Malaki 3:1 - Baibo Busansulushi Bwa Libuku Ili

¹ Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Malaki 3:1 ပူးပေါင်းရင်းမြစ်များ

Kulumbaisha 110:1

Mwaami, Lesa wakaambila mwaami wangu ayi, “Kala kulyaansa lyangu lyalulyo kushikila nkaalule balwani bako kwaamba ayi babe mpopakulyata myeendo yako.”

Kulonga 23:20

“Amubone, ndaakutuma munjelo kunembo lyanu kwaamba ayi akamulaame mulweendo, alimwi akumushisha kumusena ngondakamubambila.

Kulonga 23:21

Mukanoomunyumfwila alimwi akukonkela nsheshi akanoomulwiita. Mutakamwaalukili, ceebo ndime ndamutuma alimwi na mukamwaalukile, teshi akamulekeleleewo.

Isaya 40:10

Amubone Mwaami Lesa Shinkusu shoonse utoosa ankusu alimwi lyaansa lyakwe ndyelilela. Ulicite ashilambu mulyaansa lyakwe ayi ese alambule bantu bakwe.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Agayi 1:13

Lyalo nebo neAgayi ndakapa maswi a Mwaami Lesa kubantu ayi, “Ndaakunooli amwebo, uko nkokushomesha kwangu.”

Malaki 2:4

Lyalo mulaakwishiba ayi ndamupa mulawo uyu kwaamba ayi cipangano cangu abene Lefi bapailishi, citolelele.

Malaki 2:7

Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.

Malaki 4:5

“Amubone, ndaakumutumina mulaluki Elija bushiku bunene buyoosha bwa Mwaami kabutana kushikila.

Mateyo 11:14

Aboobo na kamusuni kushoma maswi abo, Joni ngoElija uyo wakaambwa ayi ulaakwisa.

Luka 1:76

Webo omwanaangu ulaakwiitwa ayi ndiwe mulaluki wakwe Lesa wa kwiculu Wiindaawo, mukwiinga webo ulaakululamikila Mwaami nshila, lakwe kaatana kwisa.

Luka 19:47

Lyalo Jesu wakalinga kwiisha lyoonse muŊanda yakwe Lesa. Mpeeke bamatanjilili ba bapailishi, bafundishi ba Milawo abeendeleshi ba cishi bakatalika kuyandoola nshila yakumucailaamo.

Luka 2:11

Sunu mundabala yakwe Defedi mwashalwa Mupulushi wanu uyo ngoKlistu Mwaami.

Luka 2:38

Ceenka ici ciindi Jesu ndyaakatolwa, Ana wakashika walumba Lesa akwaamba makani pamwaana uyo kuli baabo boonse bakalinga kulindilila kupulushikwa kwa Jelusalemu.

Luka 2:46

Bakesa mukumucana ndipakeenda nshiku shotatwe muŋanda yakwe Lesa kaashite pakati ka bafundishi ba Milawo, kaabakutika akunoobeepusha miipusho.

Milimo ya Batumwi 19:4

Paulo wakaamba ayi, “Joni wakabombeka baabo bakalinga kusanduka kuswa kushibiibi shabo akubalwiita ayi balyeelete kushoma muli wooyo wakalinga kwisa pesule lyakwe, nkokwaamba ayi muli Jesu.”

Milimo ya Batumwi 7:38

Ngowooyo wakalinga abene Isilaeli ndibakabungana muluyanga. Ngowakalinga abamashali besu bakulukulu alimwi amunjelo wakalinga kwaamba anguwe paKalundu ka Sinayi. Ncakwiila ngowakatambula maswi abuumi ayi atulwiite.