Malaki 2:10 - Baibo Busansulushi Bwa Libuku Ili

¹⁰ Te swebo soonse tulicitebo Ishiwesu womwi? Sa te Lesa womwi wakatulenga soonse? Ino ceebonshi tulapwaya cipangano ico Lesa ncaakabika pakati ka bameeshiwesu bakulukulu kwiinda mukutacita kweelana ambotulashanya?

Malaki 2:10 ပူးပေါင်းရင်းမြစ်များ

Neyemiya 13:29

NobaLesa bangu, amwiibaluke bantu aba mbobakabisha bupailishi acipangano ca bupailishi aca bene Lefi.

Jobo 31:15

Sa uyu wakamumba mulifumo lya bama teshi ngowakababumba abalo? Sa teshi mulengi womwi wakatupanga mumafumo abamanyinawesu?

Kulumbaisha 100:3

Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.

Kulonga 19:4

“Mwakabona nshendakacita nebo neMwaami Lesa kubene Ijipiti, alimwi ambuli mbondakamunyamuna bweenka mbuli mumbankwashi mbwaanyamuna bana bakwe pamapapaminwa akwe akumuleta kokuno kuli ndime.

Kulonga 19:5

Ono na munyumfwile akulama cipangano cangu, mulaakuba bantu bangu. Cishi ca panshi coonse ici ncaangu, sombi mwebo mulaakuba bantu bangu basalitwe.

Kulonga 24:3

Lyalo Mose wakaya mukulwiita bantu boonse milawo amilasho yoonse ya Mwaami Lesa. Bantu boonse bakakumbula pantu pomwi ayi, “Tulaakucita shoonse shaamba Mwaami Lesa.”

Kulonga 24:7

Lyalo wakabwesa libuku lya cipangano umo mwakalinga kulembetwe milawo ya Mwaami Lesa, akwiibelengela bantu. Bantu bakaamba ayi, “Swebo tunanoonyumfwila Mwaami Lesa akucita shoonse nshaatulwiita.”

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 43:15

Nebo ndime Mwaami Lesa, Usalalite alimwi uyo wakamulenga nobene Isilaeli. Ncakwiila ndime Mwaami wanu.”

Isaya 43:7

Boonse mbantu bangu, ndakabalenga ayi banoompa bulemu.”

Isaya 44:2

Nebo ndime Mwaami Lesa uyo wakamulenga, ee, Lesa uyo wakabumba womwi awomwi pakati kanu mumala muli banyina alimwi Lesa uyo weshi akanoomucafwa. Mutaloondi nobasebenshi bangu bamulunyungu lwakwe Jakobo. Mwebo muli bantu abo mbondakasala alimwi mboonsuni.

Isaya 51:2

Ncakwiila amuyeeye Abulaamu mushali wanu mukulukulu, muyeeye Saala uyo ngomwakashalwaako. Abulaamu ndindakamwiita ayi ansebensele taakalinga kucitewo mwaana nabi womwi. Sombi ndakamupa coolwe cakuba abaana. Lyalo ndakalengesha bamulunyungu lwakwe kufula abuumbi.

Isaya 63:16

Ono Mwebo ndimwe beeshiwesu, nakubi kwaamba ayi Abulaamu taatwishi, ee, nabi Isilaeli taakoonshi kutukumbula mwebo noBaami baLesa ndimwe beeshiwesu. Ndimwe Bapulushi besu alimwi ili ndyeliina lyanu kuswabo kale kale.

Isaya 64:7

Taaku nabi womwi umupaila nabi ulwanisha kwaamba ayi mumucaafwe. Mwalishisa kuswa kuli ndiswe akutusuula ceebo ca shibiibi shesu.

Isaya 64:8

Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Esekelo 33:24

“Webo omuntu, bantu bekala mumatongo mucishi ca bene Isilaeli batokwaamba ayi, ‘Abulaamu wakalingabo eenka, nakubi boobo cishi ici cakalinga caakwe coonse. Ono swebo tuli baanji aboobo bulya cishi ici ncesu.’

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Malaki 2:11

Bene Juda tabakwe kucita kweelana ambobakalasha Lesa. Sombi bakacita cintu cilensha nsoni muJelusalemu amucishi ca Isilaeli coonse. Babisha Ŋanda ya Mwaami Lesa iyo njaasuni ceebo basankwa baleeba banakashi balambila balesa ba mishobo imwi.

Malaki 2:8

“Sombi mwebo nobapailishi, mwaswa munshila iluleme. Kwiisha kwanu kwalengesha baanji kubisha alimwi mwapwaya cipangano cili pali ndimwe.

Mateyo 10:21

“Muntu ulaakubenga mukwabo wa lifumo lyomwi ayi acaikwe, abalo bamaishiwabo balaakubenga bana babo. Abalo baana balaakubukila bamashali babo, akubacaisha.

Mateyo 22:16

Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.

Mateyo 3:9

Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba bamulunyungu lwakwe Abulaamu.

