Malaki 2:17 - Baibo Busansulushi Bwa Libuku Ili

¹⁷ Mwalemya Mwaami Lesa mumyaambo yanu. Sombi mwebo nobantu muleepusha ayi, “Ino twamulemya buyani?” Mwamulemya mukwiinga mulaamba ayi, “Boonse bacita shibiibi bali kabotu pameenso a Mwaami Lesa alimwi ulakondwa muli mbabo.” Alimwi amukwiipusha ayi, “Ino Lesa shibululami uli kuli?”

Malaki 2:17 ပူးပေါင်းရင်းမြစ်များ

Jobo 34:17

Sa ncakwiila uyo upatite bululami inga weendelesha? Sa webo utoopa mulandu Lesa Shinkusu shoonse ululeme?

Jobo 34:36

Inga cambotela na Jobo watolelela kusunkwa kushikila kumeelelesho ceebo cakwaamba bweenka bwaamba bamucita shibi.

Jobo 36:17

Sombi cino ciindi wapekwa mulandu weelete bamucita shibi. Koombolosha kululeme kwaselukila pali ndiwe.

Jobo 9:24

Cishi na capekwa mumaansa abantu babiibi, Lesa ulacala meenso a boomboloshi ayi bataboni. Ono na teshi nguwe wakacicita, ingayi ngani weenga wacita boobo?

Shikushimikila 8:11

Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.

Isaya 1:14

Ncakwiila kusekelela kwanu kwa bushiku butaanshi bwa mweenshi anshiiku shanu shimwi shisalalite ndishipatite. Shoonse shababo anga cintu cilemu ncindalemenwa kunyamuna.

Isaya 29:15

Mapensho kuli baabo beelesha cankusu kushisa miyeeyo yabo kuswa kuMwaami Lesa. Ee, kubantu abo bacita milimo yabo mumunshinshe akuyeeya ayi, “Anu ngani weenga watubona? Anu ngani weenga weshiba?”

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 43:22

Ono Mwaami Lesa waamba ayi, “Nakubi boobo tamukwe kundililaawo mwebo nobamulunyungu lwakwe Jakobo. Ncakwiila nobene Isilaeli tamukwe kulisukamaawo sha pali ndime.

Isaya 43:24

Tamukwe kungulilaawo mafuta anunkila kabotu eetwa ayi kalamasi, nabi kunkwanisha mafuta aswa kumilambu yanu. Sombi mwebo mwakampa mukuli wa shibiibi shanu, ncakwiila shilubo shanu shandemya abuumbi.

Isaya 7:13

Mpomunyaawo Isaya wakaamba ayi, “Kutika ono webo owamulunyungu lwakwe Defedi! Sa kupensha bantu uku nkomucita teshi kuunji? Ono sa utooyanda kupensha aLesa wangu?

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Jelemiya 15:6

Mwebo mwakankaka, ncakwiila mulicitekobo kuboola pesule. Aboobo ndaakumucata akumunyonyoola. Teshi nkamufwitewo nkumbu tubili.

Jelemiya 17:15

Lyoonse bantu balaŋambila ayi, “Ino cakaamba Mwaami Lesa cili kuli? Aciciite bulya tubone!”

Jelemiya 44:22

Ono Mwaami Lesa ndyaakacileka kunoolangilishabo pamicito yanu ibiibi alimwi ashintu shilensha bunya nshemwakalinga kucita, cishi canu cakaba cintu ceelete kushinganwa, kuba matongo alimwi kwakubula amuntu wikalaamo bweenka mbocibete sunu.

Esekelo 16:43

“ ‘Ono mukwiinga tamukwe kwiibaluka nshiku sha bucikula bwangu bwako, sombi wakankalasha mukucita shintu shoonse ishi. Ndushinisho ndaakukupa mulandu pasheesho nshewakacita. Ceebonshi wakeelikawo bufuule pasheesho shoonse shilensha bunya nshewakalinga kucita? Nebo neMwaami Shinkusu shoonse ndaamba.’ ”

Esekelo 18:25

“Ono mwebo mulaamba ayi, ‘Nshila sha Mwaami Lesa tashilulemeewo.’ Amunyumfwe mwebo nobene Isilaeli. Sa mutooyeeya ayi nshila shangu nsheshitaluleme? Sa teshi nshila shanu shitaluleme?

Esekelo 8:12

Mpeeke Lesa wakanjipusha ayi, “Webo omuntu, sa wabona bamaloba ba bene Isilaeli mbobatoocita mubushishi? Womwi awomwi utoolambila cibumbwabumbwa cakwe. Balo balaamba ayi, ‘Mwaami Lesa taatubweneewo, ncakwiila cishi wakacisuula.’ ”

Esekelo 9:9

Lyalo wakankumbula ayi, “Shibiibi sha bene Isilaeli abene Juda nshinene abuumbi. Cishi ciliswitebo beshikutila bulowa ayalo ndabala ya Jelusalemu iliswitebo shitaluleme. Balo balaamba ayi, ‘Mwaami Lesa cishi wakacisuula. Ncakwiila nshetutoocita taashibweneewo.’

Amosi 2:13

“Ono ndaakumupwayoola bweenka cikoci mbocipwayoola na calemenwa mancebele.

Sefaniya 1:12

“Paciindi ico ndaakuyandoola muJelusalemu alilampi akupa mulandu kubaabo balibona kubota abo bali anga nguwaini wakalila panshi. Balo balayeeya ayi, ‘Mwaami Lesa taaku nceenga wacita, kucita cibotu nabi cibiibi.’

Malaki 2:14

Lyalo muleepusha ayi, “Ino nceebonshi?” Mwaami Lesa taitambuli mukwiinga ngokamboni pali ndiwe alimwi amukaako wakubwanike, ceebo tookwe kucita kweelana ambowakamulasha. Wakacita boobo nacibi kwaamba ayi wakalinga mukaako kweelana acipangano ca cikwati.

Malaki 3:8

Anebo ntoomwiipusha ayi, ‘Sa ncibotu muntu kupamba Lesa?’ Ncakwiila teshi cibotu! Nakubi boobo mwebo mulampamba. Sombi muleepusha ayi, ‘Munshilanshi?’ Mulampamba mushalikumi ashipo.

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

1 Samwelo 2:3

Anu cileke kutumbama. Ee, maswi akulisumpula aamane. Ceebo Mwaami Lesa, nguLesa ushi shoonse, ngowoombolosha shoonse shicita bantu.