Luka 9:11 - Baibo Busansulushi Bwa Libuku Ili

¹¹ Bantu baanji baanji ndibakanyumfwa bakamukonkela uko nkwaakaya. Jesu wakabatambula, akubaambila shaBweene bwakwe Lesa, akushilika baabo bakalinga kusuni kuba kabotu.

Luka 9:11 ပူးပေါင်းရင်းမြစ်များ

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Mateyo 12:15

Ono Jesu ndyaakeshiba miyeeyo yabo, wakaswaako uko. Mpomunyaawo bantu baanji baanji bakamukonkela, lyalo wakashilika baabo boonse bakalinga kuciswa.

Mateyo 14:14

Jesu ndyaakasubuka, wakabona bantu baanji baanji kababungene. Lyalo wakabanyumfwila nkumbu akushilika balwashi mbobakalingaabo.

Mateyo 21:31

Ino ngani pabaana bobilo aba wakacita bwakalinga kuyanda baishi?” Balo bakakumbula ayi, “Mutaanshi.” Mpeeke Jesu wakabaambila ayi, “Ntoomulwiita calushinisho ayi basonkeshi abafuule batootaanguna kwinjila muBweene bwakwe Lesa mwebo kamutana.

Mateyo 21:43

“Paceebo ceeco ntoomulwiita ayi mulaakunyaikwa Bweene bwakwe Lesa. Bulaakupekwa kumushobo umwi weshi ukacate shisepo sheelete. [

Luka 1:53

Wapa bafwite nsala shintu shiinji shibotu, akuboosha babile maansabo.

Luka 5:31

Lyalo Jesu wakabakumbula ayi, “Teshi bantu bayumu balangoola mushiliki, sombi balwashi beenka.

Luka 8:1

Kuswawaawo Jesu wakeenda mumandabala amumishi, kaaya cishimikila Makani Abotu a Bweene bwakwe Lesa. Wakalinga abashikwiiya bali likumi abobilo

Luka 8:10

Jesu wakakumbula ayi, “Mwebo mwakapekwa lushibo lwa shintu shishisitwe sha Bweene bwakwe Lesa. Sombi bamwi balaambilwa mushikoshanyo kwaamba ayi, ‘Balangilishishe, sombi babule kubona. Bakutikishe, sombi babule kunyumfwa.’

Luka 9:10

Ono ndibakaboolela batumwi abo Jesu mbaakalinga atuma, bakamulwiita shoonse nshebakacita. Mpomunyaawo Jesu wakaya eenka abatumwi bakwe kundabala ya Betisaida.

Luka 9:12

Lisuba ndilyakalinga kuya cipila, bashikwiiya bakwe bali likumi abobilo bakaya kuli Jesu akumulwiita ayi, “Amubaambile bantu baye mumishi amumisena ili pafwaafwi bakalangoole cakulya akwakoona mukwiinga kuno takwikaali bantu.”

Luka 9:2

Lyalo Jesu wakabatuma mukushimikila shaBweene bwakwe Lesa akushilika balwashi.

Joni 4:34

Sombi Jesu wakabaambila ayi, “Cakulya cangu nkucita sheesho shiyanda wooyo wakantuma akumanisha ncito yakwe.

Joni 6:37

Abo boonse mbobampa baTa, balesa kuli ndime alimwi uyo woonse wisa kuli ndime, teshi nkamutandeewo.

Milimo ya Batumwi 28:31

Wakalinga kushimikila makani a paBweene bwakwe Lesa akwiisha shapaMwaami Jesu Klistu cakubula boowa alimwi taaku muntu nabi womwi wakamukasha.

Bene Loma 10:14

Ino inga bantu basenga buyani kuli Lesa ngobatana kushoma? Inga bashoma buyani Lesa kabatana kunyumfwa shapali nguwe? Ino alimwi inga banyumfwa buyani na taaku shikushimikila makani ayo?

Bene Loma 10:17

Paceebo ceeco muntu ulashoma ceebo cakunyumfwa Makani Abotu alimwi aalo Makani Abotu alanyumfwika kwiinda mukushimikila shapali Klistu.

Bene Loma 15:3

Ceebo Klistu taakwe kulikondelesha mwiine, sombi kweelana abwaamba Malembo akwe Lesa ayi, “Matushi bantu ngobakamutukana oonse aboolela pali ndime.”

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.

Bene Ebulu 4:16

Aboobo, tutatonshi, atushike kucuuna cakwe Lesa ca bwaami uko kuli luse. Uko Lesa ulaakutunyumfwila nkumbu akutubonesha luse lwakutucafwa paciindi ceelete.