Luka 7:40 - Baibo Busansulushi Bwa Libuku Ili

⁴⁰ Sombi Jesu wakamwaambila ayi, “Simoni ndicite cakukulwiita.” Simoni wakakumbula ayi, “Nciinshi noBafundishi?”

Luka 7:40 ပူးပေါင်းရင်းမြစ်များ

1 Baami 2:14

Mpeeke wakeelikaawo ayi, “Sombi ndicite acakusenga.” Batisheba wakamwiipusha ayi, “Nciinshi ico?”

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Mateyo 26:49

Judasi ndyaakashika, wakeendililabo kuya kuli Jesu akwaamba ayi, “Mwaboneka Nkambo!” Mpomunyaawo wakamufyonta.

Mateyo 7:22

Pabushiku ubo bwakoombolosha, bantu baanji balaakuŋambila ayi, ‘Nkambo, Nkambo, sa tatukwe kushimikila akukusha bashikaswa, alimwi akucita shaankamiko muliina lyanu?’

Luka 18:18

Mutanjilili wa baJuda umwi wakeepusha Jesu ayi, “NoBafundishi babotu, ino ndyeelete kucita buyani kwaamba ayi nkabe abuumi butamaani?”

Luka 5:22

Lyalo Jesu wakeshiba ncibakalinga kuyeeya mumyoyo yabo wakabeepusha ayi, “Ino mutooyeeyelanshi shintu sha mushobo uyu mumyoyo yanu?

Luka 5:31

Lyalo Jesu wakabakumbula ayi, “Teshi bantu bayumu balangoola mushiliki, sombi balwashi beenka.

Luka 6:8

Sombi wakalinga kwishi ncebakalinga kuyeeya. Mpeeke wakaambila musankwa uyo wakalinga kuyuminite lyaansa ayi, “Kosa wiimikane kunembo kuno.” Alakwe wakanyamuka akuya mukwiimikana kunembo.

Luka 7:39

Lyalo muFalisi ulya wakeeta Jesu ndyaakabona bobulya, wakalyaamboosha ayi, “Muntu uyu naalinga mulaluki wancinencine naashiba mbwaabete mwanakashi uyu utoomucata mukwiinga ngumucita shibi.”

Luka 7:41

Mpeeke Jesu wakaamba ayi, “Shikukweletesha maali umwi wakalinga kucite beshinkongole bobilo. Umwi wakakongola myaanda yosanwe aumwi makumi osanwe amaali.

Joni 13:13

Mwebo ndyemunjita ayi, ‘Mufundishi,’ nabi ayi, ‘Nkambo,’ mulalulika mukwiinga ngondime.

Joni 16:19

Jesu wakeshiba ayi batooyanda kumwiipusha, aboobo wakabaambila ayi, “Sa mutokwiipushanya pacikani ncendaamba ayi, ‘Muciindi ciniini citoosa teshi mukamboneewo, sombi paakwiinda acimwi ciindi ciniini mulaakumbona?’

Joni 16:30

Ono tweshiiba ayi mulishi shintu shoonse alimwi taakuuwo aceebo muntu nceenga wamwiipushisha. Aboobo twashooma ayi mwakaswa kuli Lesa.”

Joni 3:2

Uyu muntu wakaya kuli Jesu mashiku akumwaambila ayi, “Bafundishi, tulishi kwaamba ayi mwebo muli bafundishi bakaswa kuli Lesa mukwiinga taaku muntu weenga wacita shaankamiko isho nshemucita, na Lesa taabete anguwe.”