Luka 8:35 - Baibo Busansulushi Bwa Libuku Ili

³⁵ Lyalo bantu bakesa mukubona cakacitika. Ndibakashika bakacana musankwa Jesu ngwaakakusha bashikaswa ulishiite muliimfwa lyakwe, kaafwete, amaano kaakwenebo kabotu. Lyalo bantu bakaloonda.

Luka 8:35 ပူးပေါင်းရင်းမြစ်များ

Kulumbaisha 51:10

NobaLesa, amulenge moyo usalalite muli ndime. Mubike moyo upya ushomeka muli ndime.

Isaya 53:12

Paceebo ceeco ndaakumupa musena wabulemu, ee, kumupa musena pakati ka yeeyo ya basankwa bacite mpuwo mukwiinga waaba buumi kushikila akulufu, mukwiinga alakwe wabelengelwa pantu pomwi abamucita shibi alimwi mukwiinga wakabwesa shibiibi sha bantu baanji akubeemikanina ayi balekelelwe.”

Mateyo 4:24

Aboobo impuwo yakushilika kwakwe yakanyumfwika mucishi coonse ca Silya. Mpeeke bantu bakatalika kutola balwashi baanji kuli nguwe abo bakalinga kuciswa cankusu, bakalinga kucite bashikaswa, beshitushita alimwi abayuminite mibili. Alakwe Jesu wakabashilika boonse.

Maako 5:15

Ono ndibakashika kuli Jesu akubona musankwa uyo wakalinga kucite bashikaswa baanji kaashiite, kaafwete amaano kaakwenebo kabotu, bakakankamana abuumbi.

Luka 10:39

Malita wakalinga kucite mukwabo mwanakashi wiitwa ayi Maliya, uyo wakekala pafwaafwi aMwaami Jesu, kaakutika kwiisha kwakwe.

Luka 15:17

Pesule ndyaakesaamo maano wakalyaamboosha mwiine ayi, ‘Basebenshi boonse ba bata balicite shakulya shiinji abuumbi, ono nebo kuno ntooyanda kufwa kunsala!

Luka 2:46

Bakesa mukumucana ndipakeenda nshiku shotatwe muŋanda yakwe Lesa kaashite pakati ka bafundishi ba Milawo, kaabakutika akunoobeepusha miipusho.

Luka 8:27

Jesu ndyaakaswabo mubwaato, musankwa umwi wakaswa mundabala wakakumanya Jesu. Musankwa uyo wakalinga kucite bashikaswa. Liinji wakalinga kweendabo matakosha, taakalinga kwikala muŋanda, sombi kushuumbwe.

Luka 8:34

Mpomunyaawo abo bakalinga kweembela nkumba isho, ndibakabona bobulya, bakacica akuya mukulwiita bantu bakalinga kwikala mundabala amumishi cakacitika.

Milimo ya Batumwi 22:3

“Nebo ndi muJuda, ndakashalilwa mundabala ya Tasasi mucishi ca Silisiya, sombi ndakakulila momuno mundabala inene ya Jelusalemu. Gamalyelo ngowakalinga kunjiisha. Wakanjiisha kabotu kabotu bwakukonkela Milawo yakapekwa bamashali besu bakulukulu alimwi ndakalinga ndalibenga kusebensela Lesa bweenka mbuli mbomubete noonse nomuli waano.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.