Luka 9:22 - Baibo Busansulushi Bwa Libuku Ili

²² Wakabaambila alimwi ayi, “MwanaaMuntu ulyeelete kupenshekwa abuumbi, akukakwa abamaloba, bamatanjilili ba bapailishi abafundishi ba Milawo. Balaakumucaya, sombi pabushiku bwatatu ulaakubushikwa kuswa kubafu.”

Luka 9:22 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Danyelo 9:26

Kumeelelesho a ciindi ico, Mutanjilili Usalitwe wakwe Lesa ulaakucaikwa kwakubula mulandu. Lyalo ndabala iyo aŊanda yakwe Lesa shilaakunyonyoolwa alikoto lya bashilumamba ba muleli ucite nkusu shiinji. Meelelesho a nshisho alaakupolabo anga ngamaanshi asefuka kuswa mumulonga. Nkondo akunyonyoolwa isho Lesa nshaakabamba, shilaakutolelela tibili akumeelelesho ayo.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Mateyo 17:12

Sombi nebo ntoomulwiita ayi Elija wakesa kale alimwi bantu tabakwe kumwishiba, sombi bakacita cili coonse ncebakalinga kusuni kuli nguwe. Mbweeke ubo MwanaaMuntu alakwe mbweshi bakamupeenshe.”

Mateyo 17:22

Ono bashikwiiya ndibakalinga kubungene muGalili, Jesu wakabaambila ayi, “MwanaaMuntu ulaakwaabwa mumaansa abantu

Mateyo 27:63

akumwaambila ayi, “Nkambo, tuliingashite mbwaakaamba mubeshi uyo kaacili muumi ayi, ‘Ndaakubushikwa alimwi pabushiku bwatatu.’

Maako 8:31

Mpomunyaawo Jesu wakatalika kwiisha bashikwiiya bakwe ayi, “MwanaaMuntu ulyeelete kupenshekwa abuumbi alimwi bamaloba, bamatanjilili ba bapailishi alimwi abafundishi ba Milawo balaakumukaka akumucaya. Sombi pabushiku bwatatu, ulaakubuka kuswa kubafu.”

Maako 9:31

mukwiinga wakalinga kwiisha bashikwiiya bakwe. Wakalinga kubalwiita ayi, “MwanaaMuntu ulaakwaabwa mumaansa a bantu abo beshi bakamucaaye. Nakubi boobo pabushiku bwatatu ulaakubuka alimwi kuswa kubafu.”

Luka 17:25

Sombi ulyeelete kutaanguna kupenshekwa abuumbi akukakwa abantu ba cecino ciindi.

Luka 24:26

Sa tecalinga kweelete ayi Usalitwe apenshekwe mushobo uyo kwaamba ayi enjile mubulemu bwakwe?”

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Luka 24:7

ayi, ‘MwanaaMuntu ulyeelete kwaabwa mumaansa a bantu beshishibi, kupopwa pamucilingano, akubushikwa kuswa kubafu pabushiku bwatatu.’ ”

Luka 9:44

“Amunyumfwishe makani aya mukwiinga MwanaaMuntu ulaakwaabwa mumaansa a bantu.”

1 Bene Kolinto 15:4

Ncakwiila kweelana aMalembo eenka ayo wakabikwa mucuumbwe akubushikwa pabushiku bwatatu.

1 Pita 1:11

Balaluki abo bakeelesha kwishiba ciindi ndyeshi cikacitike ambweshi cikacitike. Mushimu wakwe Klistu wakalinga mubalaluki abo, wakalinga kwaambilabo limwi ayi Klistu ulaakupenshekwa, sombi aakumana kupenshekwa ulakupekwa bulemu.