Malaki 2:7 - Baibo Busansulushi Bwa Libuku Ili

⁷ Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.

Malaki 2:7 ပူးပေါင်းရင်းမြစ်များ

2 Baami 16:11

Mpomunyaawo Uliya mupailishi wakayaka cipaililo bweenka mbuli mushobo wa ceeco ca kuDamasikasi. Wakacimanisha mwaami Aasi kataana kuboola.

2 Baami 16:16

Aboobo Uliya mupailishi wakacita bweenka mwaami Aasi mbwaakamulwiita.

2 Makani 30:22

Esekiya wakaamba maswi akuyumyayumya bene Lefi boonse abo bakaboneka ayi balicite lushibo lwiindaawo lwa mulimo wabo kuMwaami Lesa. Kwanshiku shosanwe ashobilo bakalinga kulya shipansha shabo akubenga milambu ya bwanabwankashi alimwi akulumbaisha Mwaami Lesa, Lesa wa bamashali babo bakulukulu.

2 Makani 31:4

Kuswawaawo Esekiya wakaambila bene Jelusalemu ayi kabaletela bapailishi abene Lefi shipo isho nshebakalinga kweelete kupekwa kwaamba ayi beelibalebo kucita shiyanda Milawo ya Mwaami Lesa.

Esila 7:10

Ono Esila wakalinga kwiiya Milawo ya Mwaami Lesa akwiicita mubuumi bwakwe boonse. Kuswawaawo wakalinga kwiisha milawo amilasho iyo kubene Isilaeli.

Esila 7:25

“Ono webo Esila, mukusebensesha busongo bwakakupa Lesa wako, usale bamatanjilili aboomboloshi ayi beendeleshe bantu boonse bakwitala lya Mulonga wa Yufuletisi, abo bekala kweelana aMilawo ya Lesa wako. Ulyeelete kwiisha uyo woonse uteshi Milawo iyo.

Tushimpi 5:2

Lyalo ulaakwishiba kulilemeka, alimwi maswi ako alaakunootondesha ayi ulicite lushibo.

Shikushimikila 5:5

Ncibotu kutashomesha cakulumbila kucita cimwi cintu kwiinda kushomesha, sombi wabula kucita ncewakashomesha.

Isaya 42:19

Sa kuliiwo ushinkite matwi mbuli musebenshi wangu? Sa kuliiwo moofu mbuli shinkombe ngoontuma? Ngani ushinkite matwi wiinda shinkombe wangu? Anu ngani moofu uli anga ngumusebenshi wangu neMwaami Lesa?

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Jelemiya 15:19

Paceebo ceeco Mwaami Lesa wakaamba ayi, “Na upilukile kuli ndime, ndaakukutambula ayi ube musebenshi wangu alimwi. Na ucileeke kwaamba shitaaku mboshibete akutalika kwaamba sheelete, ulaakuba mulaluki wangu alimwi. Bantu aba balyeelete kupilukila kuli ndiwe, sombi webo tooelete kupilukila kuli mbabo.

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Jelemiya 2:8

Bapailishi tabakwe kwiipushawo ayi, ‘Ino Mwaami Lesa uli kuli?’ Ncakwiila babona pamilawo tebakalinga kwinshiiwo, sobwe. Bamatanjilili abalo bakangashukila. Balaluki bakalinga kulaluka muliina lyakwe Baali, ee, kabakonkela shibumbwabumbwa shitaaku mboshibete.”

Esekelo 22:26

Bapailishi balapwaya milawo yangu akutalemeka shintu shangu shisalalite. Tabacishi kupansaanya shintu shisalalite ashitasalalite pakulambila. Balo baleeisha ayi taapu bupusano pakati ka shintu shisalalite kweelana aMilawo ashitasalalite. Tabalami abushiku bomwi abomwi bwakookesha bwa Cibelu. Paceebo ceeco bene Isilaeli tabandemeki.

