Malaki 3:5 - Baibo Busansulushi Bwa Libuku Ili

⁵ Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Malaki 3:5 ပူးပေါင်းရင်းမြစ်များ

Matalikilo 20:11

Abulaamu wakakumbula ayi, “Ndakayeeya kwaamba ayi taaku muntu muno nabi womwi uloonda akulemeka Lesa alimwi batooncaya kwaamba ayi babwese mukaangu.

Matalikilo 42:18

Pabushiku bwatatu Josefu wakabaambila ayi, “Nebo ndimuntu uloonda Lesa, ono teshi mucaaye na mucite cintu comwi.

Neyemiya 5:15

Beendeleshi bakataanguna kulela nebo kaantana kubaawo bakalinga kulemya bantu. Bakalinga kubasesa maali a silifa ali 40 pabushiku abushiku a cakulya awaini. Abalo basebenshi babo bakalinga kulyatilila bantu. Sombi nebo nshindakalinga kucita boobo mukwiinga ndaloonda Lesa.

Jobo 31:12

Cibiibi ico cili anga ngumulilo unyonyoola shoonse, ndushinisho mulilo uyo ukonsha kunyonyoola shoonse nsheencite.

Jobo 7:2

Shilibo anga nsha musha utoolilila cimfule. Ncakwiila shili anga nsha musebenshi utoolindilila kufola.

Kulumbaisha 36:1

Bubi buleendelesha bamucita shibi mumyoyo yabo, Ncakwiila mumyoyo yabo taamu kulemeka Lesa napaceyi.

Kulumbaisha 81:8

Ono amunyumfwe, nobantu bangu, nshentoomucenjesha. Mwebo nobene Isilaeli ndamusenga ayi munyumfwile.

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulonga 1:17

Sombi beshikutumbusha abo bakalinga kuloonda Lesa. Aboobo tabakwe kukonkela maswi akaamba mwaami wa Ijipiti, sombi bakalinga kuleka baana basankwa ayi bakule.

Kulonga 18:21

Sombi kwiilikaawo, ulyeelete kusala basankwa bamwi beenga basebensa mulimo wa butanjilili. Bamwi balyeelete kuba batanjilili ba bantu bali cuulu, bamwi mwaanda, bamwi makumi osanwe alimwi abamwi likumi. Bantu abo mbweshi ukasaale balyeelete kuba bantu balemeka Lesa, bashomeka alimwi batakoonshi kutambula mashinka kanwa.

Kulonga 20:7

“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Kulonga 22:20

“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.

Tushimpi 16:6

Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Isaya 57:3

Ono amwise kuno mwebo nobamucita shibi moomboloshekwe. Mwebo tamupuseneewo abaloshi, beshibulale alimwi abafuule.

Jelemiya 23:10

Cishi ciliswitebo bantu bafuule. Ono ceebo ca mashingo a Mwaami Lesa, cishi cayuma alimwi amafulo ali muluyanga amana kuyuma. Balaluki batookonkela nshila shibiibi akusebensesha nkusu shabo cakutalulama.”

Jelemiya 27:10

Balamulalukila shabubeshi isho sheshi shikamulengeshebo kutolwa kulaamfu kuswa mucishi cine mishaanu. Nebo ndaakumutanda, mukaloobe.

Jelemiya 27:9

Aboobo mutanoonyumfwila balaluki banu, bamukamwaami, beshikupandulula shiloto nabi beshikwaamba amishimu alimwi abaloshi abo bamwaambila ayi, ‘Teshi mukasebenselewo mwaami wa bene Babiloni.’

Jelemiya 29:23

Ico cilaakucitika ceebo bakacita shintu shibiibi abuumbi muIsilaeli. Bakalinga kucita bulale abamuka shikamukobonyinaabo akwaamba shabubeshi muliina lya Mwaami Lesa. Bakaamba shintu isho Mwaami Lesa nshaatakwe kwaamba. Ulishishi alimwi ngukamboni pali nshisho. Mwaami Lesa mbwaamba ubo.”

Jelemiya 42:5

Mpeeke bakandwiita ayi, “Mwaami Lesa abe kamboni walushinisho alimwi ushomeka pali ndiswe na tukabule kucita kweelana ashoonse isho nsheshi amwaambile ayi mutulwiite.

Jelemiya 5:2

“Nabi balaamba ayi, ‘Bweenka mbocibete lushinisho ayi Mwaami Lesa ngumuumi,’ sombi bacilumbilabo shabubeshi.”

Jelemiya 5:29

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Bene Lefi 19:13

“Mutapenshi muntu nabi womwi, nabi kumwiipila. Tamweelete kucelwa kufolesha musebenshi wanu nabi bushiku bomwibo.

