Luka 8:10 - Baibo Busansulushi Bwa Libuku Ili

¹⁰ Jesu wakakumbula ayi, “Mwebo mwakapekwa lushibo lwa shintu shishisitwe sha Bweene bwakwe Lesa. Sombi bamwi balaambilwa mushikoshanyo kwaamba ayi, ‘Balangilishishe, sombi babule kubona. Bakutikishe, sombi babule kunyumfwa.’

Luka 8:10 ပူးပေါင်းရင်းမြစ်များ

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Isaya 29:14

Paceebo ceeco bantu aba ndaakubakankamika alimwi. Balaakubona shaankamiko peculu lya shaankamiko. Ndaakumana busongo bwa basongo, alimwi ndaakulobya maano a bantu bacenjete.”

Isaya 44:18

Bantu ba mushobo uyo taaku ncebeshi, tabanyumfwishi. Meenso abo akacalwa ayi batanoobona atwalo tulango twabo twakashindamina ayi batakoonshi kwishibaawo cintu nabi comwi.

Isaya 6:9

Wakaamba ayi, “Koya kubantu aba mukubalwiita ayi, ‘Mulaakukutikishisha, sombi teshi mukanyumfwishishe, Mulaakulangilishisha, sombi teshi mukabonesheshe.’ ”

Jelemiya 5:21

‘Amunyumfwe makani aya mwebo nobaluya, nobantu nomutacite maano. Amunyumfwe mwebo nomucite meenso, sombi tamulashi, nomucite matwi sombi tamunyumfwi.’

Esekelo 12:2

“Webo omuntu, ulishiite pakati ka bantu baashu. Balicite meenso akuboneshaako, sombi tababoneshi, balicite matwi akunyumfwishaako, sombi tabanyumfwishi ceebo mbantu baashu.

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Maako 4:11

Jesu wakabakumbula ayi, “Mwebo mwakapekwa lushibo lwa shintu shishisitwe sha Bweene bwakwe Lesa. Sombi bamwi abo batana kwishiba, balanyumfwa shintu shoonse mushikoshanyo

Maako 4:12

kwaamba ayi, ‘Balangishishe, sombi bataboneshi, bakutikishe, sombi batanyumfwishishi, mukwiinga inga basandukila kuli Lesa alakwe inga wabalekelela.’ ”

Joni 12:40

“Lesa wakabapofosha akuyumya mitwi yabo, cakwaamba ayi tabakoonshi kubona ameenso abo nabi kunyumfwishisha amyoyo yabo. Nabibo kusandukila kuli ndime ayi mbashilike.”

Bene Loma 16:25

Atulumbaishe Lesa! Lakwe ulicite nkusu shakulengesha ayi mutolelele kushoma Makani Abotu aamba pali Jesu Klistu aya ngoonshimikila. Makani aya ancinencine akayubululwa, akalinga kushishitwe kwamyaaka iinji abuumbi.

1 Bene Kolinto 12:11

Ono ucita shoonse nguMushimu womwi weenka. Ulapa shipo shipusenepusene kumuntu womwi awomwi kweelana ambwaayanda.

Dutolonomi 29:4

Sombi abobulya sunu, taana kumulengesha ayi mwishibishishe nabi kunyumfwishisha sheesho nshemwakabona.

Bene Kolose 2:2

Ndisuni kwaamba ayi shintu ishi shibayuumye alimwi akubacatanya pantu pomwi mulusuno kwaamba ayi kwiinda mulushibo lumaninite beshibishe kabotu muli Lesa. Munshila iyi ndyeenga beshiba makani akwe Lesa akalinga kushisitwe kubantu, ngoKlistu mwiine.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.