Malaki 2:11 - Baibo Busansulushi Bwa Libuku Ili

¹¹ Bene Juda tabakwe kucita kweelana ambobakalasha Lesa. Sombi bakacita cintu cilensha nsoni muJelusalemu amucishi ca Isilaeli coonse. Babisha Ŋanda ya Mwaami Lesa iyo njaasuni ceebo basankwa baleeba banakashi balambila balesa ba mishobo imwi.

Malaki 2:11 ပူးပေါင်းရင်းမြစ်များ

Esila 10:2

Lyalo Shekaniya mwanaakwe Jeiyelo, womwi wa mucipani cakwe Elamu wakaamba kuli Esila ayi, “Twakabishisha Lesa wesu mukweeba banakashi baswamashi abo mbotushitaabo. Nakubi boobo lupulusho nkolucili kubene Isilaeli.

Esila 9:12

Aboobo mutakeebeshi bana banu kubana babo nabi kuleka bana banu kweeba bana babo. Mutakabacaafwi ayi bekale muluumuno akuba acoolwe paciindi cili coonse kwaamba ayi mukayume akulya shintu shibotu sha mucishi ico akucishiila bana banu ayi cibe caabo lyoonse alyoonse.

Kulumbaisha 106:28

Lyalo bantu abo bakalambila Baala, lesa wa kuPeyoli, akulya milambu yakabengwa kubalesa batayooyi.

Jelemiya 2:3

Isilaeli wakalinga kusalalite kuMwaami Lesa. Wakalinga mbuli shisepo shitaanshi kutebulwa. Abo boonse bakamucisa ndakabapa mulandu aboobo mapensho akabashikila.’ ” Mwaami Lesa waamba.

Jelemiya 3:10

Nakubi boobo, Juda mukwabo Isilaeli mwanakashi utashomeki taakwe kwisa kuli ndime camoyo wakwe woonse. Sombi wakesabo cakweena. Nebo neMwaami Lesa ndaamba.”

Jelemiya 7:10

Mwamana kucita shintu ishi shilensha bunya, mulesa mukwiimikana pameenso angu muŊanda yangu ino akwaamba ayi, ‘Swebo tatucite cakulisukama.’

Esekelo 18:13

Ulakweletesha maali ayi acaninewo mpindu. Sa muntu wa mushobo uyo inga waba abuumi? Sobwe teshi akabeewo abuumi! Ndushinisho ulaakufwa ceebo wakacita shintu ishi shoonse shilensha bunya. Lufu lwakwe ndwakuliletela mwiine.

Esekelo 22:11

Muli ndiwe muli bantu bamwi bacita shintu shilensha bunya abamukashikamukobonyinaabo, bamwi balacita cintu cilensha nsoni cakukumana abamalokashi babo, abalo bamwi balakumana abamanankashi shabo abo mbobapusenebo kubamanyinawabo, sombi ishiwabo ngomwibo.

Osiya 6:7

Ono mwebo mwapwaya cipangano bweenka bwakapwaya Adamu.

Bene Lefi 20:26

Mwebo mulyeelete kuba bantu basalalite akubabo baangu neenka, ceebo ndime Mwaami Lesa alimwi ndisalalite. Ndakamupatula kuswa pakati ka mishobo imwi yoonse kwaamba ayi mubebo baangu neenka.

Malaki 1:1

Makani abulaluki akaambwa aMwaami Lesa, ngoaaya ngaakaambila Malaki ayi alwiite bene Isilaeli.

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Boomboloshi 3:6

Lyalo bene Isilaeli bakatalika kweebana amishobo iyo alimwi akulambila balesa babo.