Luka 1:73

Wakashomesha cakulumbila kuli ishiwesu Abulaamu ayi

Luka 3:8

Amucite ncito shibotu shitondesha ayi mwasanduka kuswa kushibiibi shanu. Mutanoolibeca mumyoyo yanu ayi, ‘Swebo tulicite Abulaamu ishiwesu.’ Ntoomulwiita calushinisho ayi Lesa ulakonsha kusandula mabwe kuba baana ba mulunyungu lwakwe Abulaamu.

Joni 8:39

Balo bakakumbula ayi, “Tuli bana bakwe Abulaamu.” Lyalo Jesu wakabaambila ayi, “Nemwalinga bana bakwe Abulaamu nemwalinga kucita shintu nshaakalinga kucita lakwe.

Joni 8:41

Mwebo mutoocita shintu shakwe ishiwanu nobeene.” Mpomunyaawo balo bakamwaambila ayi, “Tatwishi baana ba mubulale. Tulicitebo ishiwesu womwibo ndondoli, Lesa.”

Joni 8:53

wacita bwaamba maswi angu teshi akafwewo. Sa webo uli munene kwiinda ishiwesu Abulaamu nabi balaluki bakafwa? Anu utooyeeya ayi ndiwaani?”

Joni 8:56

Ishiwanu Abulaamu wakasangalala kwaamba ayi ulaakubona bushiku bwakwisa kwangu, ncakwiila wakabubona alimwi wakakondwa.”

Milimo ya Batumwi 17:24

Lesa uyo wakalenga cishi ashintu shoonse shiliimo, ngoMwaami weendelesha kwiculu acishi ca panshi. Aboobo taakali mumaanda akayaka bantu, sobwe.

Milimo ya Batumwi 17:25

Ncakwiila bantu taaku nceenga bamusebensela amaansaabo mukwiinga taaku ncaataciteewo. Lesa ngomunya uyu ngootupa buumi amuuya ngotuyoya alimwi ashintu shimwi shoonse.

Milimo ya Batumwi 17:26

Kuswa mumuntu womwi ngwaakalenga, mwakaswa mishobo yoonse ya bantu akubakalika mucishi coonse ca panshi. Lakwe mwiine kaatana kubalenga, wakabaambila limwi ciindi alimwi amusena nkweshi bakekaale.

Milimo ya Batumwi 7:2

Sitifini wakakumbula ayi, “Nobamakwesu anobashali bangu basankwa amunyumfwe, Lesa wa bulemu wakaboneka kuli ishiwesu Abulaamu ndyaakalinga kwikala kuMesopotamya kaatana kulongela kundabala ya Alani.

Milimo ya Batumwi 7:26

Bushiku bwakaboolaawo, Mose wakacana bene Isilaeli bobilo kabalwana. Mpeeke wakeelesha kubalamwita. Wakabaambila ayi, ‘Mwebo namata, bana muli bamukowa, anu mutoolwaninanshi?’

Bene Loma 4:1

Ono twaambe buyani pali Abulaamu mushali wesu mukulukulu sobaJuda? Nciinshi cakacitika pacikani ici?

Bene Loma 9:10

Teeshibo ceeco ceenka, sombi baana basankwa bobilo bakwe Labeka bakashalwa kumushali wesu mukulukulu, Isaki.

1 Bene Kolinto 8:6

Sombi swebo tulicitebo Lesa womwi, Ishiwesu wakalenga shintu shoonse alimwi ngowooyo ngotushiitile. Ncakwiila tulicitebo Mwaami womwi, Jesu Klistu. Lesa wakalenga shintu shoonse kwiinda muli nguwe alimwi tuli boomi ceebo ca Mwaami uyu.

Bene Efeso 4:25

Anu amucileeke kubeca! Muntu woonse ulyeelete kwaamba shalushinisho kumwine Klistunyina ceebo soonse tuli shipansha sha mubili wakwe Klistu.

Bene Efeso 4:6

Peculu lya waawo kuli Lesa womwi, Ishiwabo boonse bantu. Lakwe uleenda paboonse, ulasebensa muboonse alimwi uli mubantu boonse.

1 Bene Tesalonika 4:6

Mucikani ici kutabi muntu ubishisha mushominyina nabi kumulenga buluya. Twakamucenjeshawo kale ayi pacikani ici Lesa ulaakutondesha bukali kubantu bacita sheesho.

Bene Ebulu 12:9

Bamaishiwesu bapacishi ca panshi bakalinga kutubuula, aboobo twakalinga kubalemeka. Anu tulyeelete kwiindaawo kulemeka Lesa Ishiwesu uli kwiculu kwaamba ayi tube abuumi!

Joshuwa 24:3

Lyalo ndakabwesa Abulaamu, mushali wanu mukulukulu, kuswa mucishi cili kwitala lya Mulonga wa Yufuletisi akumutanjilila kuya mucishi coonse ca Kenani. Ndakamupa bamulunyungu lwakwe baanji. Ndakamupa Isaki,