Malaki 1:4 - Baibo Busansulushi Bwa Libuku Ili

⁴ Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”

Malaki 1:4 ပူးပေါင်းရင်းမြစ်များ

Jobo 12:14

Ncakwiila na wanyonyoola cimwi cintu, taaku weenga waciyakulula. Na waanga muntu, taaku nabi womwi ukonsha kumwaangulula.

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Kulumbaisha 127:1

Na Mwaami Lesa wabula kuyaka ŋanda, ngayi bayaki basebenselabo kapongo kafwite. Na Mwaami Lesa wabula kulindilila ndabala, ngayi beshikulindilila balipenshabo akutoona.

Kulumbaisha 137:7

NoBaami baLesa, amwiibaluke shakacita bene Edomu bushiku bulya bwakanyonyoolwa Jelusalemu. Amwiibaluke mbobakalinga kwaamba ayi, “Amwiimwaaye, amwiimwaaye tibili akulwiimbi!”

Kulumbaisha 33:10

Mwaami Lesa ulanyonyonganya miyeeyo ya bantu bakunsengwe, ee, ulalengesha bantu abo kubula kucita miyeeyo njebabamba.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Isaya 34:10

Mulilo uyo ulaakunoonyakabo mashiku amalumwi, abwalo bwiishi bwa nguwo bulaakunoosuntabo kwalyoonse alyoonse. Cishi ico cilaakunoolibo mumatongo kuswa kulishalane akulishalane. Taaku muntu nabi womwi weshi akeendemo tubili mucishi ici.

Isaya 34:5

Ono mupeeni wangu neMwaami Lesa walibambila kale kunyonyoola. Ncakwiila ulaakwisa mukupa mulandu bene Edomu, bantu abo mbondakaamba cakushinisha ayi balyeelete kunyonyoolwa.

Jelemiya 31:17

Aboobo kulangila buumi kuya kunembo nkokuli. Bana bako balaakuboola kucishi cine mishaabo. Nebo neMwaami Lesa ndaamba.

Jelemiya 49:20

Paceebo ceeco amunyumfwe isho nebo neMwaami Lesa nshendakapinga pabene Edomu, munyumfwe sheesho nsheensuni kucita kubaabo bekala kundabala ya Temani. Bana babo boonse balaakukwelanishikwa akutolwa. Ndaakunyonyoola cishi cabo.

Jelemiya 49:7

Pabene Edomu Mwaami Lesa Shinkusu shoonse wakaamba ayi, “Sa busongo bwakamana muEdomu? Sa beshikupandaako maano bakamana? Sa busongo bwabo bwakashimingana?

Jelemiya 49:8

Amusanduluke mucice, muye muyube mushimfwengo shilaamfu mwebo nomwikala kuDedani. Nebo ndaakuleta mapensho pabamulunyungu lwakwe Esau ciindi ndaakubapa mulandu.

Jelemiya 5:17

Balaakulya butebushi bwanu ashakulya shanu, balaakucaya bana banu basankwa abanakashi. Balaakucaya matanga a shifubwa shanu akunyonyoola minyansa amikuyu yanu. Likoto lyabo lya bashilumamba lilaakunyonyoola mandabala anu acite malinga umo momucinkite manungo.”

Malilo 3:37

Anu ngani weenga waamba makani akucitika acitika? Ee, ngani ukonsha kucita cintu ico Mwaami Lesa ncaatakwe kusuminisha?

Esekelo 11:10

Mulaakufwa kunkondo mweenka mucishi canu. Lyalo ndyeshi mukeshibe ayi nebo ndi Mwaami Lesa.

Esekelo 25:13

Paceebo ceeco nebo neMwaami Lesa Shinkusu shoonse ndaamba ayi, ‘Cishi ca Edomu ndaakucipa mulandu akucaya bantu bekalaamo alimwi ashifubwa shabo. Ndaakucilengesha kuba luyanga kutalikila kundabala ya Temani kuya mukushika kundabala ya Dedani akucaya bantu ba mumo kunkondo.

