Malaki 3:4 - Baibo Busansulushi Bwa Libuku Ili

⁴ Lyalo milambu bene Juda abene Jelusalemu njeshi bakanoobenga kuMwaami Lesa, ilaakunooba yeelete bweenka mboyakalinga kuba kataanshi.

Malaki 3:4 ပူးပေါင်းရင်းမြစ်များ

1 Makani 15:26

Mpeeke bakabenga baceende bali bosanwe abobilo alimwi ambelele shili shosanwe ashobilo kwaamba ayi Lesa acafwe bene Lefi abo bakanyamuna Libokoshi lya Cipangano.

1 Makani 21:26

Lyalo wakayakila Mwaami Lesa cipaililo kweenka uko akubenga milambu yakutenta aya bwanabwankashi. Wakapaila kushikila Mwaami Lesa wakatuma mulilo kuswa kwiculu kwaamba ayi milambu pacipaililo itentekwe.

2 Makani 1:6

Mwaami Solomoni wakaya kucipaililo ca bulonse akulambila Mwaami Lesa kwiinda mukubenga milambu yakutenta ili cuulu pali ncico kuTente ya Cipangano.

Kulumbaisha 51:17

Sombi mulambu umusangalasha nobaLesa, nkuba amoyo wakulibombya. Mwebo tamukaki moyo wakulibombya, wasanduka kuswa kushibiibi.

Kulumbaisha 51:19

Lyalo milambu yeelete ilaakumusangalasha. Ee, milambu yesu yakutenta ilaakumusangalasha alimwi bacende balaakubengwa pacipaililo canu.

Isaya 56:7

Mwaami Lesa waamba ayi, “Ndaakumuleta kuSiyoni, pakalundu kangu kasalalite. Lyalo ndaakumulengesha kusangalala muŊanda yangu ya mipailo akutambula milambu yanu njeshi mukanoobenga pacipaililo cangu. Ceebo Ŋanda yangu ilaakunookwiitwa ayi ŋanda ya kupaililaamo ya mishobo yoonse.”

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”