Malaki 3:8 - Baibo Busansulushi Bwa Libuku Ili

⁸ Anebo ntoomwiipusha ayi, ‘Sa ncibotu muntu kupamba Lesa?’ Ncakwiila teshi cibotu! Nakubi boobo mwebo mulampamba. Sombi muleepusha ayi, ‘Munshilanshi?’ Mulampamba mushalikumi ashipo.

Malaki 3:8 ပူးပေါင်းရင်းမြစ်များ

Kulumbaisha 29:2

Liina lyakwe alilemekwe kweelana ambolyeelete, amulambile Mwaami Lesa mubulemu bwa bululami bwakwe.

Tushimpi 11:24

Bamwi mbeshi kwaaba, nakubi boobo balabila. Bamwi mbakokonyo, nakubi boobo tababiliiwo.

Isaya 43:23

Mwakacileka kundetela mbelele sha milambu yakutenta, nabi kundemeka kwiinda mukubenga milambu yanu imwi. Nebo nshikwe kumupawo mikuli ya shipo sha fulaulo, nabi kumulemya kukumusesa ayi mundetele tununkila kabotu pakutenta.

Bene Lefi 19:25

Sombi mumwaaka wasanu inga mwalya shisepo isho. Na mukacite shoonse ishi, shisamu shanu shilaakucata shisepo shiinji. Nebo ndime Mwaami Lesa, Lesa wanu.

Sekaliya 5:3

Lyalo wakandwiita ayi, “Mucakulembelaawo umo mulilembetwe lishingo litooya mucishi coonse. Kulubasu lumwi kulilembetwe maswi akwaamba ayi mwiipi uli woonse ulaakutandaanishikwa alimwi kulubasu lumwi kulilembetwe ayi uyo woonse weshi anooshomesha cakulumbila cabubeshi alakwe ulaakutandaanishikwa.

Malaki 1:13

Kuswawaawo, mulaamba ayi, ‘Wakomena mukuli uyu!’ akulansha nshono kuumbi. Na mwaleeta banyama bakeepwa, balema nabi balwashi ayi njimilambu, sa ndyeelete kwiitambula?

Malaki 1:8

“Sa kuleta banyama boofu ayi ngumulambu, teshi kubisha? Sa kubenga banyama balema nabi balwashi, teshi kubisha? Nciinshi nceenga cacitika na mwapa mweendeleshi wanu banyama ba mushobo uyo? Sa inga wakondwa akumupa coolwe?

Mateyo 22:21

Abalo bakamukumbula ayi, “Nshakwe Sisa, muleli munene wa kuLoma.” Alakwe Jesu wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.”

Maako 12:17

Lyalo Jesu wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.” Mpeeke bakakankamana ndibakanyumfwa kukumbula kwakwe.

Luka 20:25

Bakakumbula ayi, “Nshakwe Sisa, muleli munene wa kuLoma.” Lyalo wakabaambila ayi, “Anu amupe muleli munene wa kuLoma shintu isho shaakwe, alakwe Lesa mumupe shintu shaakwe.”

Bene Loma 13:7

Aboobo lipila misonko yoonse yeelete kubeendeleshi, akubalemeka.

Bene Loma 2:22

Uleeisha ayi bantu tabeelete kucita bulale, sombi webo omwiine ulacita bulale. Shibumbwabumbwa ulishipatite abuumbi, sombi uleepa shintu sha mumaanda mobapailila shibumbwabumbwa.

Joshuwa 7:11

Bene Isilaeli bakabisha. Bapwaya cipangano ncendakapanga ambabo akubalwiita ayi bacilaame. Bakabwesa shintu shimwi shakalinga kweelete kunyonyoolwa. Aboobo bakeepa, bakabeca, alimwi bakashisa shintu isho pashintu shabo.