Malaki 1:2 - Baibo Busansulushi Bwa Libuku Ili

² Mwaami Lesa ulaambila bantu bakwe ayi, “Nebo ndimusuni lyoonsebo.” Sombi balo baleepusha ayi, “Ino ulitusuni buyani?” Lyalo Mwaami Lesa ulakumbula ayi, “Sa te Esau wakalinga munene wakwe Jakobo? Nakubi boobo, ndisuni Jakobo abamulunyungu lwakwe,

Malaki 1:2 ပူးပေါင်းရင်းမြစ်များ

Matalikilo 25:23

Mwaami Lesa wakamwaambila ayi, “Mumala umo uliyumwite mishobo ya bantu yobilo Ulaakutumbuka bantu ba mishobo yobilo bapatene. Mushobo womwi ulaakunoocite nkusu kwiinda umwi, munenebantu ulaakunoosebensela mwanikebantu.”

Matalikilo 25:25

Mutaanshi wakalinga musalala alimwi cikanda cakwe cakalinga anga ncakufwala ca peculu cabooyabooya. Paceebo ceeco wakatumbwa ayi Esau.

Matalikilo 25:26

Wabili wakashalwa kaacatite cankusu kukashindi kakwe Esau. Paceebo ceeco wakatumbwa ayi Jakobo. Isaki wakalinga kucite myaaka ili 60 ndibakashalwa.

Matalikilo 27:33

Lyalo Isaki wakatalika kututuma abuumbi. Mpeeke wakeepusha ayi, “Ono ngani wacaya nyama muluundu akwiileta kuli ndime? Ndiwapola apa ndindamanishabo kwiilya. Ndamupa coolwe cangu cakweelaako alimwi ncakwiila unanoolibo aco lyoonse alyoonse.”

Matalikilo 48:4

Wakandwiita ayi, ‘Ndakukupa baana baanji kwaamba ayi bamulunyungu lwako bakabe mishobo iinji. Ndaakupa bamulunyungu lwako cishi ici cikabe caabo muyayaya.’ ”

1 Baami 10:9

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

2 Baami 3:8

Ninshilanshi njeshi twiinde kuya mukulwana?” Jolamu wakakumbula ayi, “Tutootola ya luyanga lwine Edomu.”

Isaya 43:4

Ndaakubenga mishobo yakabumbulu kwaambabo ayi mpulushe buumi bwanu. Ceebo mwebo kuli ndime muli cintu ca makwebo. Peculu lya waawo ndimusuni abuumbi alimwi ndamulemeka.

Isaya 63:1

Anu ngani uyu utooswa kuEdomu ee, utooswa muBosila ashakufwala shisalala? Anu ngani uyu ufwete shakufwala shabulemu utoosa citankaila munkusu shakwe shinene? “Ndime nentokwaamba mubululami ee, nebo neencite nkusu shakupulusha.”

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Jelemiya 2:5

Mwaami Lesa utokwiipusha ayi, “Ino ncibiibinshi bamashali banu bakulukulu ncebakambonena, ico cakabalengesha kupambuka bobulya kuswa munshila yangu? Beene bakakonkela shibumbwabumbwa shitaaku mboshibete, lyalo abalo beene bakaba bantu bataaku mbobabete.

Jelemiya 31:3

Mwaami Lesa wakabonekela kuli ndiswe kale kale akwaamba ayi, “Ndakamusuna alusuno lutamaani paceebo ceeco ncitolelela kumunyumfwila nkumbu.

Amosi 1:11

Mwaami Lesa waamba ayi, “Bene Edomu bakalinga kubisha lyobilo lyobilo, aboobo ndushinisho ndaakubapa mulandu. Bakatandaanya bamakwababo, bene Isilaeli amupeeni cakubula kubanyumfwila nkumbu. Bukali bwabo bwakafula, ee, bwakafula cakwaamba ayi bakaalilwa kulicata.

Malaki 2:17

Mwalemya Mwaami Lesa mumyaambo yanu. Sombi mwebo nobantu muleepusha ayi, “Ino twamulemya buyani?” Mwamulemya mukwiinga mulaamba ayi, “Boonse bacita shibiibi bali kabotu pameenso a Mwaami Lesa alimwi ulakondwa muli mbabo.” Alimwi amukwiipusha ayi, “Ino Lesa shibululami uli kuli?”

Luka 10:29

Sombi mufundishi uyo wakalinga kusuni kulitandya nsoni, lyalo wakeepusha Jesu ayi, “Ino mubyanji ngani?”

Joni 15:12

Mulawo wangu ngooyu, amusunane bweenka mboomusuni anebo.

Dutolonomi 10:15

Ono lusuno lwa Mwaami Lesa pabamashali banu bakulukulu lwakalinga lunene abuumbi, cakwaamba ayi wakasala mwebo kuba bantu bakwe kuleka bamwi boonse alimwi mucili bantu bakwe asunu.

Dutolonomi 23:5

Nacibi boobo Mwaami Lesa, Lesa wanu taakwe kunyumfwa shakaamba Balaamu, sombi wakaalula mashingo ayo kuba coolwe kuli ndimwe ceebo Mwaami Lesa, Lesa wanu ulimusuni abuumbi.

Dutolonomi 33:3

Mwaami Lesa ulisuni bantu bakwe akunoobalama mukwiinga mbaakwe. Paceebo ceeci soonse tulafukama muliimfwa lyakwe akutambula milasho yakwe,

Dutolonomi 4:37

Ceebo ca bamashali banu bakulukulu, wakamusala alimwi kwiinda munkusu shakwe shinene wakamukusha mucishi ca Ijipiti.