Lute 2:20 - Baibo Busansulushi Bwa Libuku Ili

²⁰ Naomi wakaamba ayi, “Lesa aape coolwe Bowasi. Mwaami Lesa ulashomeka kubaabo bacili boomi akubaabo bakafwa kale.” Lyalo wakatolelela kaamba ayi, “Ulya musankwa ngushikamukowa wesu mwiine mwiine alimwi ngowomwi pabaabo beelete kutulama cakuteenda mweela.”

Lute 2:20 ပူးပေါင်းရင်းမြစ်များ

2 Samwelo 2:5

wakatuma beshinkombe mukubaambila ayi, “Mwaami Lesa amupe coolwe ceebo mwatondesha kushomeka kuli Saulo mwaami wanu kwiinda mukumubika.

2 Samwelo 9:1

Bumwi bushiku Defedi wakeepusha ayi, “Sa kuliwo ucaalite pabamuŋanda bakwe Saulo uyo ngweenga ndatondesha nkumbu ceebo cakwe Jonasani?”

Jobo 19:25

Sombi ndishi kwaamba ayi Mupulushi wangu ngumuumi alimwi ayi kumeelelesho ulaakwiimikana pacishi ca panshi.

Tushimpi 17:17

Shicibusa ulasuna mubye ciindi coonse. Mukwanu wakashalilwa kukucafwa mumapensho.

Bene Lefi 25:25

Ono na mwine Isilaeli waba mukandu akuulisha muunda wakwe ceebo ca bukandu, mukwabo mwiine mwiine ulyeelete kuula muunda uyo alimwi.

Bene Filipi 4:10

Ndisangalete abuumbi muMwaami kwaamba ayi ciindi cilaamfu mbuli ceeci ceenda, mwatalika alimwi kutondesha ayi mulanjeeya. Nshintokwaamba ayi mwakalinga mwacileka kunjeeya, sombi mwebo mwakabulabo ciindi cakwaamba ayi muntondeshe.

Lute 2:21

Lyalo Lute wakaamba ayi, “Ceenda kubota ncakwaamba ayi bandwiita ayi noosebensela pantu pomwi abasebenshi babo banakashi kushikila bakamanishe kucesa.”

Lute 3:12

Ndushinisho ndi shikamukowa mwiine mwiine alimwi ndyeelete kukulama, ono nkwaali wiindaawo pali ndime.

Lute 4:14

Mpeeke banakashi bakaambila Naomi ayi, “Aalumbwe Mwaami Lesa! Wakupa mushikulu musankwa ayi akakulaame. Mwaana uyu aakapuke muno muIsilaeli!

Lute 4:4

Aboobo ndayeeya kwaamba ayi ndyeelete kukwishibisha cikani ici. Ono na ulisuni kuwuula, wuule pameenso a bamanene aba bashiite pano. Sombi na toosuni waambe, ceebo ndiwe weelete kutaanguna kwiipushikwa shakuula muunda ulya, pesule ndime.” Musankwa uyo wakaamba ayi, “Ntoowuula.”

Lute 4:6

Musankwa ulya wakaamba ayi, “Na mboboobo, ingayi nshikoonshi kuwuula ceebo ono citokwaamba ayi bana bangu tabakoonshi kuubwesa nebo na ndafwa. Wuule webo. Nebo inga cabota kutawuulabo.”