisha 35:24

NoBaami baLesa, baLesa bangu, muliluleme. Amutondeshe kubula mulandu kwangu, alimwi mutaleeki balwani bangu ayi banoosangalalila pali ndime.

Kulumbaisha 35:26

Abo boonse basangalala kubona mapensho angu, abalenshekwe nsoni mukukomwa alimwi abukaluyaluya. Ee, boonse balisumpula ceebo ca ndime abasebaane akulenshekwa nsoni.

Kulumbaisha 38:16

Ceebo ndapaila ayi, “Mutasuminishi ayi balwani bangu balisumpwite pali ndime na ndawa.”

Kulumbaisha 89:42

Bantu bamupatite mwabapa nkusu shakumukoma. Mwalengesha balwani bakwe boonse kusangalala akukondwa.

Kulumbaisha 89:43

Mwalengesha mupeeni wakwe kubula ncito akumulekelesha ayi akomwe munkondo.

Isaya 14:29

Mutasangalali mwebo nobene Filisiti kwaamba ayi Asilya, iyo nkoli ya bweendeleshi yalinga kumuuma yatyoka. Ceebo kuswa kumushobo wa nsoka ilya, kulaakuswa mpili. Mumpili mulaakuswa cifukufuku ucite busoka bucaya.

Jelemiya 18:11

“Ono bulya lwiita bene Juda abantu abo bekala muJelusalemu ayi nebo neMwaami Lesa ntoobabambila mapensho akubayeeyela bwakubacita. Paceebo ceeco abaleke nshila shabo shibiibi. Womwi awomwi aasandule nshila shakwe alimwi amicito yakwe.

Jelemiya 4:28

Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”

Jelemiya 40:3

Ono Mwaami Lesa wacita kweelana ambwaakaamba. Shintu shoonse ishi shacitika ceebo bene mishaanu bakabishisha Mwaami Lesa akutamunyumfwila.

Malilo 1:5

Balwani ba njiyo baba bamaami ba njiyo. Balwani ba njiyo ono mbobashiite cakuliiba. Mwaami Lesa weeletela buumba bunene ceebo ca shibiibi shakwe shiinji. Bana ba njiyo bamana kuya mubusha, ee, batolwa busha kubalwani babo.

Malilo 2:8

Mwaami Lesa wakashinisha kumwayoola lubumbu lwa ndabala ya Siyoni. Wakafungulula lutambo lwa kulupimishaako. Wakalupima kwaamba ayi alunyonyoole cakumaninina. Maanda alaamfu alubumbu shoonse shakanyonyokela pomwi.

Malilo 3:43

“Mwakakalala abuumbi akututandaanya, ee, kututandaanya akutucaya kwakutatufwitawo nkumbu.

Malilo 4:11

Mwaami Lesa wakusha bukali bwakwe boonse, ee, wapoomona bukali bwakwe buyoosha. Wakanyansha mulilo mundabala ya Siyoni uyo wakeetenta cakushika akulwiimbi lwa njiyo.

Esekelo 5:11

“Aboobo nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo ceebo cakwaamba ayi mwakalengesha musena wangu usalalite kutanoosalalite kweelana aMilawo kwiinda mushikoshanyo shanu amicito ilensha bunya, ndaakumunyonyoola cakutamufwitaawo nkumbu.

Esekelo 8:18

Paceebo ceeco, balaakunyumfwa cilemeneshi coonse ca bukali bwangu. Teshi nkamufwite nkumbu nabi kumulangabo. Teshi nkakutikewo mipailo yabo nabi bakanokoolobesha cili buyani.”

Esekelo 9:10

Aboobo teshi nkabafwitewo nkumbu nabi kubalangabo, sobwe. Sombi ndaakubacitila bweenka mbobakacitila bamwi.”

Danyelo 9:12

Mwakacita nshemwakaamba ayi mulaakucita pali ndiswe abaleli besu mukutuletela mapensho ayoosha. Mwakapa ndabala inene ya Jelusalemu mulandu kwiinda ndabala inene imwi ili yoonse mucishi ca panshi.

Mika 2:3

Paceebo ceeco Mwaami Lesa waamba ayi, “Ntooyeeya kumuletela mapensho mwebo nobantu alimwi teshi mukakonshe kulipulusha. Teshi mukanokweendawo cakulisumpula ceebo cilaakuba ciindi ca mapensho.

Sefaniya 1:2

Mwaami Lesa wakaamba ayi, “Ndaakunyonyoola shintu shoonse sha pacishi ca panshi.

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”