Luka 8:24 - Baibo Busansulushi Bwa Libuku Ili

²⁴ Mpomunyaawo bashikwiiya bakaya kuli Jesu akumubusha akwaamba ayi, “Bafundishi, Bafundishi, amubuke twafwa!” Mpeeke Jesu wakabuka, wakalalila cipuupu amaaba. Lyalo shakoomuna.

Luka 8:24 ပူးပေါင်းရင်းမြစ်များ

Kulumbaisha 65:7

Muloomusha ciwuutishi ca lweenge alimwi acoongo ca maaba. Ee, muloomusha kulila kwa bantu ba mishobo yoonse.

Isaya 50:2

“Anu ndindakesa kwakabulilanshi nabi womwi wakalingaako? Ceebonshi taaku nabi womwi wakakumbula ndindakeeta? Sa nceebo cakwaamba ayi lyaansa lyangu lyalela uko kwaamba ayi mupulushe? Sa nceebo cakwaamba ayi nshicite nkusu shakumupulusha? Amubone, nebo ndaambabo liswi, lweenge lwamana kuyuma. Ndaambabo liswi milonga ilamana kuyuma cakubabo anga nduyanga. Inswi shilamana kufwa akuboolabo nununu ceebo cakubula maanshi.

Jelemiya 5:22

“Sa nebo tamweelete kunoonda? Ceebonshi tamututumi pameenso angu? Nebo ndakabika museese ayi ngomanyinsa a lweenge. Ngamanyinsa a lyoonse alyoonse ayo lweenge ndwatakoonshi kwiindilila. Maaba inga anyamuka, sombi inga taasubukiiwo. Nabi awoote cili buyani, inga taakoonshi kwiindilila.

Naamu 1:4

Ulakalalila lweenge alwalo lulayuma, ee, ulalengesha milonga yoonse kuyuma. Myuunda ya kuBashani aya kuKamelo ilayuma aalo maluba a kuLebanoni alanyana.

Mateyo 14:30

Ono ndyaakabona maaba wakaloonda, lyalo wakatalika kuya bupila. Wakoolobesha ayi, “Nkambo amumpulushe!”

Mateyo 8:25

Lyalo bashikwiiya bakwe bakamubusha akumwaambila ayi, “Amutupulushe Nkambo. Twafwa!”

Maako 4:39

Jesu wakabuka akukalalila cipuupu amaaba ayi, “Umuna! Cileke kupuupa!” Muuwo wakacileka kupuupa, lyalo kwakaboolabo tontolo.

Luka 4:35

Lyalo Jesu wakakalalila shikaswa ayi, “Umuna swa muli nguwe!” Shikaswa wakamuwisha panshi pakati ka bantu akuswa muli nguwe cakutamucisaawo.

Luka 4:39

Mpomunyaawo wakaya weemikana kulubasu lwa bulo akwaambila cimpwita ayi ciswe. Ciindi ceenka ico cimpwita cakamana. Bapongoshi abo bakabuka akutalika kutabataba akubapa shakulya.

Luka 5:5

Simoni wakakumbula ayi, “NoBafundishi, swebo bwatuceta pamaanshi katusuni kucata nswi, sombi maawe akomuubo. Nakubi boobo toombe ntootuwaalaawo mukwiinga ndimwe mwaamba.”

Luka 8:25

Mpomunyaawo Jesu wakaambila bashikwiiya bakwe ayi, “Anu lushomo lwanu luli kuli?” Sombi balo bakaba aboowa akukankamana, kabeepushanya ayi, “Ino uyu ngumuntu uli buyani cakwaamba ayi cipuupu amaaba shilamunyumfwila?”