Malaki 2:8 - Baibo Busansulushi Bwa Libuku Ili

⁸ “Sombi mwebo nobapailishi, mwaswa munshila iluleme. Kwiisha kwanu kwalengesha baanji kubisha alimwi mwapwaya cipangano cili pali ndimwe.

Malaki 2:8 ပူးပေါင်းရင်းမြစ်များ

2 Baami 16:11

Mpomunyaawo Uliya mupailishi wakayaka cipaililo bweenka mbuli mushobo wa ceeco ca kuDamasikasi. Wakacimanisha mwaami Aasi kataana kuboola.

Neyemiya 13:29

NobaLesa bangu, amwiibaluke bantu aba mbobakabisha bupailishi acipangano ca bupailishi aca bene Lefi.

Kulumbaisha 119:102

Nshilekiwo milawo yanu, ceebo ndimwe mwakanjiisha.

Kulumbaisha 18:21

Ncakwiila ndakonkela nshila sha Mwaami Lesa. Nshikwe kubisha kwiinda mukufutatila Lesa wangu.

Tushimpi 12:8

Na muntu ulicite busongo, bantu balamulumbaisha, sombi na muntu taacite maano, bantu balamusebaanya.

Isaya 30:11

Amuswe munshila, mutashinkilishi muyeeyo wesu. Tatusuni kunyumfwa shaWooyo Usalalite wa bene Isilaeli.”

Isaya 59:13

Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.

Isaya 9:16

Abo batanjilila bantu aba, babapilinganya. Abalo abo batanjililwa basowekwa.

Jelemiya 17:13

Nobaami baLesa mwebo muli lulangilo lwa bene Isilaeli. Boonse abo bamusuula, balaakulenshekwa nsoni. Boonse abo balaakushiminganabo anga ngameena alembwa mubulongo ceebo bakamufutatila mwebo nokantupu ka buumi.

Jelemiya 17:5

Mwaami Lesa utokwaamba ayi, “Ulishingenwe uyo ucinka manungo mumuntunyina, ee, uyo ushoma mumuntubo ayi inga wamucafwa ncakwiila uyo ufutatila Mwaami Lesa.

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 2:8

Bapailishi tabakwe kwiipushawo ayi, ‘Ino Mwaami Lesa uli kuli?’ Ncakwiila babona pamilawo tebakalinga kwinshiiwo, sobwe. Bamatanjilili abalo bakangashukila. Balaluki bakalinga kulaluka muliina lyakwe Baali, ee, kabakonkela shibumbwabumbwa shitaaku mboshibete.”

Esekelo 22:26

Bapailishi balapwaya milawo yangu akutalemeka shintu shangu shisalalite. Tabacishi kupansaanya shintu shisalalite ashitasalalite pakulambila. Balo baleeisha ayi taapu bupusano pakati ka shintu shisalalite kweelana aMilawo ashitasalalite. Tabalami abushiku bomwi abomwi bwakookesha bwa Cibelu. Paceebo ceeco bene Isilaeli tabandemeki.

Esekelo 44:10

Mpeeke Mwaami Lesa Shinkusu shoonse wakandwiita ayi, “Bene Lefi abene Isilaeli abo bakamfutatila kuya mukulambila shibumbwabumbwa ntoobapa mulandu.

Esekelo 44:12

Sombi ceebo cakwaamba ayi bakasebensela bantu abo kunembo lya shibumbwabumbwa shabo akulengesha bene Isilaeli kubisha, nebo neMwaami Lesa ndashomesha cakulumbila ayi, ‘Balyeelete kupekwa mulandu kweelana akubisha kwabo.

Esekelo 44:7

Babisha Ŋanda yangu kwiinda mukusuminsha baswamashi batapalwitwe, ee, bantu batanyumfwili ndime, kwinjila muŊanda yangu ciindi mafuta abulowa ndyeshibengwa kuli ndime. Aboobo bantu bangu bapwaya cipangano cangu kushintu shilensha bunya nshebakacita.

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Bene Lefi 21:15

Na wabula kucita boobo, bana bakwe abo beelete kunoosalalite, teshi bakanoosalalite kweelana aMilawo. Nebo ndime Mwaami Lesa nendakamupatula ayi abe mupailishi munene.’ ”

Sefaniya 3:4

Balaluki ba njiyo mbeshikulisumpula, mbantu batashomeki. Bapailishi ba njiyo balabisha musena usalalite Balasebensesha Milawo kwaamba ayi bacane mpindu.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Malaki 2:5

“Mucipangano cangu, ndakabalasha buumi aluumuno. Ncakwiila shintu isho ndakabapa ayi banoondemeka. Aboobo, munshiku isho bakalinga kundemeka alimwi akunoonda.

Shakubelenga 25:12

Anu mulwiite ayi ntoopanganaakwe cipangano ca luumuno ceshi cikabule kumana.

Shakubelenga 25:13

Fineyasi alimwi abamulunyungu lwakwe boonse bananoolibo bapailishi lyoonse, mukwiinga taakwe kusumina ayi bantu balambile balesa bamwi alimwi akulengesha ayi bene Isilaeli balekelelwe cibiibi cabo.”

Bene Loma 14:21

Ono ncibotu kucileka kulya nyama, kunwa shibilite nabi kucita cintu cimwi cili coonse ceenga calengesha muKlistunyinaanu kubisha.

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

1 Samwelo 2:17

Cibiibi cakalinga kucita bana bakwe Eli cakakomena abuumbi pameenso aMwaami Lesa, mukwiinga milambu yakalinga kupekwa kuli nguwe bakalinga kuyeendelesha cakuteepa bulemu.

1 Samwelo 2:24

Amucileeke nobana bangu! Cintu ici bantu bakwe Lesa ncebatokwaamba pali ndimwe cilayoosha!

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.