Luka 8:13 - Baibo Busansulushi Bwa Libuku Ili

¹³ Isho mbuto shakalokela pabulongo bwa mabwe shileemikanina baabo banyumfwa maswi akwe Lesa akwaatambula cakusangalala. Sombi taanjili cankusu mumyoyo yabo, balashoma ciindi ciniini, aboobo na basunkwa balawa.

Luka 8:13 ပူးပေါင်းရင်းမြစ်များ

Jobo 19:28

“Ono mwebo nomwaamba ayi, ‘Anu inga twamupensha buyani bulya mulandu mboobete wakwe mwiine?’

Tushimpi 12:12

Bamucita shibi balisuni sheesho nshebacana mumicito yabo, sombi baluleme balaakushimpa anga ncisamu catola miyanda panshi peene.

Tushimpi 12:3

Muntu taakoonshi kwiimikana cakushimpa mububi, sombi muntu ululeme ncakwiila uleemikana cakushimpa.

Isaya 58:2

Balanambila mashiku amalumwi, balaboneka anga balisunishi kwishiba nshila shangu. Balalibonesha anga ngumushobo ucita shiluleme uyo utana kufutatilaawo milawo yangu neLesa wabo. Ee, balalibonesha anga balisuminite kukonkela milawo yangu. Balaamba ayi balisuni koombolosha kululeme alimwi ayi balisunishi kwaamba ayi nsene pafwaafwi ambabo.

Esekelo 33:32

Ncakwiila kuli mbabo ulabonekabo anga ngumuntu ubeembila nyimbo shalusuno akulisha kabotu kalumbu. Balakutika maswi ako, sombi tabaciti nshoobaambila.

Osiya 6:4

Sombi Mwaami Lesa waamba ayi, “Nobene Isilaeli anobene Juda anu mwebo inga ndamucitawo buyani? Lusuno lwanu lulibo anga ngushikunku wa macuunsa, ee, anga ngumume uyo ukupuka na lumwi lwabala.

Maako 6:20

ceebo Elodi wakalinga kulemeka Joni camaansa obilo. Wakalinga kwishi kwaamba ayi ngumuntu ululeme alimwi usalalite, aboobo wakamulama. Nakubi kwaamba ayi Elodi wakalinga kupenshekwa mumoyo na wanyumfwa Joni kaamba, wakalinga kusuni kumukutika.

Luka 8:12

Isho mbuto shakalokela munshila shileemikanina bantu banyumfwa maswi akwe Lesa, sombi Mubiibi ulesa waakushaamo mumyoyo yabo kwaamba ayi batashomi akupulushikwa.

Luka 8:14

Isho mbuto shakalokela pamyuumfwa shileemikanina bantu banyumfwa maswi akwe Lesa, sombi kulisukama sha buumi bwa cishi cino, bubile ashakulisangalasha shilabakoma, aboobo tabacati shisepo shikomete.

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Joni 15:6

Na umwi wabula kukalilila muli ndime, ulasowekwa bweenka mbuli musampi watemwa, aboobo ulayuma. Misampi ya mushobo uyo ilabunganishikwa akuwaalwa mumulilo yapya.

Joni 5:35

Joni Mubombeki wakalinga mbuli lilampi lyakalinga kumunika, alimwi mwakakondwa kwaciindi ciniini mumumuni wakwe.

1 Bene Kolinto 13:2

Na kaancite cipo cakwaamba maswi akwe Lesa, akwishiba lushinisho lushisitwe akuba alushibo lwa shintu shoonse alimwi na kaancite lushomo lukonsha kutuntulusha kalundu, sombi kaantacite lusuno, ingayi taaku mboombete.

1 Bene Kolinto 15:2

Mulapulushikwa kulilabo na mwacatisha Makani Abotu ayo ngondakamushimikila. Cabula boobo ngayi lushomo lwanu taaku mbolubete.

Bene Galatiya 3:1

Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.

Bene Galatiya 3:4

Sa shoonse shintu shibotu shakamucitila Lesa taaku mboshibete? Nshintooshoma boobo.

Bene Efeso 3:17

Ntoosenga alimwi ayi kwiinda mulushomo ndomucite, Klistu ekale mumyoyo yanu, mucinke manungo mulusuno

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Kolose 2:7

Mucinke manungo akuyaka buumi bwanu muli nguwe alimwi muyume mulushomo kweelana ambobakamwiisha. Mulyeelete kunoolumba Lesa lyoonse.

1 Bene Tesalonika 3:5

Nceceeco ncendakatumina Timoti. Ndakaalilwa kulicata, aboobo ndakamutuma kwaamba ayi ese eshibe mbomwiimfwi mulushomo ceebo ndalinga kwaamba ayi cimwi ciindi Mubiibi wamusunka akulengesha mulimo ngotwakacita pakati kanu kubula mpindu.

1 Timoti 1:19

akutolelela kushoma amiyeeyo iluleme. Bamwi tabakwe kunyumfwila miyeeyo yabo iluleme, aboobo lushomo lwabo lwakanyonyooka.

Bene Ebulu 10:39

Swebo tatubete bantu beshikuboola kwisule akunyonyoolwa. Sombi tuli baabo bashoma beshi bakapulushikwe.

Jemusi 2:26

Ono aboobo bweenka mubili utacite muuya mbotwaamba ayi ulifwite, alwalo lushomo na talucite micito lulifwite.

2 Pita 2:20

Bantu balapulushikwa mushintu shibiibi sha mucishi ca panshi kwiinda mukwishiba Mwaami Jesu Klistu, Mupulushi wesu. Sombi na baboola mushintu isho akukomwa, ncakwiila bwikaalo bwabo bulabica kwiinda mbuli mbobakalinga pakataanshi.

2 Pita 2:22

Mukucita boobo, balabonesha kwaamba ayi tushimpi utu ntwalushinisho twakwaamba ayi, “Kabwa ulaboola mukulya nshaaluka,” alimwi ayi, “Nkumba njebasansha, ilaboola mukwaalabangana mumatipa.”

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Judi 1:12

Bali anga ngamatombe mushakulya shapakusekelela mubwanabwankashi. Mbantu balyabi, bayeeyabo shabo beene. Bali anga ngamakumbi atolaanishikwabo amuuwo, sombi taaleti mfula. Alimwi bali anga nshisamu shitacati shisepo na cashikila ciindi, nabi shisamu shakashulwa akuyuma cakumaninina.