Malaki 1:13 - Baibo Busansulushi Bwa Libuku Ili

¹³ Kuswawaawo, mulaamba ayi, ‘Wakomena mukuli uyu!’ akulansha nshono kuumbi. Na mwaleeta banyama bakeepwa, balema nabi balwashi ayi njimilambu, sa ndyeelete kwiitambula?

Malaki 1:13 ပူးပေါင်းရင်းမြစ်များ

2 Samwelo 24:24

Sombi mwaami Defedi wakaamba ayi, “Ndyeelete kuula shintu ishi. Nshikoonshi kubenga mulambu wakutenta kuMwaami Lesa, Lesa wangu kwakubula kuloshawo lipepe, sobwe.” Aboobo Defedi wakoola lubansa lwakulupwitaawo ulo pantu pomwi abasune abo amaali a silifa ali makumi osanwe.

Isaya 1:12

Anu ngani wakamulwiita ayi pakwisa mukunambila mulyeelete kuleta shintu shoonse ishi? Ngani umwaambila ayi kamulyatoola bobulya lubansa lwa Ŋanda yangu?

Isaya 57:6

Mulabwesa mabwe ateshimite kabotu kuswa mutulonga akwaalambila ayi mbalesa banu. Mulatila awaini apo ayi ncipo kuli mbabo akubaletela cipo ca shili anga ngamaila. Ono sa mutooyeeya ayi nebo ndikondetwe pashintu shoonse ishi?

Isaya 61:8

Mwaami Lesa waamba ayi, “Nebo neMwaami Lesa ndisuni koombolosha kululeme. Bupambi alimwi ashibiibi ndishipatite. Ndaakulambula bantu bangu ceebo nebo ndashomeka alimwi ndaakupangaabo cipangano camuyayaya.

Esekelo 4:14

Mpeeke ndakaamba ayi, “Citabi boobo noBaami baLesa Beshinkusu shoonse. Kuswa kubwanike bwangu kushika sunu, nebo nshina kulyaawo kale nyama yakulifwita nabi yakacaikwa abanyama bamuluundu. Mulomo wangu tauna kulyaawo kale nyama itasalalite kweelana aMilawo.”

Esekelo 44:31

Bapailishi tabeelete kulya muyuni na munyama wacanika walifwita nabi wacaikwa kubanyama bamuluundu.

Osiya 13:9

“Nobene Isilaeli, ndaakumunyonyoola ceebo mwabukila ndime neemucafwa.

Bene Lefi 22:8

Teelete kulya nyama ya munyama wakalifwita nabi wakacaikwa kubanyama bamuluundu mukwiinga inga yamulengesha kutanoosalalite. Nebo ndime Mwaami Lesa.

Bene Lefi 6:4

Ono na wabisha munshila iyi akucaninwa mulandu, ulyeelete kuboosha ncaakeepa nabi kubwesa mukucenjeeka, nabi ceeco ncaakapekwa ayi alame, nabi ceeco cakalinga kusowekete ncaakabwesa,

Amosi 8:5

Mwebo mulaamba ayi, ‘Kusekelela kwa Mweenshi Upya kulaakumana lili kwaamba ayi tukoolishe shili anga ngamaila shesu? Anu bushiku bwakookesha bwa Cibelu bulaakumana lili kwaamba ayi tukoolishe witi? Lyalo tukatantike mweelo akusebensesha shipimo shakubeca ee, tukanyengelele bantu mukusebensesha shipimo shitaluleme.

Mika 6:3

Mwaami Lesa waamba ayi, “Nobantu bangu ino ndamucitanshi? Anu ndamupensha munshilanshi? Amunkumbule!

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Malaki 2:12

Anu ncibotubo kwaamba ayi Mwaami Lesa atanoolanga lyobilo bantu bacita boobo ayi mbene Isilaeli. Mutabasuminishi tubili kuleta milambu kuMwaami Lesa Shinkusu shoonse.

Malaki 2:13

Cintu cimwi ncemucita nkutontosha cipaililo ca Mwaami Lesa aminsonshi. Mulalila buumpute amibila mukwiinga ono Lesa ulasuula milambu yanu alimwi taitambuli cakukondwa.

Mateyo 6:16

“Ono ciindi ncemulikasha kulya, mutanokuungumana, bucita bantu baamba nshebataciti. Mukwiinga balo balalyuungumika pameenso ayi bantu boonse babone ayi batoolikasha kulya. Ntoomulwiita calushinisho ayi balo abo batambula kale shilambu shabo.

Mateyo 6:5

“Ono pakupaila kuli Lesa, tamweelete kuba mbuli bantu baamba nshebataciti ceebo balo balisuni kwiimikana akupaila mushoonde shabo alimwi amupetukila nshila ayi bababoone. Ntoomwaambila calushinisho ayi abo balo batambula kale shilambu shabo.

Dutolonomi 15:21

Sombi na kwaboneka kampenda kucifubwa comwi, nkokwaamba ayi ncilema myeendo nabi ayi tacilashi, ingayi cifubwa ico taceelete kubengwa kuMwaami Lesa, Lesa wanu ayi ngumulambu.

1 Samwelo 2:29

Ono ceebonshi tootoolemeka milambu ashipo bantu bangu nshibeelete kupa ndime? Ino nceebonshi webo Eli ulalemeka bana bako kwiinda ndime mukubaleka ayi baliinishe beene ceebo cakulya shipansha shiindaawo kubota sha milambu yoonse bantu njebabenga kuli ndime?