Lute 4:15 - Baibo Busansulushi Bwa Libuku Ili

¹⁵ Mulokashi wako ulikusuni alimwi wakacita shintu shiinda kuba abaana basankwa bali bosanwe abobilo. Ono ngooyu wakushalila amushikulu musankwa, uyu weshi akalete buumi bupya kuli ndiwe alimwi weshi akakulaame waakucembela.”

Lute 4:15 ပူးပေါင်းရင်းမြစ်များ

Matalikilo 45:11

Na kamuli muGosheni inga ndakonsha kumubikaako maano. Kucili myaaka yosanwe ya nsala. Aboobo nshisuni kwaamba ayi mwebo, bana banu, ashifubwa shanu mufwe kunsala.’ ”

Matalikilo 47:12

Josefu wakapa shakulya baishi, bamakwabo, alimwi abamwi boonse bamuŋanda ya baishi kubikaako awooyo wakalinga mwanike paboonse.

Kulumbaisha 55:22

Amutule nshemulisukama mumaansa a Mwaami Lesa. Lakwe ulaakulama buumi bwanu kabotu. Taaku muntu ululeme ngweshi akaleeke ayi akomwe.

Tushimpi 18:24

Kuli beshishibusa baliboneshabo ayi mulanyumfwana, sombi inga kakuli womwi ngoonyumfwanaakwe kwiinda amukwanu.

Isaya 46:4

Nebo ndi Lesa wanu alimwi ndanoomulama kushikila misusu yanu yaakutuba kukucembela. Ndakamulenga alimwi ndanoomulama. Ndanoomucafwa alimwi ndanoomufuna.”

Lute 4:16

Naomi wakabwesa mwaana wamufukata akutalika kumulela kabotu.

1 Samwelo 1:8

Elikana ibaye, wakalinga kwiipusha ayi, “Aana utoolilanshi? Ceebonshi tootekulya? Anu utookuungumaninanshi lyoonse? Sa nebo kuba ibayo taciindi kushala baana basankwa bali likumi?”

1 Samwelo 2:5

Bantu bakalinga kukuta, bulya balacana shakulya mukusebensela bamwi. Sombi bakalinga beshinsala, bulya nsala yamana. Mwanakashi watakalinga kuciteewo baana, bulya waba abaana bali bosanwe abobilo. Sombi uyo wakalinga kucite baanji, bulya wacaalabo.