Maako 8:2 - Baibo Busansulushi Bwa Libuku Ili

² “Ndanyumfwila nkumbu bantu aba mukwiinga bekala nshiku shotatwe anebo alimwi bulya tabacite acakulya.

Maako 8:2 ပူးပေါင်းရင်းမြစ်များ

1 Baami 19:6

Wakalangalanga wabona shinkwa womwi wakayokwa pamakalangasha anongo ya maanshi pafwaafwi akumutwi wakwe. Wakalya akunwa akuboolela mutulo alimwi.

Kulumbaisha 103:13

Bweenka mbuli mushali musankwa mbwaanyumfwila nkumbu kubana bakwe, mbweeke ubo Mwaami Lesa mbwaanyumfwila nkumbu abo bamulemeka.

Kulumbaisha 145:15

Shilengwa shoonse shiyoya shilalanga kuli ndimwe, alimwi mulashipa shakulya sha nshisho paciindi ceelete.

Kulumbaisha 145:8

Mwaami Lesa ngushiluse alimwi ngushinkumbu. Taafwambaani kukalala alimwi ulicite lusuno lutamaani.

Mika 7:19

Mulaakutunyumfwila nkumbu alimwi. Mulaakulyata shibiibi shesu amyeendo yanu akuwaala shilubo shesu panshi peene palweenge.

Mateyo 14:14

Jesu ndyaakasubuka, wakabona bantu baanji baanji kababungene. Lyalo wakabanyumfwila nkumbu akushilika balwashi mbobakalingaabo.

Mateyo 20:34

Mpomunyaawo Jesu wakabafwita nkumbu akucata pameenso abo. Paciindi ceenka ico bakatalika kubona, akumukonkela.

Mateyo 9:36

Ono ndyaakabona bantu baanji baanji, wakabanyumfwila nkumbu mukwiinga bakalinga kulemete akupenga anga nimbelele shitacite mweembeshi.

Maako 1:41

Ndishakamucata nkumbu Jesu, wakafungulula lyaansa lyakwe akumucata kaamba ayi, “Ee ndisuni, ba kabotu!”

Maako 5:19

Sombi Jesu lakwe wakamukasha. Wakamwaambilabo ayi, “Koya kumishaanu, ukalwiite beshikamukowa isho nshaakucitila Mwaami Lesa munkumbu shakwe.”

Maako 6:32

Mpeeke bakenjila mubwaato beenka akusubukila kumusena kwatakalinga kwikala bantu.

Maako 6:34

Jesu ndyaakasubuka, wakabona bantu baanji kababungene. Lyalo wakabanyumfwila nkumbu mukwiinga bakalinga anga nimbelele shitacite mweembeshi. Lyalo wakatalika kubeeisha shintu shiinji.

Maako 8:3

Ono na mbaleeke ayi bayebo ansala kumaanda abo, inga bawisuka munshila ceebo bamwi bakaswa kulaale.”

Maako 9:22

alimwi shikaswa uyu liinji liinji wakalinga kumuwaala mumulilo nabi mumaanshi kwaamba ayi amucaye. Sombi na kacikonsheka, amutunyumfwile nkumbu mutucafweeko.”

Luka 15:20

Mpomunyaawo wakanyamuka akuboolela kuli baishi. Kaacilibo palaale baishi bakamubona, mpeeke bakamunyumfwila nkumbu akumucicilila bamukumbata akumufyonta.

Luka 7:13

Mpeeke Mwaami Jesu ndyaakabona mukalubinje uyo wakamunyumfwila nkumbu akumwaambila ayi, “Cileke kulila.”

Bene Ebulu 2:17

Nkokwaamba ayi wakaba mbuli bamakwabo munshila shoonse, kwaamba ayi abe Mupailishi wabo Munene, ushomeka alimwi shinkumbu, mukusebensela Lesa ayi shibiibi sha bantu shilekelelwe.

Bene Ebulu 4:15

Tatucite Mupailishi Munene utakoonshi kutunyumfwila nkumbu mukulefuka kwesu. Mupailishi wesu wakasunkwa munshila shoonse bweenka mbotusunkwa. Sombi lakwe taakwe kubishaawo.

Bene Ebulu 5:2

Ceebo cakwaamba ayi alakwe mwiine ulilefukite, ulakonsha kubombya moyo kubaabo babisha mukubula lushibo.