Luka 8:54 - Baibo Busansulushi Bwa Libuku Ili

⁵⁴ Lyalo Jesu wakacata mulindu uyo palyaansa akwaamba ayi, “Webo ndaba, buka!”

Luka 8:54 ပူးပေါင်းရင်းမြစ်များ

Jelemiya 31:32

Teshi cikabe mbuli ceeco cakalinga pakati ka bamashali babo bakulukulu ciindi ndindakabatanjilila kuswa muIjipiti. Nakubi kwaamba ayi nebo ndakalinga mbuli ibaabo, balo tabakwe kulama cipangano ici, sobwe.

Mateyo 9:25

Ingayi bantu baswebo muŋanda, Jesu wakenjila akucata mulindu uyo palyaansa, mpeeke wakabuka.

Maako 1:31

Mpomunyaawo wakaya muŋanda mwakalinga balwashi, wabacata palyaansa akubabusha. Lyalo cimpwita cakamana, bakatalika kutabataba akubapa shakulya.

Maako 8:23

Mpomunyaawo Jesu wakacata moofu palyaansa akumukusha mumushi. Lyalo wakamushipila mate mumeenso akumucata pameenso. Mpeeke Jesu wakamwiipusha ayi, “Sa kuli ncewabonaawo?”

Maako 9:27

Sombi Jesu wakamucata palyaansa ayi anyamuke. Lyalo wakeemikana.

Luka 8:51

Jesu ndyaakashika kuŋanda yakwe Jailosi taakwe kusuminisha muntu nabi womwi ayi enjilaakwe, sombibo Pita, Joni, Jemusi alimwi abashali ba mwaana.

Luka 8:53

Sombi boonse bakamuweluluka mukwiinga bakalinga kwishi ayi wafwa kale.

Luka 8:55

Mpomunyaawo wakaba abuumi wakabuka akunyamuka. Lyalo Jesu wakabaambila ayi bape cakulya mulindu uyo.

Joni 11:43

Jesu ndyaakamana kwaamba boobo, wakeeta aliswi lya peculu ayi, “Lasalo, swaamo umo!”

Joni 5:21

Bweenka baIshi mbobabusha bafu akubapa buumi, alakwe Mwaana ulapa buumi kubaabo mbaasuni kupa.

Milimo ya Batumwi 9:40

Pita wakabakusha pansengwe boonse, wakafukama akutalika kupaila. Kumana kupaila, wakapilulukila kwakalinga mutuntu akwaamba ayi, “Tabita, nyamuka!” Lyalo Tabita wakalasha, mpeeke ndyaakabona Pita, wakabuka, wekala.

Bene Loma 4:17

Mbweeke mbuli bwaamba Malembo akwe Lesa ayi, “Ndalengesha kwaamba ayi ube mushali wa mishobo yoonse.” Aboobo cakabota ceebo nguLesa mwiine wakashomesha. Uyu ngoLesa uyo Abulaamu ngwaakashoma, Lesa ubusha bantu kuswa kubafu alimwi ulengesha kwaamba ayi shitako shibeeko kwiinda mukusebenseshabo liswi lyakwe.