Maako 7:2 - Baibo Busansulushi Bwa Libuku Ili

² Balo bakabona ayi bamwi bashikwiiya bakwe Jesu bakalinga kulya kabatana kusamba kumaansa. Nkokwaamba ayi tabana kusamba kweelana amulawo wa ciJuda.

Maako 7:2 ပူးပေါင်းရင်းမြစ်များ

Mateyo 15:2

“Ceebonshi bashikwiiya bako tabakonkeli kwiisha kwa bakulukulu? Ino tabasambilinshi kumaansa pakulya kweelana amulawo wa ciJuda?”

Maako 7:5

Mpomunyaawo baFalisi alimwi abafundishi ba Milawo abo bakeepusha Jesu ayi, “Ceebonshi bashikwiiya bako tabatookonkela mulawo wa bakulukulu, sombi balo balalya kabatana kusamba kumaansa?”

Luka 11:38

MuFalisi uyo wakakankamana ndyaakabona ayi Jesu wakatalika kulya kaatana kusamba kumaansa kweelana aMulawo wa ciJuda.

Milimo ya Batumwi 10:28

Lyalo Pita wakabaambila ayi, “Mwebo mulishi kwaamba ayi mulawo wa baJuda toosuminishi muJuda kufwakashisha nabi kubandikila pantu pomwi abaswamashi bakunsengwe. Sombi Lesa wanshibisha ayi nsheelete kubanda muntu nabi womwi ayi taasalalite nabi ayi taabete kabotu.

Milimo ya Batumwi 11:8

Sombi nebo ndakaamba ayi, ‘Tau, Nkambo! Ceebo taaku cintu citasalalite nabi cibiibi kweelana aMilawo ncendakalyaawo kale.’

Bene Loma 14:14

Kwiinda muMwaami Jesu, ndishi cakutatonsha ayi taaku cintu nabi comwi cibisha muntu ciine. Sombi na muntu ulashoma ayi ncibiibi, nkokwaamba ayi cilabica kuli nguwe kucicita.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.