Luka 8:25 - Baibo Busansulushi Bwa Libuku Ili

²⁵ Mpomunyaawo Jesu wakaambila bashikwiiya bakwe ayi, “Anu lushomo lwanu luli kuli?” Sombi balo bakaba aboowa akukankamana, kabeepushanya ayi, “Ino uyu ngumuntu uli buyani cakwaamba ayi cipuupu amaaba shilamunyumfwila?”

Luka 8:25 ပူးပေါင်းရင်းမြစ်များ

Tushimpi 30:4

Ngani wakayaawo kale kwiculu alimwi waseluka? Ngani wakacatawo kale muuwo mumapakaakwe? Ngani wakafungilishawo kale maanshi mucakufwala cakwe capeculu? Ngani wakapima mweelete kweela cishi? Ngani ushi liina lyakwe aliina lya mwanaakwe? Amundwiite na mulicite lushibo!

Tushimpi 8:29

Ndakalingaako ndyaakabika manyinsa a lweenge akukasha maanshi kwiindilila manyinsa akwe. Ndakalingaako ndyaakapanga lwiimbi lwa cishi ca panshi.

Mateyo 14:31

Mpomunyaawo Jesu wakamucata akumwaambila ayi, “Nciinshi ncewatonshesha? Kuceya lushomo ndoocite webo omuntu!”

Mateyo 17:20

Jesu wakabakumbula ayi, “Ceebo lushomo lwanu nduniini. Ntoomulwiita calushinisho ayi na kamucite lushomo luli mbuli luseke lwa masitadi, mulakonsha kwaambila kalundu aka ayi, ‘Swaawo apo uye waalya’, akalo kalaakuswaawo cancinencine. Taaku nceenga camwaalilaawo tau! [

Mateyo 6:30

Ono na Lesa ulafwalika boobo bwiisu ubo bucita sunu mpobuli sombi ciilo bwapya, sa mwebo inga taamufwaliki kwiindaawo? Kuceya lushomo ndomucite mwebo nobantu!

Mateyo 8:10

Ono Jesu ndyaakanyumfwa boobo wakakankamana, lyalo wakaambila baabo boonse bakalinga kumukonkela ayi, “Ntoomulwiita calushinisho ayi nshina kubonawo kale lushomo lunene bobulya nabi muIsilaeli!

Mateyo 8:26

Jesu wakabaambila ayi, “Anu mutooloondanshi? Kuceya lushomo ndomucite mwebo nobantu!” Mpomunyaawo wakabuka akukalalila cipuupu amaaba ayi shuumune. Mpeeke kwakaboolabo tontolo.

Maako 4:35

Macolesha bushiku bweenka ubo, Jesu wakaambila bashikwiiya bakwe ayi, “Atusubukile kwitala.”

Luka 12:28

Ono na Lesa ulafwalika boobo bwiisu ubo bucita sunu mpobuli, sombi ciilo bwapya, sa mwebo inga taamufwaliki kwiindaawo? Kuceya lushomo ndomucite mwebo nobantu!

Luka 8:24

Mpomunyaawo bashikwiiya bakaya kuli Jesu akumubusha akwaamba ayi, “Bafundishi, Bafundishi, amubuke twafwa!” Mpeeke Jesu wakabuka, wakalalila cipuupu amaaba. Lyalo shakoomuna.

Luka 8:26

Lyalo bakashika kucishi ca Gelasa cilangenebo acishi ca Galili.

Joni 11:40

Lyalo Jesu wakeepusha ayi, “Sa nshikwe kukulwiita ayi na ulashoma ulakonsha kubona bulemu bwakwe Lesa?”