Esekelo 7:26

Mapensho alaakwisa pamapenshonyina aalo maŋwiŋwi abiibi alaakunootungenebo kalongo. Mulaakunoosenga ayi balaluki bamulwiite nshebabona mushili anga nshiloto. Bapailishi balaakucileka kwiisha bantu milawo abalo bamaloba balaakucileka kupanda maano.

Danyelo 11:33

“Bamatanjilili basongo balaakulwiitako baanji pakati ka bantu abo. Sombi kwaciindi ciniini bamatanjilili abo bamwi balaakucaikwa munkondo, bamwi kutentwa, bamwi kupambwa buboni akuwaalwa muntolongo.

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Bene Lefi 10:11

Alimwi mulyeelete kwiisha bene Isilaeli milawo yoonse njendakamupa kwiinda muli Mose.”

Sefaniya 3:4

Balaluki ba njiyo mbeshikulisumpula, mbantu batashomeki. Bapailishi ba njiyo balabisha musena usalalite Balasebensesha Milawo kwaamba ayi bacane mpindu.

Agayi 1:13

Lyalo nebo neAgayi ndakapa maswi a Mwaami Lesa kubantu ayi, “Ndaakunooli amwebo, uko nkokushomesha kwangu.”

Sekaliya 7:3

akwiipusha kubapailishi abalaluki. Bakeepusha ayi, “Sa inga twatolelela kulila mukwiinga wa kunyonyoolwa kwa Ŋanda yakwe Lesa mukulikasha kulya mumweenshi wasanu bweenka mbotwakalinga kucita myaaka iinji yeenda?”

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Shakubelenga 27:21

Lakwe ulaakunoocinkite manungo muli Eliyasa mupailishi, uyo ngweshi akeeye kuyanda kwangu kwiinda mukusebensesha Ulimu aTumimu. Munshila iyi Eliyasa ulaakutanjilila Joshuwa alimwi abene Isilaeli boonse mushintu shoonse nshebeelete kucita.”

Joni 13:20

Ntoomulwiita calushinisho ayi uyo woonse utambula womwi wa baabo mbondatuma, ulatambula ndime alimwi uyo woonse utambula ndime, ulatambula awooyo wakantuma.”

Joni 20:21

Jesu wakabaambila alimwi ayi, “Luumuno lube amwebo! Ono bweenka baTa mbobakantuma, anebo ntoomutuma mbweeke ubo.”

Milimo ya Batumwi 16:17

Uyu mwanakashi wakalinga kwisa cikonkela Paulo aswebo, kaaolobesha ayi, “Aba basankwa mbasebenshi bakwe Lesa wa kwiculu Wiindaawo! Batooshimikila mbweenga mwapulushikwa.”

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

Bene Galatiya 4:14

Nakubi kwaamba ayi bulwashi bwangu bwakamupensha, tamukwe kunsuula nabi kunaama. Sombi mwakantambula anga ngumunjelo wakwe Lesa nabi anga nguKlistu Jesu mwiine.

Dutolonomi 21:5

Bapailishi bene Lefi abalo balyeelete kuya mukwiinga Mwaami Lesa, Lesa wanu wakabasala ayi banoosebensa mulimo wa bupailishi akunoopa coolwe muliina lyakwe alimwi akunokoombolosha milandu yakulwana abucayi yoonse.

Dutolonomi 24:8

“Kumakani a manata, mulyeelete kucita shoonse isho bapailishi bene Lefi nsheenga bamulwiita. Mulyeelete kukonkela milasho yoonse iyo njendabalwiita.

1 Bene Tesalonika 4:8

Ono aboobo uyo woonse ukaka kwiisha uku taakakilibo muntu, sombi Lesa uyo umupa Mushimu wakwe Usalashi.

1 Samwelo 2:17

Cibiibi cakalinga kucita bana bakwe Eli cakakomena abuumbi pameenso aMwaami Lesa, mukwiinga milambu yakalinga kupekwa kuli nguwe bakalinga kuyeendelesha cakuteepa bulemu.