Luka 9:51 - Baibo Busansulushi Bwa Libuku Ili

⁵¹ Lyalo ndicakashika ciindi cakwaamba ayi Jesu atolwe kwiculu, wakayeeya kuya kundabala inene ya Jelusalemu.

Luka 9:51 ပူးပေါင်းရင်းမြစ်များ

2 Baami 2:11

Mpomunyaawo kabaya cibandika, pakati pali mbabo pakaboneka cikoci ca mulilo cakalinga kukwelwa amaaki a mulilo. Lyalo kapupuulwa kakatola Elija kwiculu.

Maako 16:19

Mwaami Jesu ndyaakamana kwaambaabo, wakatolwa kwiculu akuya mukwikala kululyo lwakwe Lesa.

Luka 12:50

Sombi ndyeelete kubombekwa mumapensho aanji, aboobo moyo wangu uli mubuumba kushikila mapensho aya akamaane!

Luka 13:22

Jesu ndyaakalinga mulweendo lwakuya kuJelusalemu, wakeenda mumandabala amumishi kaaya ciisha.

Luka 17:11

Jesu ndyaakalinga kuya kuJelusalemu, wakeenda panyinsa ya Samaliya aGalili.

Luka 18:31

Jesu wakatola bashikwiiya bakwe bali likumi abobilo palubasu akubalwiita ayi, “Tutooya kuJelusalemu uko shoonse shakalemba balaluki bakulukulu isho shaamba paMwanaaMuntu nkweshi shikacitikile.

Luka 19:11

Bantu kabacikutika cikani ici, Jesu wakatolelela kubaambila cikoshanyo mukwiinga wakashika pafwaafwi akuJelusalemu. Mpeeke bantu bakalinga kuyeeya ayi Bweene bakwe Lesa bulibo pafwaafwi kuboneka.

Luka 19:28

Jesu ndyaakamana kwaamba boobo, wakabatanjilila kuya kuJelusalemu.

Luka 24:51

Mpeeke kaacibapa coolwe wakapansaana abo, watolwa kwiculu.

Luka 9:57

Ndibakalinga kuya bweenda munshila, muntu umwi wakaambila Jesu ayi, “Ndaakumukonkela kuli koonse nkweshi mukaye.”

Joni 13:1

Kabutana kushikila bushiku bwa Pasika bwa kwiibaluka kusotokela, Jesu wakalinga kwishi ayi ciindi cashikila cakuswa mucishi ca panshi akuya kuli baIshi. Lakwe wakalinga kusuni bantu bakwe abo bakalinga mucishi alimwi wakabasunisha.

Joni 16:28

Ncakwiila ndakaswa kuli baTa akwisa mucishi ca panshi, alimwi bulya ntooswa mucishi akuboolela kuli baTa.”

Joni 16:5

Bulya ntooya kuli wooyo wakantuma, nakubi boobo taakuuwo nabi womwi pakati kanu utoonjipusha nkoontooya.

Joni 17:11

Ono ntoosa kuli ndimwe, teshi nooli mucishi ca panshi, sombi balo mobacili. Ta noMusalalite, amubalaame munkusu sha liina lyanu ndimwakampa, kwaamba ayi abalo babe womwi bweenka swebo mbotuli womwi.

Joni 6:62

Ino inga caba buyani na mwabonabo MwanaaMuntu waboolela kwiculu nkwaakalinga kataanshi?

Milimo ya Batumwi 1:2

kushikila bushiku ndyaakatolwa kwiculu. Sombi kaatana kutolwa kwiculu, kwiinda munkusu sha Mushimu Usalashi, Jesu wakalwiita batumwi abo mbwaakasala nshebakalinga kweelete kucita.

Milimo ya Batumwi 1:9

Ndyaakamana kwaamba boobo, wakatolwa kwiculu boonse kabamubwene. Mpeeke likumbi lyakamufwekelesha bacileka akumubona.

Bene Efeso 1:20

Lesa nshaakasebensesha ndyaakabusha Klistu kuswa kubafu, akumubika kululyo lwakwe kwiculu.

Bene Filipi 3:14

Aboobo ndacicila kushika kumeelelesho kwaamba ayi nkatambule cilambu kwiculu ncakatwiitila Lesa kwiinda muli Klistu Jesu.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Bene Ebulu 6:20

Ceebo ca ndiswe, Jesu wakatutanjilila kwinjila mumusena usalalite uyo akuba Mupailishi Munene wamuyayaya, bupailishi buli mbuli bwakwe Melikisedeki.

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.