Malilo 2:11 - Baibo Busansulushi Bwa Libuku Ili

¹¹ Meenso angu acileka kulasha kabotu ceebo cakulila, ndapeenga abuumbi mucaamba. Ndakopoka kubuumba ceebo ca bantu bangu banyonyoolwa, ee, ceebo banike abakateta bamana kuwisooka mumikwakwa ya ndabala inene.

Malilo 2:11 ပူးပေါင်းရင်းမြစ်များ

Jobo 16:13

akungwaala mifwi kuswa kumbasu shoonse, ee, mifwi iyo itoonjasa akuncisa. Utoocita boobo cakutanyumfwilaawo nkumbu.

Jobo 30:27

Moyo wangu walungula abuumbi kukulisukama akushitoocisa. Ncakwiila walungula ceebo cakupenga bushiku abushiku.

Kulumbaisha 119:82

Meenso angu acileka kulasha kabotu ceebo cakulangila nshemwakashomesha. Aboobo ntoomwiipusha ayi, “Ino mulaakuncafwa lili?”

Kulumbaisha 22:14

Nkusu shangu shamana, shamanabo anga ngamaanshi apukwitwa panshi. Shifuwa shangu shilibo anga shaswaamo mumanungi. Awalo moyo wangu wababo anga mbukato bwasunguluka.

Kulumbaisha 31:9

Amunyumfwile nkumbu noBaami baLesa, ceebo ndi mumapensho anene abuumbi. Meenso angu ashimba kukulila bunene, alimwi moyo amubili wangu wakopoka abuumbi.

Kulumbaisha 38:8

Ndalefuka alimwi ndalemenwa abuumbi. Ndatongela kubuumba buli mumoyo wangu.

Kulumbaisha 6:7

Meenso angu acileka kubona ceebo ca buumba, ashimba ceebo cakulila kwanengesha balwani bangu.

Kulumbaisha 69:3

Kwiita ayi ncafwikwe kwandemya abuumbi, apalo panshingo patoocisa. Meenso angu akopoka kukuyandoola ndimwe nobaLesa bangu.

Isaya 22:4

Paceebo ceeco ndaamba ayi, “Amundeeke ndile bene misheesu abo boonse bakanyonyoolwa. Mutangumushiiwo napaceyi.”

Isaya 38:14

Liswi lyangu lwakaceya ceebo cakushinka, alimwi ndakalinga kulila anga nimpolobe. Aalo meenso angu ashimba kukulanga kwiculu. Amumfuune noBaami baLesa, ndi mumapensho.”

Isaya 51:20

Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Jelemiya 14:17

Kuswawaawo Mwaami Lesa wakaamba ayi, “Amba kubantu ayi, ‘Minsonshi aikunke mumeenso angu mashiku amalumwi cakutacilekaawo ceebo bantu bene misheesu bapenga kucilonda cinene. Ncakwiila bacisikwa cilensha bunyengele.

Jelemiya 4:19

Buumba bwancaya, ee, buumba bwancaya! Ntokwaalabanganabo ceebo moyo wangu wacisa. Ncakwiila moyo wangu utookulunkunta cakuyanda kuncinkula. Nshikoonshi kuumunabo napaceyi ceebo ndanyuumfwa kulila kwa lupeenga ee, ndanyuumfwa ciyobeyobe ca nkondo.

Jelemiya 44:7

“Ono nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ceebonshi mutooliletela mapensho a mushobo uyo pamibili yanu? Sa mutooyanda kuleta kunyonyooka pabene Juda basankwa, banakashi, banike abakateta kwaamba ayi kubule aucaala?

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Malilo 1:11

Bantu ba njiyo boonse batootongela pakuyandoola cakulya. Batooshinta buboni bwabo ashakulya kwaamba ayi babe abuumi. Ndabala iyo itokwaamba ayi, “Amubone, noBaami baLesa akutuyeeya ceebo twacoboka.”

Malilo 1:16

“Makani aya ngaanengesha kulila. Meenso angu atookunkabo minsonshi. Taaku ooli pafwaafwi kwaamba ayi aŋumbulusheeko nabi kwisa mukunjuminishako. Bantu bangu bacaala maansabo ceebo balwani bangu bankoma.

Malilo 1:20

“NoBaami baLesa amubone mapensho angu! Muuya wangu wapenshekwa abuumbi. Ndapeenga abuumbi mumoyo ceebo ca bwaashu bwangu butalifulili. Pansengwe lya maanda mumikwakwa ya ndabala, mupeeni uliciteko kucaya, amwalo mukati mumaanda muliswitebo bafu.

Malilo 5:17

Myoyo yesu yalefuka, meenso esu tatoolasha kabotu

Luka 23:29

Mukwiinga nshiku shilaakushika bantu ndyeshi bakanokwaamba ayi, ‘Balicite coolwe banakashi batana kushalaawo akuyamwisha!’

1 Samwelo 30:4

Mpeeke Defedi abashilumamba bakwe abo bakalila cakooloma kushikila nkusu shakulila shamana.