Luka 8:6 - Baibo Busansulushi Bwa Libuku Ili

⁶ Shimwi shakalokela pabulongo bwa mabwe. Mboshakamenenabo, busonga bwakatalika kuyuma mukwiinga wakubula katonto mubulongo.

Luka 8:6 ပူးပေါင်းရင်းမြစ်များ

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Esekelo 11:19

Ndaakubapa myoyo ipya alimwi atulango tupya. Ndaakukusha myoyo yabo iyumu anga ngamabwe akubapa myoyo inyumfwila ndime.

Esekelo 36:26

Ndaakumupa myoyo ipya alimwi atulango tupya. Ndaakukusha myoyo yanu iyumu anga ngamabwe akumupa myoyo inyumfwila ndime.

Amosi 6:12

Sa maaki alacica patulundu twa myaandami? Sa muntu inga walima aŋombe palweenge? Sombi mwebo mwasandula koombolosha kwakutanyengelela kuba shikola akusandula shabululami kuba kulula kwiine kwiine.

Luka 8:13

Isho mbuto shakalokela pabulongo bwa mabwe shileemikanina baabo banyumfwa maswi akwe Lesa akwaatambula cakusangalala. Sombi taanjili cankusu mumyoyo yabo, balashoma ciindi ciniini, aboobo na basunkwa balawa.

Luka 8:5

“Kwakalinga muntu umwi wakaya mukushanga mbuto. Ono ndyaakalinga kuminsa, shimwi mbuto shakalokela munshila umo moshakalyatoolwa alimwi abayuni bakesa bashilya.

Luka 8:7

Shimwi shakalokela pamyuumfwa. Shakakula pantu pomwi amyuumfwa, lyalo myuumfwa yakashitilisha busonga.

Bene Ebulu 3:15

Malembo akwe Lesa alaamba ayi, “Na munyumfwe maswi akwe Lesa sunu, mutabi beshicimpamya, bweenka mbuli bamashali banu bakulukulu ndibakaashukila Lesa.”