Malilo 1:21 - Baibo Busansulushi Bwa Libuku Ili

²¹ “Bantu balinyumfwite kutongela kwangu, sombi taaku nabi womwi wakuŋumbulusha. Balwani bangu boonse balinyumfwite shamapensho angu alimwi batoosangalala pashintu isho nshemwancita. Ndamusenga kwaamba ayi mulete bushiku ubo mbomwakashomesha kwaamba ayi abalo bakapenge bweenka mbondapenga.

Malilo 1:21 ပူးပေါင်းရင်းမြစ်များ

Kulumbaisha 35:15

Sombi nebo ndindakalisuntula, balo bakatalika kusekelela. Bakabungana akutalika kungweluluka. Bantu mbondatakalinga kwishi bakandwana, bakamfuya cakutaboolaawo pesule nabi paniini.

Kulumbaisha 37:13

Nakubi boobo bantu abo Mwaami Lesa ulabaseka, ceebo ulibwene ayi bushiku bwakunyonyoolwa kwabo buli munshila.

Kulumbaisha 38:16

Ceebo ndapaila ayi, “Mutasuminishi ayi balwani bangu balisumpwite pali ndime na ndawa.”

Isaya 14:5

Ncakwiila Mwaami Lesa watyoloola musako wa baleli babiibi. Watyoloola nkoli ya bweendeleshi

Isaya 14:6

iyo yakalinga kuumishikwa mishobo ya bantu cabukali alimwi cakutacilekaawo. Mubukali yakakoma mishobo iinji akwiipensha cakutaboolaawo pesule.

Jelemiya 30:16

“Sombi abo boonse beshibakamunyonyoole, abalo balaakunyonyoolwa. Ncakwiila balwani banu boonse balaakutolwa busha. Abo bamusaala abalo balaakusaalwa. Boonse bamwiipila shintu, ndaakubalengesha kwiipilwa abalo.

Jelemiya 48:27

Sa mwebo nobene Moabu teshi ndimwe mwakalinga kuseka bene Isilaeli? Sa bakacatwa pakati ka bapambi ico cimulengesha kunoopukumunabo mitwi mukubashibuluka kulilabo na mwaamba pali mbabo?

Jelemiya 50:11

Mwaami Lesa waamba ayi, “Nobene Babiloni mulikondetwe akusangalala, mwebo nomwakasaala mushobo wangu. Mwakatambala anga niŋombe itoolyatoola shili anga ngamaila akulila bweenka bulila maaki.

Jelemiya 50:15

Amucite ciyobeyobe ca nkondo kumbasu shoonse! Bene Babiloni balyaaba mumaansa a balwani, maandaabo alaamfu awa amalinga abo amwayoolwa. Mukwiinga uku nkuboosha cishole kwangu nebo neMwaami Lesa, amubabooshele cishole. Amubacitile bweenka mbobakacitila babyaabo.

Jelemiya 50:29

“Amwiite beshimata ayi balwane Babiloni, ee, boonse abo bawaala mifwi. Mushinguluke ndabala iyo. Mutaleeki nabi womwi ayi aloboke. Amwiilambule pamicito ya njiyo. Amwiicitile bweenka mboyakacitila bamwi mukwiinga wateteesha ndime neMwaami Lesa, Usalalite wa bene Isilaeli.

Jelemiya 50:31

Mwaami Lesa Shinkusu shoonse waamba ayi, “Bona, ntookulwana webo ocishi cilisumpula ceebo bushiku bwako bwakupekwa mulandu bwashikila.

Jelemiya 51:24

Mwaami Lesa waamba ayi, “Ndaakuboosha cishole kucishi ca Babiloni abantu ba ncico mumeenso anu ceebo cakubisha nkobakacita muJelusalemu.

Jelemiya 51:49

Cishi ca Babiloni cakacaisha bantu baanji mucishi coonse. Ono cishi ca Babiloni cilaakuwa ceebo cakucaisha bene Isilaeli baanji. Nebo neMwaami Lesa ndaamba.”

Malilo 1:16

“Makani aya ngaanengesha kulila. Meenso angu atookunkabo minsonshi. Taaku ooli pafwaafwi kwaamba ayi aŋumbulusheeko nabi kwisa mukunjuminishako. Bantu bangu bacaala maansabo ceebo balwani bangu bankoma.

Malilo 1:2

Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Malilo 1:22

“Amubashinine pashibiibi shabo shoonse, Amubacite bweenka mbomwakancita ceebo ca shibiibi shangu shoonse. Ncakwiila kutongela kwangu kwakomena cakwaamba ayi moyo wangu utoowisookabo.”

Malilo 1:4

Mikwakwa iya kuSiyoni itoolila buumba, ceebo taaku nabi womwi uya kuŊanda yakwe Lesa mukusekelela panshiku shisalalite. Muminjililo yakwe yoonse taamu abantu baliimo. Bapailishi ba mumo batootongela, banakashi bakalinga kwiimbilaamo bapenga amyoyo. Paceebo ceeco ili mubuumba bunene abuumbi.

Malilo 1:8

Ndabala ya Jelusalemu yakabisha abuumbi, aboobo teesalalite. Boonse abo bakalinga kwiilemeka, ono baleecobola ceebo yacaala matakosha. Ee, itootongelabo akulanga kulubasu ceebo ca nsoni.

Malilo 2:15

Bantu boonse beenda kufwaafwi andiwe balakukankamuka. Balakuseka akupukumuna mitwi yabo akwaamba ayi, “Sa iyi njendabala inene ilya yakalinga kwiindaawo kubota? Sa njendabala iyo yakalinga kusangalasha cishi coonse?”

Malilo 2:16

Balwani bako boonse batookucelebula akukulangilisha cakukupata. Batookushibuluka akulumanya meeno akwaamba ayi, “Tweelobya. Ubu mbobushiku mbotwakalinga kulindilila. Ndushinisho twakalinga kubulangila ayi tukabuboone.”

Esekelo 26:2

“Webo omuntu, bene Taya bakaseka ndabala ya Jelusalemu mukwaamba ayi, ‘Amubone! Ndabala ya Jelusalemu yamwayoolwa! Nkusu shakucita makwebo shamana! Teshi tukapikishanye akwe tubili.’

Jowelo 3:14

Shuulu ashuulu sha bantu bali muCinyika ca Koombolosheshaamo. Bushiku bwa Mwaami Lesa bulaakufwambaana kwisa mucinyika ico.

Ciyubululo 18:6

Amumuciite bweenka mbwaakacita ndimwe. Lakwe mwiindilisheewo pasheesho nshaakacita. Munkomeshi njaakanwishishamo ndimwe, mubikemo waini ukali kwiinda pawooyo ngwaakamunwisha.