Malaki 1:9 - Baibo Busansulushi Bwa Libuku Ili

⁹ “Ono nobapailishi mwebo, mulasenga kuli ndime neLesa ayi mupe coolwe. Na kamubenga milambu yambuli yeeyi, sa inga ndakumbula mupailo wanu?

Malaki 1:9 ပူးပေါင်းရင်းမြစ်များ

2 Makani 30:27

Lyalo bapailishi pantu pomwi abene Lefi bakeemikana ayi basengele coolwe bantu boonse. Lesa wakanyumfwa kusenga kwabo kwiculu uko nkwaakala akukukumbula.

Kulonga 32:11

Sombi Mose wakakombelela Mwaami Lesa, Lesa wakwe akwaamba ayi, “NoBaami baLesa, ino inga mwakalalila buyani boobo bantu banu, abo mbomwakafuna kuswa mucishi ca Ijipiti kwiinda munkusu shanu shiindaawo?

Jelemiya 26:19

“Sa Esekiya mwaami wa bene Juda nabi umwi uli woonse wa muJuda wakamucaya? Sa Esekiya taakwe kuloonda Mwaami Lesa akusenga ayi abamunyumfwile nkumbu? Sa Mwaami Lesa taakwe kusandula miyeeyo yakwe akutabaletela mapensho ayo ngaakaamba kubapa? Bulya tutooliletelabo mapensho ayoosha.”

Jelemiya 27:18

Na mbalaluki abo bacite maswi angu neMwaami Lesa, abakombelele kuli ndime neMwaami Lesa Shinkusu shoonse ayi shisebensesho isho shakacaala muŊanda yangu, muŋanda ya mwaami wa bene Juda amuJelusalemu shitatolwi kuBabiloni.

Malilo 2:19

Nyamuka ulile mashiku, ulile ciindi beshikulindilila mashiku ndibatalika kusebensa. Lilila Mwaami Lesa amoyo wako woonse. Ee, umulilile akumukombelela ayi bana bako abo batoowisooka kunsala kweela mikwakwa yoonse bapuluke.

Jowelo 2:12

Mwaami Lesa waamba ayi, “Nabi pacecino ciindi amusanduke kuswa kushibiibi shanu mwise kuli ndime amyoyo yanu yoonse, mukulikasha kulya, mukulila amukuungumana.”

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Amosi 5:22

Nabi mukandetele milambu yakutenta, kubikaawo ashipo shanu sha fulaulo, teshi nkashitambuleewo. Nabi mukandetele milambu ya bwanabwankashi ili buyani, teshi nkeetambuleewo, sobwe.

Joni 9:31

Tulishi kwaamba ayi Lesa taakutiki bamucita shibi, sombi bantu bamulemeka akucita mbwaasuni.

Bene Loma 2:11

Mukwiinga Lesa taasalululi.

1 Pita 1:17

Mulaamba ayi bamashali besu bakulukulu ndimupaila kuli Lesa. Aboobo amwiibaluke ayi uloombolosha kweelana amuntu nshaakacita alimwi taasalululi. Ono anu mulyeelete kuba abulemu kuli Lesa mubuumi bwanu boonse mbweshi mwikale mucishi ca panshi.