Malaki 3:2 - Baibo Busansulushi Bwa Libuku Ili

² Ono ngani eshi akakonshe kwiimikana mubukali bwakwe pabushiku bwakwisa kwakwe? Ino ngani eshi akakonshe kuba muumi aakuboneka? Mukwiinga ulaakuba anga ngusoopo utubya abuumbi nabi anga ngumulilo usungulula sheela.

Malaki 3:2 ပူးပေါင်းရင်းမြစ်များ

Matalikilo 19:28

Wakalangilisha Sodoma aGomola aliwesa lyoonse. Mpeeke wakabona bwiishi kabusunta anga butooswa mumunyumbi unene.

Jobo 28:1

“Kuli mukoti uko kukabwa silifa amusena golodi nkooboteshelwa.

Kulumbaisha 130:3

NoBaami baLesa, nimwalinga kulemba shibiibi shesu cakutashifuta, anu ngani wakalinga kweelete kucaala kwakubula mulandu kuli ndimwe?

Kulumbaisha 2:7

Ono mwaami uyo waamba ayi, “Ntokwaambilisha Mwaami Lesa ncaamba. Wandwiita ayi, ‘Webo uli mwanaangu, sunu ndaba baiso.

Kulumbaisha 76:7

Mwebo nobaLesa mulayoosha abuumbi. Anu ngani weenga weemikana na mwebo mwakalala?

Tushimpi 25:4

Silifa ulyeelete kukushikwa matombe, kootana kusebenseshekwa kupanga cintu ciyandika.

Isaya 1:18

Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Isaya 4:4

Mwaami Lesa ulaakusansha bubi bwa banakashi bene Siyoni. Ulaakusansha ashibala shibala sha bulowa mundabala ya Jelusalemu. Ishi ulaakushicita kwiinda mukusebensesha muuya wakoombolosha amuuya usalasha wa mulilo.

Jelemiya 2:22

Nabi usambe amushika na soopo uunji, kusombela kwa shibiibi shako kulaakunoobweneketebo.

Esekelo 22:14

Sa ulaakunoocicite nkusu nabi kuba ankusu shakusebensesha maansaako bushiku mbweshi nkakulwaane? Nebo neMwaami Lesa ndaamba alimwi ndaakucicita.

Danyelo 11:35

Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Jowelo 2:11

Mwaami Lesa ngowatanjilila likoto lyakwe lya bashilumamba. Bashilumamba bakwe abo bacita ncaasuni, mbaanji abuumbi cakutabelengeka alimwi mbeshinkusu. Bushiku bwa Mwaami Lesa mbunene alimwi bulayoosha. Anu ngani weenga wacaala pabushiku ubo?

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Mateyo 25:10

Bamyooye baluya balya kabacica mukuula mafuta, shibwiinga alakwe wakapoola. Mpeeke bamyooye bacenjete, abo bakalinga kulibambite, bakenjilaakwe shibwiinga muŋanda yabwiinga. Lyalo akumulyango kwakacalwa.

Maako 9:3

Mpeeke shakufwala shakwe shakatubabo tuu, cakwaamba ayi taaku muntu nabi womwi mucishi ca panshi weenga washitubya boobo.

Luka 2:34

Mpeeke Simyoni wakabapa coolwe akulwiita Maliya banyina Jesu ayi, “Uyu mwaana wasalwa aLesa kwaamba ayi awishe akubusha baanji pakati ka bene Isilaeli. Ulaakuba citondesho cakuswa kuli Lesa ico baanji nceshi bakakake.

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”

Luka 3:17

Lakwe ulicite kale acakuululushishako maila kwaamba ayi akaaululushe akwaalongela mubutala. Lyalo ulaakutenta buungu boonse mumulilo utashimiki.”

Luka 3:9

Bulya keembe kakutimbwishako shisamu kumiyanda kalibambitwe kale. Aboobo cisamu coonse citacati shisepo shibotu, cilaakutemwa akuwaalwa mumulilo.”

Luka 7:23

Ulicite coolwe muntu uyo utatonshi muli ndime!”

Joni 8:55

Nakubi kwaamba ayi mwebo tamumwishi, nebo ndimwishi alimwi na ndaamba ayi nshimwishi, nkokwaamba ayi ndaba mubeshi bweenka mbuli ndimwe. Ono nebo ndimwishi alimwi ndacita bwaamba liswi lyakwe.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Ciyubululo 19:8

Mwanakashi uyu wapekwa shisani shiteshimite shituba kwaamba ayi afwale.” (Shisani shiteshimite shituba shileemikanina micito ibotu ya bashomi.)

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Ciyubululo 6:17

Mukwinga bushiku bwa bukali bwabo buloondesha bwashikila, ino ngani weenga wacaalaawo?”

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

1 Samwelo 6:20

Aboobo basankwa bene Beti Shemeshi bakaamba ayi, “Anu ngani weenga weemikana pameenso aMwaami Lesa, Lesa uyu Usalalite? Anu nkuli nkweenga twatumya Libokoshi lya Cipangano cakwe kwaamba ayi abe kulaale aswebo?”