Malaki 4:3 - Baibo Busansulushi Bwa Libuku Ili

³ Pabushiku ndaakucita shintu ishi, mulaakulyatoola bamucita shibi cakwaamba ayi bakaboolebo anga njimilota panshi pamyeendo yanu.

Malaki 4:3 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

2 Samwelo 22:39

Ndakalinga kubakoma cakutakonsha kubuka, alimwi ndakabalyatilila panshi cakutapipila.

2 Samwelo 22:43

Ndakalinga kubapela cakubabo anga ndusuko, ndakalinga kubalyatoola anga ngamatipa a munshila.

Jobo 40:12

Ee, langa beshikulisumpula boonse akubaboosha panshi. Bamucita shibi abalo ubalyatoole peenka apo mpobabete.

Kulumbaisha 147:6

Mwaami Lesa ngoosumpula baliceesha, sombi ulalyatoola bamucita shibi.

Kulumbaisha 49:14

Balibambitwe kuya kumusena wa bafu bweenka mbuli mbelele. Lufu ndoluya ceembela bantu abo. Baluleme balaakubeendelesha macuunsa. Mibili yabo yaakunoobola cakufwambaana mumusena wa bafu kulaale amaandaabo abotu.

Kulumbaisha 91:13

Ulaakulyatoola nkalamu alimwi abafumbe. Ulaakulyatoola nkalamu shikali alimwi ansooka shicaya!

Isaya 25:10

Mwaami Lesa ulaakufuna Kalundu ka Siyoni, sombi bene Moabu ulaakubalyatoola bweenka bucitwa bwiisu mumboleshi.

Isaya 26:6

Ono myeendo yeenka ya baabo mbobakalinga kulyatilila, njeitokwiindaawo, ncakwiila myeendo ya bakandu njeitoolyatoolaawo.

Malilo 1:15

“Mwaami Lesa wakaseka bashilumamba bangu boonse bacibwene kulwana. Wakanjitila likoto lya bashilumamba ayi bese bandwaane akupwayoola bacikula bwangu bangu. Wakalyatooka bantu bangu bweenka butyanwa minyansa mucilindi.

Esekelo 28:18

Shibiibi shako shiinji amakwebo ataluleme shakalengesha misena yako isalalite kubica. Aboobo ndakakumika mulilo kundabala yako akwiitenta cakubabo milota. Ono boonse beelangilisha bulya, balabona ayi yakacaalabo milota panshi.

Danyelo 7:18

Sombi bantu basalalite bakwe Lesa wa kwiculu Wiindaawo, balaakutambula bulelo ubo bweshi bukabe bwaabo kwalyoonse alyoonse.’

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Mika 7:10

Balwani besu balaakushibona shoonse ishi akufwa nsoni, ee, balwani abo bakalinga kututonta ayi, “Ino uli kuli Mwaami Lesa, Lesa wanu?” Tulaakubona mbweshi bakakomwe. Balaakulyatoolwa bweenka bulyatoolwa matipa mumikwakwa.

Sekaliya 10:5

Boonse pantu pomwi balaakuba anga mbashilumamba beshinkusu abo balyatoola balwani babo kubapisha mumatipa mumikwakwa. Ceebo cakwaamba ayi nebo neMwaami Lesa ndi ambabo, balaakunoolwana akukoma balwani babo beshimaaki.

Malaki 3:17

Mwaami Lesa ulaamba ayi, “Balaakuba bantu bangu pabushiku ubo ndyeshi nkaciyeeye. Ncakwiila balaakuba bantu bangu nemwiine. Ndaakubanyumfwila nkumbu, bweenka mushali musankwa mbwaanyumfwila nkumbu mwanaakwe musankwa umusebensela.

Bene Loma 16:20

Lyalo Lesa upa luumuno, ulaakunyonyoola nkusu shakwe Satana kwaamba ayi mukamukoome. Luse lwa Mwaami wesu Jesu lube amwebo.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 14:20

Minyansa iyo yakatyanwa momunya umo, pansengwe lya ndabala inene. Mpeeke mucilindi ico cakutyaninamo minyansa mwakaswa bulowa ubo bwakakunka makilomita ali 300 akuya panshi mpashi mamita ali 2.