Bene Lefi 20:10

“Na musankwa wapukilwa kumuka Isilaelinyina, boonse musankwa amwanakashi balyeelete kucaikwa.

Bene Lefi 20:27

“Musankwa uli woonse nabi mwanakashi waamba amishimu ya bafu ulyeelete kucaikwa kumabwe. Muntu woonse weenga wacita boobo, lufu lwakwe ndwakuliletela mwiine.”

Bene Lefi 20:6

“Ono na umwi muntu waya mukucebusha kubantu baamba amishimu ya bafu, ndaakumufutatila, akucileka kumuyeeyela kuba muntu wangu.

Mika 1:2

Amunyumfwe cikani ici mwebo nobamumishobo yoonse. Kutika ocishi ca panshi abaabo boonse bekalaamo. Mwaami Lesa Shinkusu shoonse utoomushinina. Ncakwiila utoomupa mulandu kuswa muŊanda yakwe isalalite.

Abakuku 1:12

NoBaami baLesa kuswa kumatalikilo muli baLesa. Mwebo ndimwe baLesa bangu Basalalite batafwi. Mwebo noBaami baLesa ndimwe mwakasala bene Babiloni kwaamba ayi bese batupeenshe ceebo ca mulandu wesu. Ncakwiila mwebo noMwaandami wesu mwakababika ayi batwaanishe.

Sekaliya 11:12

Kuswawaawo ndakabaambila ayi, “Na mwacibona ayi ncibotu kuli ndimwe kumfolesha, amumfoleshe. Ono na tamusuni, mutamfoleshiiwo, sobwe.” Mpeeke bakamfolesha maali a silifa makumi otatwe.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Malaki 2:14

Lyalo muleepusha ayi, “Ino nceebonshi?” Mwaami Lesa taitambuli mukwiinga ngokamboni pali ndiwe alimwi amukaako wakubwanike, ceebo tookwe kucita kweelana ambowakamulasha. Wakacita boobo nacibi kwaamba ayi wakalinga mukaako kweelana acipangano ca cikwati.

Malaki 2:17

Mwalemya Mwaami Lesa mumyaambo yanu. Sombi mwebo nobantu muleepusha ayi, “Ino twamulemya buyani?” Mwamulemya mukwiinga mulaamba ayi, “Boonse bacita shibiibi bali kabotu pameenso a Mwaami Lesa alimwi ulakondwa muli mbabo.” Alimwi amukwiipusha ayi, “Ino Lesa shibululami uli kuli?”

Luka 23:40

Sombi umwi wakakalalila mubye akumwaambila ayi, “Sa webo tooloondi Lesa? Twapopwa pamicilingano soonse,

Bene Loma 3:8

Ino ceebonshi inga tatwaambi ayi, “Atucite shibiibi kwaamba ayi shibotu shiboneke?” Ncakwiila bantu bamwi balantukana kwiinda mukumbekesha ayi ndaamba cikani ceenka ici. Bantu abo Lesa ulaakubapa mulandu weelete.

Dutolonomi 15:13

Na mwamwaangulula, tamweelete kumuleka ayi aboolele maansaabo.

Dutolonomi 18:10

Kutabi muntu uli woonse pakati kanu ubenga mwanaakwe musankwa nabi mwanakashi ayi ngumulambu wakutenta. Kutakabi muntu pakati kanu uba muŋanga, shikusonda, mukamwaami,

Dutolonomi 24:17

“Kuteelesha kunyengelela baswamashi nabi bana banshiwa mumilandu. Alimwi taaku weelete kubwesa cakufwala ca mukalubinje mwanakashi ayi ncakushomesha kwaamba ayi ulaakuboosha nkongole.

Dutolonomi 27:19

“ ‘Aashinganishikwe muntu uli woonse uyo unyengelela baswamashi, bana banshiwa alimwi abamukalubinje banakashi.’ “Mpeeke bantu boonse balaakwaamba ayi, ‘Ameni!’

Dutolonomi 5:11

“ ‘Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

Jemusi 5:12

Bunene bunene nobamakwesu, pakushomesha cimwi cintu mutanoolumbila kwiculu nabi cishi ca panshi nabi pacintu cimwi cili coonse. Nkwaambabo ayi, “Ee” na ulyeelete kusumina nabi ayi, “Sobwe” na ulyeelete kukaka, kwaamba ayi Lesa atakamupi mulandu.

Jemusi 5:4

Abo batebula mumyuunda yanu tamukwe kubafoleshawo kale. Ono amunyumfwe mbobatootongooka! Kulilishaanya kwa bantu abo, Mwaami Lesa Shinkusu shoonse wakunyumfwa.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.