Luka 8:28 - Baibo Busansulushi Bwa Libuku Ili

²⁸ Ndyaakamubonabo Jesu, wakoolobesha akufukama kunembo lyakwe alimwi akwaamba aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndakusenga ayi utampenshi.”

Luka 8:28 ပူးပေါင်းရင်းမြစ်များ

Isaya 27:1

Pabushiku ubo Mwaami Lesa ulaakusebensesha mupeeni wakwe wa nkusu alimwi ucaya, kupa mulandu Lefayatani, cisoka cilipeta cilya. Ee, kucaya shinshimwe wa mulweenge ulya.

Mateyo 8:29

Mpomunyaawo bakoolobesha ayi, “Ino twamucitanshi mwebo nobana bakwe Lesa? Sa mwesa mukutupensha ciindi kacitana kushikila?”

Luka 8:27

Jesu ndyaakaswabo mubwaato, musankwa umwi wakaswa mundabala wakakumanya Jesu. Musankwa uyo wakalinga kucite bashikaswa. Liinji wakalinga kweendabo matakosha, taakalinga kwikala muŋanda, sombi kushuumbwe.

Luka 8:29

Wakaamba boobo mukwiinga Jesu wakaambila shikaswa ayi asweemo muli nguwe. Mankanda aanji shikaswa uyo wakalinga kumucata. Ono nabi bamwaanga ncetani anshimbi kumaansa akumyeendo ayi bamulaame, wakalinga kusutoola. Lyalo shikaswa wakalinga kumutola muluyanga.

Jemusi 2:19

Mulashoma kwaamba ayi kulibo Lesa womwi. Ncakwiila, sombi abalo bashikaswa balashoma ubo alimwi balaloonda akututuma.

2 Pita 2:4

Mukwiinga Lesa taakwe kulekabo baanjelo bakabisha, sombi wakabawaala kumusena wa bafu, mumunshinshe umo mobaangitwe kushikila Bushiku bwakoomboloshekwa.

1 Joni 3:8

Uyo woonse ucita shibiibi uli kulubasu lwa Mubiibi ceebo lakwe Mubiibi ulabisha kuswabo kumatalikilo. Mwanaakwe Lesa wakeshita mukunyonyoola sheeshi sheenka shicita Mubiibi.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.