Malaki 3:10 - Baibo Busansulushi Bwa Libuku Ili

¹⁰ Amulete myeelo ikwene ya shalikumi muŊanda yangu kwaamba ayi mube shakulya. Amunjeleshe, mubone na inga nshimucalwiti mbwelyo sha kwiculu akumupuumwita shoolwe shiinji cakwaamba ayi mukabule apakushibika.

Malaki 3:10 ပူးပေါင်းရင်းမြစ်များ

Matalikilo 28:22

Ili libwe lyaciibalusho ndindeemika, patooba mpopakumulambilila alimwi ndaakumupa calikumi ca shintu shoonse nsheshi mukampe.

Matalikilo 7:11

Nowa ndyaakaba amyaaka ili 600, pabushiku bwa likumi anshiiku shosanwe ashobilo, mumweenshi wabili, toonse tuntupu twa mashiba anene ali panshi lya nshi twakacaluka. Ashalo shilyango sha miyoba shakacaluka kwiculu.

2 Baami 7:19

Shikucafwa mwaami ndyaakanyumfwa boobo wakaamba ayi, “Ico tacikoonshi kucitika nabi Mwaami Lesa mwiine watuma witi abale paciindi ciniinibo!” Lyalo Elisha wakamukumbula ayi, “Ulaakucibona kacicitika, nakubi boobo webo teshi ukalyeeko.”

2 Baami 7:2

Mpomunyaawo shikucafwa mwaami wakaambila Elisha ayi, “Ico tacikoonshi kucitika nabi Mwaami Lesa mwiine watuma witi abale paciindi ciniinibo!” Elisha wakamukumbula ayi, “Ulaakucibona kacicitika, nakubi boobo webo teshi ukalyeeko.”

1 Makani 26:20

Bene Lefinyinaabo bamwi bakalinga kulama ŋanda yakusungilamo buboni muŊanda yakwe Lesa akulama maanda akusungilamo shintu shimwi isho shakalinga kubengwa kuli Lesa.

Neyemiya 12:44

Lyalo paciindi ici basankwa bakasalwa kunokweendelesha maanda akusungilamo shipo, shisepo shitaanshi ashalikumi. Bantu aba bakaba amulimo wakuyobolola shipansha sha bapailishi asha bene Lefi kuswa mumandabala kweelana abwaamba Milawo. Bapailishi abene Lefi bakasangalasha bene Juda boonse

Neyemiya 12:47

Ono muciindi cakwe Selubabelo amuciindi cakwe Neyemiya, bene Isilaeli boonse bakalinga kuleta shipo sha bushiku abushiku sha beshikwiimba abeshikulindilila minjililo. Bakalinga kuleta cipansha ceelete kubene Lefi, abalo bene Lefi bakalinga kupa cipansha ceelete kubapailishi.

Neyemiya 13:5

Aboobo wakamupa cipinda cinene umo kalekale mwakalinga kusungilwa shipo sha shili anga ngamaila, tununkila kabotu pakutenta, shisebensesho, shalikumi sha shili anga ngamaila, waini upya alimwi amafuta a maolifi isho shakalinga kupekwa kubene Lefi, beshikwiimba, beshikulindilila minjililo alimwi ashipo sha bapailishi.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Kulumbaisha 78:23

Sombi lakwe wakapa mulasho kuliculu, akucalula shisasa sha kwiculu.

Shikushimikila 11:3

Na makumbi kaacite maanshi, alalosha mfula pacishi ca panshi. Nabi cisamu cawita kumalenge nabi kumatwa, ciloona pamusena peenka apo mpocawita.

Esekelo 34:26

“ ‘Ndaakubapa coolwe akubaleka ayi bekale mumisena ishingulukite kalundu kangu kasalalite. Ndaakunootuma mfula yatepetepe muciindi ceelete. Ncakwiila ilaakuba mfula yatepetepe ya coolwe.

Esekelo 44:30

Bapailishi balyeelete kupekwa nsomo shiindaawo kubota alimwi ashipo shipuseneeko shiindaawo kubota. Pakupanga shinkwa, bantu balyeelete kupa bapailishi shinkwa wakutaanguna ayi ncipo. Lyalo ndaakupa maandaabo coolwe.

Osiya 2:21

“Pabushiku ubo ndaakukumbula kupaila kwako. Ndaakulengesha mfula kuloka pacishi ca panshi.

Jowelo 2:19

Mwaami Lesa ulaakubakumbula ayi, “Ono bulya ndaakumupa shili anga ngamaila, waini amafuta a olifi. Lyalo mwebo mulaakukuta. Ncakwiila mishobo imwi teshi ikamusebaanyeewo.

Jowelo 2:24

Mansa shakulupwitaawo shilaakusula shili anga ngamaila, Ashalo shilindi shakutyaninaamo shilaakusula waini upya amafuta a olifi.

Bene Lefi 26:10

Mulaakutebula shakulya shiinji abuumbi isho nsheshi shikamane mwaaka. Nacibi boobo mulaakunoosowa shakulya shamatumba ayi mubikemo sha mwaaka upya.

Bene Lefi 26:3

“Na munookala kweelana amilawo yangu alimwi amilasho yangu,

Bene Lefi 27:30

“Pashintu shoonse shilimwa shili likumi, nacibi kwaamba ayi nshili anga ngamaila nabi shisepo, palyeelete kuswa comwi ca likumi cipekwa kuli ndime neMwaami Lesa.

Agayi 2:19

Nakubi kwaamba ayi taaku shili anga ngamaila shacaalaako alimwi minyansa, nkuyu, mapomegilaneti amaolifi isho shitana kucata, kuswa kubushiku bwa sunu, nebo ndanoomupa coolwe.”

Shakubelenga 18:21

Mpeeke Mwaami Lesa wakaamba ayi, “Bene Lefi ndabapa calikumi coonse ncebandetela bene Isilaeli, ayi ngomalipilo pamulimo ngobacita muTente ya Cipangano.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Dutolonomi 12:6

Kumusena uyo weenka nkweshi mukanoopeta milambu yakutenta amilambu imwibo, pantu pomwi acalikumi, shipo nshemushomesha cakulumbila kupa Mwaami Lesa, cipo cakulyaaba alimwi abaana bakwiiya ba ŋombe ambelele.

Dutolonomi 14:22

“Mukanoobika palubasu calikumi pashintu shoonse nsheshi mukanookusha mumyuunda yanu myaaka yoonse.

Dutolonomi 14:29

Shakulya ishi nsha bene Lefi mukwiinga balo taaku cipansha ca cishi ncebakapekwa, alimwi nsha baswamashi, bana banshiwa kubikaawo abamukalubinje banakashi bekala mumandabalaanu. Balyeelete kunoosa mukubwesa shoonse nshebasuni. Mukanoocita boobo kwaamba ayi Mwaami Lesa, Lesa wanu akamupe coolwe mumilimo yanu yoonse.

Dutolonomi 28:12

Mwaami Lesa ulaakunoomuloshesha mfula kuswa moomo mwaisunga mwiculu paciindi ceelete, akumupa coolwe mumilimo yoonse. Mpeeke mulaakukweletesha mishobo iinji, sombi mwebo taaku nkweshi mukakweleteewo.