Esekelo 25:14

Ndaakuboosha cishole kucishi ca Edomu kwiinda mubantu bangu bene Isilaeli. Balaakucita bene Edomu kweelana abukali bwangu buyoosha. Lyalo bene Edomu balaakwishiba mbocibete kubooshelwa cishole kuli ndime. Nebo neMwaami Lesa Shinkusu shoonse ndaamba.’ ”

Esekelo 26:14

Ndaakushiyabo mwaandami apo beshikucaya nswi mpweshi bakanooyanikabo toombe twabo. Teshi ukayakululweewo tubili, Nebo neMwaami Lesa Shinkusu shoonse ndime ndaamba.’

Esekelo 35:4

Ndaakunyonyoola mandabala ako ayi akabe matongo. Lyalo ndyeshi ukeshibe ayi nebo ndi Mwaami Lesa.

Esekelo 35:9

Ndaakukusandula kuba luyanga kwalyoonse alyoonse. Taaku weshi akekalewo tubili mumandabala ako. Lyalo ndyeshi ukeshibe ayi nebo ndi Mwaami Lesa.

Amosi 1:11

Mwaami Lesa waamba ayi, “Bene Edomu bakalinga kubisha lyobilo lyobilo, aboobo ndushinisho ndaakubapa mulandu. Bakatandaanya bamakwababo, bene Isilaeli amupeeni cakubula kubanyumfwila nkumbu. Bukali bwabo bwakafula, ee, bwakafula cakwaamba ayi bakaalilwa kulicata.

Amosi 3:15

Ndaakumwayulula ŋanda yamupewo akunyonyoola ŋanda yamainsa. Ee, ndaakunyonyoola maanda akaboteshekwa ameeca a nsofu, aalo maanda anene abotu ndaakwaanyonyoola oonse. Nebo neMwaami Lesa ndaamba.”

Amosi 5:11

Mulalyatilila bakandu akubakakatisha ayi bamupe shili anga ngamaila. Nabi mwakayaka maanda a mabwe abotu abuumbi, teshi mukekaleemo. Nabi mwakalima myuunda ibotu ya minyansa, teshi mukanwewo waini ushi ukaswe kuli njiyo.

Amosi 6:11

Ceebo Mwaami Lesa wakashomesha kale. Ndushinisho ulaakupwayoola ŋanda inene mutupanshapansha ayalo ŋanda iniini ulaakwiilengesha kuba matongo.

Amosi 6:2

Kamuya kundabala ya Kalune mukeeboone. Kuswa kooko, muye kundabala inene ya Amati. Lyalo muye kundabala ya Gati mucishi ca Filisiti. Sa bulelo bwanu buleenda kubotu pamalelo abo? Sa cishi cabo cakalinga cinene kwiinda cishi canu?

Obadiya 1:1

Ishi nshesheeshi Mwaami Lesa nshaakayubulwita Obadiya anga muciloto. Makani aya atokwaamba pabene Edomu. Mwaami Lesa wakatuma shikwiimikaninaako kumishobo imwi yoonse alimwi twakanyumfwa makani akwe akwaamba ayi, “Amulibambile! Tiya tukalwaane abene Edomu.”

Obadiya 1:10

“Ceebo ca shimfulunganya nshemwakacita kubamakwabanu bamulunyungu lwakwe Jakobo, mulaakulenshekwa nsoni, alimwi mulaakunyonywetwabo limwi.

Malaki 1:3

sombi ndipatite Esau abamulunyungu lwakwe. Aboobo tulundu twakwe ndakatwaalula luyanga akushiya cishi cakwe kubaumpe.”

Mateyo 12:30

“Uyo woonse utabete kulubasu lwangu, ngumulwani wangu, alimwi awooyo utooboli pantu pomwi anebo ulapalanganya.