Malaki 1:14 - Baibo Busansulushi Bwa Libuku Ili

¹⁴ “Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.

Malaki 1:14 ပူးပေါင်းရင်းမြစ်များ

Matalikilo 27:12

Cimwi ciindi bata bancaatecate akwishiba ayi ntoobabecabo. Ono ubo te inga ndaliletela lishingo kuleka coolwe kuswa kuli mbabo?”

2 Samwelo 24:24

Sombi mwaami Defedi wakaamba ayi, “Ndyeelete kuula shintu ishi. Nshikoonshi kubenga mulambu wakutenta kuMwaami Lesa, Lesa wangu kwakubula kuloshawo lipepe, sobwe.” Aboobo Defedi wakoola lubansa lwakulupwitaawo ulo pantu pomwi abasune abo amaali a silifa ali makumi osanwe.

Kulumbaisha 102:16

Mwaami Lesa aakuyakulula Siyoni, ulaakuyubulula bulemu bwakwe.

Kulumbaisha 47:2

Mwaami Lesa wa kwiculu Wiindaawo ulayoosha. Lakwe nguMwaami wa nkusu ulela cishi coonse ca panshi.

Kulumbaisha 47:3

Amubone wakatukomenaako mishobo iinji ya bantu, ncakwiila wakalengesha mishobo iinji kuba mubweendeleshi bwesu.

Kulumbaisha 47:8

Lesa ulalela mishobo yoonse ya bantu, kuswa pacuuna cakwe ca bwaami cisalalite apo mpweekala.

Kulumbaisha 48:2

Siyoni, kalundu kakwe Lesa kasalalite nkalaamfu cakweebeleka. Nindabala inene ya Mwaami Shinkusu iyo isangalasha cishi ca panshi coonse.

Kulumbaisha 68:35

Lesa uyu, ee, Lesa wa bene Isilaeli ulaloondesha abuumbi ndyaaba muŋanda yakwe Isalalite. Ono ulapa nkusu abulemu kubantu bakwe. Aalumbaishikwe Lesa!

Kulumbaisha 76:12

Lakwe ulamana kulisumpula kwa bamaami, bamaami boonse ba mucishi ca panshi balamuloonda.

Kulumbaisha 95:3

Mukwiinga Mwaami Lesa ngoLesa wiindaawo, alimwi nguMwaami wiinda pabalesa boonse.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Jelemiya 46:18

“Nebo neMwaami Lesa Shinkusu shoonse ndi Mwaami. Ncakwiila nebo ndi Lesa muumi. Kulaakwisa umwi uli anga nkalundu ka Tabo pakati ka tulundu, ee, anga nkalundu ka Kamelo kulubasu lwa lweenge.

Jelemiya 48:10

“Aashinganishikwe uyo utasuni kusebensa ankusu ncito yangu neMwaami Lesa! Aashinganishikwe uyo utasuni kucaya amupeeni wakwe.”

Jelemiya 48:15

Cishi ca Moabu cilaakunyonyoolwa amandabala anene a mumo alaakusaalwa. Bacikula bwangu ba ncico babotu balaakucaikwa. Nebo neMwaami wiitwa ayi Mwaami Lesa Shinkusu shoonse ndaamba.

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Danyelo 9:4

Ndakapaila kuMwaami Lesa, Lesa wangu akulyaambilila shibiibi sha bene misheesu ayi, “NoBaami baLesa, mulicite nkusu alimwi tulamulemeka. Mulashomeka kucipangano canu alimwi mulatondesha lusuno lwanu lutamaani kubaabo bamusuni alimwi banyumfwila milawo yanu.

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Malaki 1:8

“Sa kuleta banyama boofu ayi ngumulambu, teshi kubisha? Sa kubenga banyama balema nabi balwashi, teshi kubisha? Nciinshi nceenga cacitika na mwapa mweendeleshi wanu banyama ba mushobo uyo? Sa inga wakondwa akumupa coolwe?

Malaki 2:1

Mpeeke Mwaami Lesa Shinkusu shoonse wakaambila bapailishi ayi, “Mulawo ngontoomupa ngooyu,

Malaki 3:9

Mushobo wanu woonse ulishinganishitwe ceebo mulampamba.

Mateyo 24:51

Ulaakumupa mulandu akumuwaala kooko nkweshi kukanooli bantu baamba nshebataciti alimwi nkweshi bakanoolila akulumanya meeno.”

Mateyo 5:35

nabi kulumbila ayi, ‘Panshibo!’ mukwiinga mpaalyata Lesa. Utalumbili alimwi ayi, ‘KuJelusalemu!’ ceebo njendabala inene ya Mwaami Munene.

Maako 14:8

Mwanakashi uyu wacita cintu ncaakonsha kucita. Wananikilabo limwi mafuta mubili wangu kwaamba ayi unoolindilabo kufukilwa.

Luka 12:46

Mwaami wa musebenshi uyo ulaakwisa pabushiku mbwaatengashite aciindi ncaateshi. Ulaakumupa mulandu akumuwaala kooko nkweshi kukanooli batashomeki.

2 Bene Kolinto 8:12

Ceebo na mulayandishisha kupa shipo, Lesa ulaakutambula shipo shanu mukubona kwaamba ayi mwapa kweelana ambomukonsha, kuteshi sheesho nshemutacite.

Dutolonomi 28:58

“Na mubule kukonkela kabotu maswi a Milawo alembetwe mulibuku ili akutalemeka liina licite bulemu alimwi liyoosha lya Mwaami Lesa, Lesa wanu,

1 Timoti 6:15

Lesa ulaakumulengesha kuboneka paciindi ceelete, Lesa shicoolwe uli ngomweendeleshi eenkabo, mweendeleshi wa beendeleshi alimwi Mwaami wa baami.

Bene Ebulu 12:29

Mukwiinga Lesa wesu ncakwiila ngumulilo unyonyoola.

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”