Maako 13:6 - Baibo Busansulushi Bwa Libuku Ili

⁶ Mukwiinga bantu baanji balaakwisa muliina lyangu, akunokwaamba ayi, ‘Ndime wooyo Usalitwe wakwe Lesa,’ alimwi balaakucenjeeka bantu baanji.

Maako 13:6 ပူးပေါင်းရင်းမြစ်များ

Jelemiya 14:14

Mpeeke Mwaami Lesa wakakumbula ayi, “Balaluki batoolaluka shabubeshi muliina lyangu. Nshikwe kubatuma, kubasala nabi kubandikaabo. Batoomulalukilabo shili anga nshiloto shabubeshi, kusonda kwabo takucite ncito alimwi ashintu nshebaliyeeyela mumitwi yabo beene.

Mateyo 24:11

Kulaakwisa balaluki baanji babeshi abo beshi bakabece bantu baanji.

Mateyo 24:5

Mukwiinga bantu baanji balaakwisa muliina lyangu akunokwaamba ayi, ‘Ndime wooyo Usalitwe wakwe Lesa,’ alimwi balaakucenjeeka bantu baanji.

Maako 13:22

Mukwiinga abo balyaamba ayi, ‘Ndime Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Maako 13:5

Lyalo Jesu wakabaambila ayi, “Amucenjele kwaamba ayi kutakabi muntu nabi womwi eshi akamucenjeeke.

Maako 13:7

Na mukanyumfwe nkondo alimwi ampuuwo sha nkondo, mutakalisukami. Ishi shilaakucitika, sombi teshi kwaamba ayi ngomamanino a cishi.

Joni 5:43

Nebo ndakesa muliina lya baTa, nakubi boobo tamukwe kuntambula. Sombi umwi na akese muliina lyakwe mwiine, mulaakumutambula.

Joni 8:24

Ncendamulwiitila ayi, ‘Mulaakufwabo mushibiibi shanu.’ Na mubule kushoma ayi ndime wooyo ngoontoolyaamba, ncakwiila mulaakufwabo mushibiibi shanu.”

Joni 8:28

Aboobo Jesu wakabaambila ayi, “Mwaakwaanjika MwanaaMuntu, ndyeshi mukashibe ayi ndime wooyo ngoontoolyaamba alimwi mulaakwishiba ayi taaku nceencita palwaangu, sombi ndaambabo sheesho shakanjiisha baTa.

1 Joni 4:1

Nomusunikwi, mutanooshoma muntu woonse waamba ayi ulicite Mushimu wakwe Lesa, sombi mulyeelete kubeelesha akubona na ncakwiila mushimu ngobacite ulaswa kuli Lesa. Mulyeelete kucita boobo ceebo balaluki babeshi balibo cishi coonse.