Maako 7:9 - Baibo Busansulushi Bwa Libuku Ili

⁹ Jesu wakatolelela akubaambila ayi, “Mulicite nshila ya bucenjeshi iyo njemushiilaamo milawo yakwe Lesa, kwaamba ayi muyumye milawo yanu ya bakulukulu.

Maako 7:9 ပူးပေါင်းရင်းမြစ်များ

Kulumbaisha 119:126

NoBaami baLesa, ciindi cashikila ncemweelete kucitawo comwi ceebo bantu batoopwaya milawo yanu.

Isaya 24:5

Ceebo bantu bacilengesha kutanoosalalite kwiinda mukupwaya milawo yakwe Lesa. Ee, bakapwaya cipangano ico ncaakapanga ambabo kwaamba ayi cikanooliikobo kwalyoonse alyoonse.

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Maako 7:13

Mukucita boobo, mulaubya maswi akwe Lesa ceebo ca milawo yanu ya bakulukulu njemushiilana. Ncakwiila nkoshili shintu shiinji shimwi sha mushobo uyu nshemucita.”

Maako 7:3

(Mukwiinga baFalisi nabi baJuda boonse tabali na kabatana kusamba kumaansa munshila yeelete. Balacita boobo mukukonkela kwiisha kwa bakulukulu.

Maako 7:5

Mpomunyaawo baFalisi alimwi abafundishi ba Milawo abo bakeepusha Jesu ayi, “Ceebonshi bashikwiiya bako tabatookonkela mulawo wa bakulukulu, sombi balo balalya kabatana kusamba kumaansa?”

Bene Loma 3:31

Ono sa ici cilaamba ayi Milawo teecite ncito nditutokwaamba ayi nkwiinda mulushomo? Napaceyuubo! Tutooyumyabo Milawo.

2 Bene Kolinto 11:4

Ceebo na kwesa muntu utooshimikila Jesu umwi uteshi wooyo ngotwakamushimikila, na mwatambula mushimu umwi uteshi wooyo ngomwakatambula, nabi kutambula makani amwi ateshi ayo ngomwakatambula, mulafwambaana kukonkela cakutayeeya.

Bene Galatiya 1:14

Nebo ndakalinga kwiinda beensuma boonse mukukonkela kwiisha kwa baJuda. Ncakwiila ndakalinga muyumu abuumbi mukukonkela kwishibila kwa bakulukulu.

Bene Galatiya 2:21

Nshintookaka luse lwakwe Lesa. Ceebo muntu na inga walulamikwa pameenso akwe Lesa kwiinda muMilawo, nkokwaamba ayi Klistu taaku ncaakafwita.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”