Luka 8:15 - Baibo Busansulushi Bwa Libuku Ili

¹⁵ Sombi isho shakalokela mubulongo bubotu, mbantu banyumfwa maswi akwe Lesa, baacata cakushomeka mumyoyo yabo ibotu, aboobo balayuminina kushikila bacata shisepo.

Luka 8:15 ပူးပေါင်းရင်းမြစ်များ

Kulumbaisha 119:11

Ndalama maswi anu mumoyo wangu, kwaamba ayi ntanoomubishisha.

Kulumbaisha 51:10

NobaLesa, amulenge moyo usalalite muli ndime. Mubike moyo upya ushomeka muli ndime.

Tushimpi 3:1

Omwanaangu utanoolubaako nsheenkwiisha. Kolama milawo yangu mumoyo wako.

Jelemiya 15:16

Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Jelemiya 32:29

akwiitenta mumulilo. Balaakwiitenta pantu pomwi amaanda ayo bantu ngobakalinga kusonkomwetawo bukali bwangu kwiinda mukutenta tununkila kabotu kuli Baali peculu lya shiluli alimwi akutilila balesa bamwi shipo sha shakunwa.

Mateyo 24:13

Sombi uyo eshi akayuminine kushikila kumamanino a mapensho aya, ulaakupulushikwa.

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Luka 6:45

Muntu uli kabotu ulaamba shibotu shili mumoyo wakwe, alakwe muntu mubiibi ulaamba shibiibi shili mumoyo wakwe mukwiinga muntu ulaamba shiswite mumoyo wakwe.

Luka 8:14

Isho mbuto shakalokela pamyuumfwa shileemikanina bantu banyumfwa maswi akwe Lesa, sombi kulisukama sha buumi bwa cishi cino, bubile ashakulisangalasha shilabakoma, aboobo tabacati shisepo shikomete.

Luka 8:16

“Taaku muntu unyasha lilampi akulifweka nongo nabi kulibika munshi lya bulo. Sombi ulalibika peculu kwaamba ayi limunikile baabo benjila muŋanda.

Joni 14:15

“Na mulinsuni, munanoolama milawo yangu.

Joni 15:10

Na mulakonkela milawo yangu, mulaakukalilila mulusuno lwangu, bweenka mbuli mboonkonkela milawo ya baTa akukalilila mulusuno lwabo.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Bene Loma 6:22

Ono bulya mwakaangululwa kuswa kububi, muli basha bakwe Lesa. Mpindu yanu mbuumi bululeme ubo buletela buumi butamaani.

Bene Loma 7:18

Ndishi kwaamba ayi moyo wangu tookoonshi kunengesha kucita cintu cibotu mubuumi bwa buntu. Nakubi kwaamba ayi ndisuni kucita cintu cibotu, sombi ndaalilwa kucicita.

Bene Loma 7:4

Mbocibete akuli ndimwe nobamakwesu. Kweelana amakani aMilawo mwebo mwakafwa akuba shipansha sha mubili wakwe Klistu, uyo wakabushikwa kuswa kubafu kwaamba ayi tusebensele Lesa milimo ibotu.

Bene Loma 8:25

Aboobo na tutoolangila cintu ncetutabwene, tulyeelete kutolelela kulangila.

1 Bene Kolinto 7:19

Ceebo kupalulwa nabi kutapalulwa taaku mbocibete. Cinene nkulama milawo yakwe Lesa.

Bene Efeso 2:8

Mwakapulushikwa aluse lwakwe Lesa kwiinda mulushomo. Teshi munkusu shanu nobeene, sombi ncipo kuswa kuli Lesa.

Dutolonomi 30:6

Kuswawaawo Mwaami Lesa, Lesa wanu ulaakupa ndimwe abamulunyungu lwanu myoyo yakunyumfwila, kwaamba ayi mukamusuune amyoyo alimwi abuumi bwanu boonse, ayi mukatolelele kwikala mucishi ico.

Bene Filipi 1:11

Buumi bwanu bulaakutondesha micito ya bululami, iyo iswabo kuli Jesu Klistu, kwaamba ayi boonse balemeke akulumbaisha Lesa.

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Kolose 1:6

Makani Abotu atooletela bantu shoolwe alimwi baanji batokwaatambula mucishi ca panshi coonse, bweenka mbwaakacita pali ndimwe, kuswa bushiku ubo ndimwakaanyumfwishisha akwishiba luse lwakwe Lesa mbolubete.

Bene Ebulu 10:36

Mulyeelete kukalika myoyo kwaamba ayi mucite kuyanda kwakwe Lesa alimwi akwaamba ayi mukatambule sheesho nshaakashomesha.

Bene Ebulu 2:1

Nceceeco ncetweelete kwiindilaawo kubikaako maano kushalushinisho isho nshetwakanyumfwa kwaamba ayi tutakasoweki.

Jemusi 1:4

Kutaboola pesule kwanu kulyeelete kutolelela kushikila mukabule kampenda nakaceyi mulushomo lwanu.

1 Joni 2:3

Na tulakonkela milawo yakwe Lesa, anu inga tweshiba kwaamba ayi tulimwishi.